政事
政府今日宣布成立「防止學生自殺委員會」，全面了解及分析學生自殺的原因，並建議預防學生自殺的適切措施。
教育局發言人話，特區政府希望能夠廣泛聽取各方意見，尤其是大學同學對這個切身問題的理解和建議。正如行政長官在去年十一月區議會選舉後表示，特區政府用人是「用人唯才」，年輕人有心服務政府，不管他們的政治立場是怎樣，特區政府都願意在不同的諮詢架構內聽取他們的意見。
發言人又講，通過今次委任，特區政府希望在不同方面，加強與各院校同學就香港社會發展和特區政府工作等議題，進行交流和對話。
有知情人士提Ariel留意，教育局發言人講到和「不同方面」、「各院校」對話。睇番個委員會名單，主席由香港大學防止自殺研究中心總監葉兆輝教授擔任，相當正路，成員包括學校、家長、青年、學生代表、醫護和社福界專業人士。再睇吓唯一一個學生代表，赫然發現港大學生會會長孫曉嵐。
孫曉嵐最特別之處，是一上任就公開表示支持港獨。孫曉嵐來自很多爭議的港大，又支持港獨，政府都委任她入諮詢組織，都算係一種姿態。
Ariel
** 博客文章文責自負,不代表本公司立場 **
星島新聞集團主席何柱國，上星期接受三藩市星島中文電台訪問， 力挺梁振英，兼批唐英年，成為政界話題。
何柱國話：「選舉的時候我反對梁振英做， 支持唐英年，但睇番梁振英今日做得唔差，我覺得佢好勤力， 有人話佢作風硬過頭，但如果畀我做特首，可能仲硬過佢。」
何柱國更針對唐英年早前公開批評「梁振英政府不夠謙卑， 擔心官民溝通不足，以致年輕人愈趨激進」，何柱國力批唐英年「 不合邏輯，政府已經被逼到埋牆角，點謙卑呀？跪喺度呀？ 要知道今日唔係你做，講就容易，到你做的時候就唔同。」
何柱國又重申，目前不少有志從政的本土派及年輕人， 都沒有周全想法，家長有責任做好家庭教育：「 唔好問國家能夠為你做啲咩，你哋可以為國家做啲咩先？」
政界中人第一個關心角度，是何柱國成為大力挺梁份子。第二個角度， 係佢大鬧唐英年。據知情人士話，何柱國鬧唐英年有遠因，話說201 5年5月，唐英年搞香港江蘇社團總會，自己出任會長， 搵咗何柱國參加，後來大家在討論時，唐唐叫何柱國收聲， 搞到佢震怒。
何柱國好唔老黎，退出了江蘇社團總會。如今覺得唐唐講年青人問題唔啱聽，自然鬧番夠本。
