呢輪大家居家抗疫，又唔敢去飲茶，人都開始癲癲哋，呢日就聽到豬視妹喺度口噏噏⋯⋯

「燈櫈登等，職工頭圍用膳。」

聽豬視妹講，佢細個飲茶每次聽到呢句廣播，諸事八卦嘅佢，叉燒包食到一半都擺番落碗，走去昅吓人哋伙記食乜，當正自己有份食。

Those were good old days。以前酒樓當伙記一家人，成班工友圍埋食飯，頭圍、二圍、尾圍，拿拿聲食完又開工，勁有team spirit。可惜呢份人情味，依家已經買少見少。

不過，買少見少唔代表冇。

無綫J2台逢星期五晚10點播出嘅節目《職工頭圍用膳》，主持張寶兒同余思霆，會輪流介紹香港同台灣兩地包伙食嘅食肆，感受吓呢份暖暖嘅人情味。啱啱播出嗰集，仲有星級總廚Ricky同李文龍親自炮製福食，用下欄食物變上菜，睇到豬視妹舔舔脷。

「職工頭圍用膳完畢，快啲返回崗位，等櫈燈櫈。」豬視妹又催我出post啦。




霸戲哥

** 博客文章文責自負,不代表本公司立場 **