做主席應有之義

立法會主席曾鈺成周四在報章專欄作對聯，講有一種對聯叫做「 無情對」，一般的對聯，上下聯說的是同一主題， 但無情對上下聯的內容卻互相沒有關係，離得愈遠愈妙。

曾主席初時舉例講無情對的上聯「三星白蘭地」，下聯可以係「 五月黃梅天」; 佢講講吓講到政治，話「梁振英」可以搵乜嘢去對?搵「國安法」去對，就堪稱工整啦。曾主席文章結尾話「 既是無情對，上下聯互不相關，也沒有任何寓意，只博讀者一笑。」

文章出街後政界瘋傳，若是一個二打六話作個「無情對」，以「 國安法」對「梁振英」，相信無人會理佢，但曾主席地位尊崇， 有些人甚至相信他在中央有線，膽咁如此曲筆批評CY， 一定意有所指，有人甚至借此解讀中央對特首選舉的意圖。

純以無情對而論，以「國」字對「梁」字，極之夾硬， 呢種對法一開頭就壞，難言工整。不過從政者對「對」不求工整， 只求諷喻，就另作別論了。

政壇高人叫Ariel聽吓前立法局主席黃宏發點講， 發叔昨日評彈曾主席的作風，話曾鈺成發表太多個人意見， 是不妥當的行為，指他表現仍像民建聯的領導， 認為立法會主席應該保持低調，避免角色衝突。

高人話，做立法會主席應有之義，是盡量保持中立， 平日少公開發言。你看英國下議院的議長，也不是事事評彈一番， 更不會搵英國首相卡梅倫來講笑。英國議長不用搞到自己好高民望， 但到選舉之時，選民自自然然會選佢出來，做一個球證的角色。 香港港人治港經驗未夠，都應該學習人地議會的行事作風。

高人補充兩句，話如果你用曾主席的戲謔去解讀中央的意圖， 小心會解到錯哂。

想看曾主席文章原文可進入: http://www.am730.com.hk/ column-307074

Ariel

** 博客文章文責自負,不代表本公司立場 **

一連四日的復活節假期今日展開，但不少「打工仔」因為每年只有1 2天法定假期，而復活節假不包括在內，所以今日仍要返工。 職工盟昨日就去到政府總部請願，要求政府增加5日勞工假， 統一公眾法定假期，令所有打工仔都有17日假。

職工盟示威者帶同橫額及手持寫上「Give me five」的手掌型紙牌，再加特首CY的卡通頭像， 到政府總部請願。大手掌加CY的頭像，都可能有大巴掌打醒CY的意思。

不過有知情人士話，職工盟呢一巴打錯人，因為今年CY在今年的施 政報告，原本就打算加入分期實施統一打工仔假期的建議，分期將勞工假增加到和公眾假睇齊，但因為有官員大力反對，CY又 不想一意孤行，所以最後只好作罷。

Ariel問官員無乜嘢理由反對呢？知情人士不願透露，只是嘆一句「反對理由唔重要啦」，總之有利打工仔的建議就實施唔到。

聽聞商界大力反對此建議，認為會增加成本，唔知係唔係佢地影響咗官員，官員就叫停CY。