支聯會下午搞遊行，爭取釋放銅鑼灣書店東主李波等人， 遊行在晚上約7時結束，大會估計，有6000人以上參與遊行。 警方就說，活動高峰時有約3500人參與。
4000、5000的遊行人數，比事前估計的略少， 不少政界人士估有過萬人參加，甚至好似64集會那樣，擁出4、 5萬都唔奇，但結果只得數千人。
政壇高人分析，李波事件惹起港人關注，但遊行人數較少， 估計有幾個原因。第一，李波自己的行為降了溫。 李波發回傳真報平安，後來又發回片段話返回內地是他個人行為， 不明為何有人大造文章，令他和家人正承受很大壓力。 雖然有人質疑傳真或片段是否李波自願拍，但李波太太都去了銷案， 令人相信不要搞大件事，可能對李波更有好處。
第二，李波等人出禁書是一個謀利行為，又在失踪前對《壹週刊》 直認自己出書「真假參半」，「 出版政治書並非為了公義而是利潤豐一厚」， 在在削弱公眾對他的同情。試想若一個報紙記者失踪， 情況會有好大分別。
第三，部份人即使同情李波，但也不想出來遊行，怕被政客利用，又怕有衝突。過去次次支聯會遊行，都和本土派衝突，有時情況都有少少嚇人，例如今次遊行中也有不滿支聯會遊行方式的本土派打正「香港獨立」的旗號，走近支聯會的隊伍，也嚇怕想和平示威的群眾。
不過話得說回來，支聯會的遊行雖然參加者不算多， 但若事情不解決，火種未滅，還有機會被人點燃， 未來會再把火燒起來。
Ariel
** 博客文章文責自負,不代表本公司立場 **
前財政司司長梁錦松昨日出席一個學校發展講座，突然話要「 重出江湖」研究教育問題，又主動與大受批評的母語教學劃清界線， 「母語教學唔係我建議…呢樣嘢我堅決唔肯認，唔係洗底問題， 而係應該將個源頭搞清楚，再諗點樣去改。」
母語教育在回歸前已開始醞釀， 後松哥在1997年出任教統會主席，當時特首董建華加快推動母語教學，松哥和時任教育局局長的羅范椒芬是主要執行者。
Ariel 唔係太關心松哥對教育的意見，反而留意到唔知點解佢咁高姿態搞到話要「重出江湖搞教育」。
政壇高人話，而家江湖險惡，無乜所求者，都唔覺意退出江湖， 記者打到電話嚟都唔想聽，所以好耐都唔見有人「重出江湖」， 有人咁講，自然要多加注意。
明年3月就選特首，候選人今年5、6月就要現身，若松哥想選， 都要蒲頭。記者昨日問佢是否為參與明年特首選舉鋪路，他強調「 冇計劃」，之後再追問佢，佢只係強調「冇計劃咪冇計劃囉」， 有老師在提問時中直言希望梁生參選下屆特首，但松哥都未有正面回應。
松哥解釋今次「重出江湖」發表教育問題演說， 是因自己十多年沒研究教育問題。又話因為他3個仔女都已入學，分別就讀中一、小五和小二，發現了教改的好處同時亦發現不足咁話。
高人話，松哥講就教育發聲的理由有啲牽強，但想選特首搵教育做切入點就一啲都唔奇，睇佢搵不太受觀迎的母語教育開刀，又話希望港府增加教育投放到GDP的4%(現時是3%)。這些說法都是討好家長、 討好老師的講法。
看來還是有不少人睇住特首個位，唔會死心， 睇怕未來江湖都會幾多事喎。
