亞瑟王等坐正開局難

政府有意委任人稱亞瑟王的前中大校長李國章，出任港大校委會主席，雖然拖左一段時間，拖到區議會選舉之後，但係最後都好大機會成事，現時已是港大校委的亞瑟王，好有機會坐正做港大校委會主席。

李國章做港大校委主席呢份無薪工作，一啲都唔易做。政界人士分析，他的任命主要面對兩大方向的反彈，第一係在陳文敏任命副校長事件上的質疑，針對佢代表政府，未來仍會以政府角度干預香港大學嘅事務，第二，係針對佢過去曾經作為中大校長，討厭港大，唔會為港大爭取利益。

政界人士話，你話李國章討厭香港大學，愛護中大，只係一種過時嘅睇法，佢當年係中大校長，當然討厭香港大學，但屁股指揮腦袋，到佢出任港大校委會主席的時候，自然會喜愛港大，可能會變咗討厭中大㖭。

不過因為陳文敏事件結下的樑子，呢啲矛盾就唔係咁容易化解，即使亞瑟王唔理外面的泛民主派，佢亦都要面對校內反對佢嘅學生同埋老師，雙方的對立氣氛，唔係可以一下子玩結。

不過政界人士話，李國章在學術上絕對夠格，做港大校委會主席，佢當年搞中大嘅時候，搞到蒸蒸日上，中大嘅排名節節向上。如今港大正值校內風雨飄搖，排名續跌的日子，如果唔理政治，只講大學發展，搵到李國章呢個猛人助拳，絕對係有利港大重新振作，起學術水平上面，更上一層樓。

Ariel

** 博客文章文責自負,不代表本公司立場 **

旅遊發展局今年除夕夜在維港搞倒數活動，斥資1,300萬元發放長達時8分鐘的煙火匯演，維港上空會出現超過160個笑臉圖案，是歷來最多，象徵2016年充滿希望和活力。

旅發局今次活動更係搞搞新意思，同YouTube合作，直播煙花倒數活動。

旅發局主席岳少亦都講到今年聖誕假期酒店訂房率有八成半，但房價下跌，他認為係港人對內地客抗拒，令內地旅客覺得自己不受歡迎而卻步。佢仲形容形容中國市場是「一塊肥肉」，周圍的國家都在搶，但偏偏香港人「吃齋不吃肥肉」，那就自然會瘦，令大家都要勒緊褲頭。

睇番旅發局同YouTube合作搞直播，都好似無特別要預俾在內地的居民睇直播同一齊倒數喎，因為內地睇唔到YouTube，唔知旅發局會唔會諗吓和優酷土豆或者其他內地視頻網站都搞埋直播呢，咁咪唔使俾人覺得好似唔預內地居民睇咁囉。