田少大捧馬時亨做特首

壹仔訪問田大少田北俊，有一部份講到特首候選人都幾趣。 係人都知田少同九倉吳光正friend， 記者問佢坊間有傳吳光正欲捲土重來再選特首，田少說：「 我無具體問他，我和他是好朋友，我不覺得他會想， 他還大過我一歲多。」

記者再問與李嘉誠友好的馬時亨和梁錦松又如何？田少話「 他兩位也行，特別馬時亨全面，處理事情的能力好過Anthony （梁錦松），不是說梁錦松不行，只是他全屬金融方面的， 而且他離開了政府十三年，就難講一點， 我知他現在公司都做得非常好，人工非常高。」

田少話：「反而馬時亨是非常有能力的人， 雖然當時他辭職不願做官，但現在看他做港鐵， 很多事都處理得不錯。」至於肥馬會出閘？「我不知、我無問， 但你問我，我便覺得馬時亨OK，可考慮出來參選。」

政壇八卦友話，田少同肥馬分屬唔同老細，田少咁俾面力推肥馬， 都好有ABC(anyone but CY)的味道，所以田少會話無論林鄭司長、曾俊華司長、 還是葉劉議員做特首都得。

講開又講，做特首唔知，肥馬做港鐵主席的確唔錯， 在高鐵超支一役，搞出一個包底方案，派高息俾股東， 側側膊過立法會財委會，空間咁窄都俾肥馬過到， 都算有兩道功夫啦。

Ariel

** 博客文章文責自負,不代表本公司立場 **

田大少田北俊接受《壹週刊》訪問，提到支持魔童王維基的問題。 佢話「是王維基主動來問我，到底去港島還是新界東。他說有興趣去港島，仲講笑話：『自由黨支不支持我也不緊要，James (田少)你支持我就得。』我也和黨匯報過這件事。」

田少又話會幫魔童拉票，但在資源上魔童自己搞得掂，不用田少幫手咁話。

魔童和田少有對話，外界早有所聞，而魔童要在港島打擊的對手，亦係田少想郁之人。據魔童私下同朋友講，佢在港島參選本來想插三個人，一個係特首CY，一個係民建聯鍾樹根，另一個係葉劉。而家Tree 根得唔到民建聯支持參選，出唔出選都成問題，魔童選舉時就聚焦葉劉。

魔童私下講，只要佢搶走葉劉4000、5000票， 葉劉已可能落馬，所以佢唔客氣，會全力狙擊葉劉。

政壇八卦友話，魔童或許可以搶到葉劉一些票，但客觀上佢打出要CY落台的旗號，最能搶走的反而是泛民的選票，例如民主黨的許智峯，由於知名度太低，只能靠組織票，所有遊離票都可能被魔童呢類人搶走。所以若魔童得票多，可能先殺死泛民。