大爺雞之日常#071 │ 大爺雞

有人問，我家小狗大爺雞點解叫大爺雞？其實字面已經解釋晒：就係成個大爺咁款，同餐餐要食雞。
Well，依家寫稿嘈醒咗佢，都要停低餵佢食雞條。13歲老狗，就得就就啦。

雞條解決到嘅已經唔係問題，最弊係霸戲哥同豬視妹同時出街，大爺雞唔止扭雞條，仲會起勢咁吠，嘈到拆天。斷估收多幾次warning就要被迫遷。

「佢係一隻壞咗嘅狗。」豬視妹成日話我種壞佢。

我上網search過，大爺雞呢啲叫做分離焦慮症，主要係狗仔太過依賴主人，所以每次出街都以為我哋離棄佢，繼而抑鬱、情緒低落同亂吠。不過上網得文字，要點醫大爺雞嘅分離焦慮症，其實係領悟唔到。

終於救星到。無綫J2台噚晚開始，逢周一、周二晚上10點會播出由@aliaime 李佳芯同@hokwokwing_hk 河國榮主持嘅《狗狗診療所》，噚晚嗰集@crystalfyy 馮盈盈帶埋佢隻12歲小狗波子做嘉賓，原來波子同大爺雞係一樣有分離焦慮症。但係經過犬隻訓練員Daniel一連串嘅測試同解釋後，盈盈終於知道核心問題其實喺佢度，就係畀得太多Attention波子。睇嚟今鋪要鐵石心腸，唔再買雞條。

呀，今晚買咩畀大爺雞食呢？

霸戲哥

** 博客文章文責自負,不代表本公司立場 **

0年代著名動作演員黃哈，昨晚11時於瑪嘉烈醫院離世，享年76歲。其生前好友、著名文化人彭志銘證實死訊。

年輕一輩未必聽過黃哈，但一定認得佢主演過嘅電影。其中最為人熟識必定係《殭屍先生》，扮演李賽鳳個爸爸任老爺，委託茅山師傅九叔（林正英）處理祖墳，點知中途發生事故，最後連自己都變埋殭屍。

黃哈，原名黃景洋，人稱蝦哥，係劉家良父親劉湛嘅徒弟，60年代做龍虎武師，亦係劉家班嘅主要成員，之後做武術指導。邵氏年代拍過好多齣電影，亦做過導演，78年徐少強同黃錦燊主演嘅《佛山贊先生》就係佢執導嘅。

話說霸戲哥早幾日先同豬視妹一齊睇《殭屍先生》，可惜幾位前輩已經先後離去，只能喺戲入面追憶。