澳洲墨爾本F1攻略（交通+霸位篇）

由墨爾本市中心去Albert Park 阿拔公園，可以坐電車、巴士。不過只要手持賽車票就可以免費搭電車入賽場，電車班次又密，幾分鐘有一班，筆者強烈推薦坐電車！

有三條電車去賽車場，一架由Swanston Street (Federation Square搭)往St.Kilda Road 的電車經5,8,9,10閘口。另外兩架都是由 Spencer Street 出發，一架Light Rail去1,2閘；另一部去Clarendon Street會停3,4閘。20分鐘就到，極快捷。

而亞拔公園賽道總共有10個入口，入場觀眾要霸靚位，最好知道自己座位近那一個閘口。例如終點線最近1號入口，14彎近10號入口。

10號閘比較少人排隊，但從電車站行比8號閘遠，不過筆者覺得入場最快。排隊入場又要留意分兩條龍：Print at home (自印飛）、Box Office 實體飛。排隊要認清先好排，排錯又會浪費時間。

由於賽道10點半就開門，想坐前啲影相嘅朋友，9點已經排隊入場，所以大家真係要早起啊，希望大家霸個靚位。

 

官方交通手冊：按此連結

艾爾頓

** 博客文章文責自負,不代表本公司立場 **

三月中又到F1開鑼，今年仍然是澳洲作首站。無他，天氣好，氣氛好。小記上年飛到墨爾本睇F1開季，11年處男入場是新加坡F1，星洲機票、門票都平，又是夜賽，又在亞洲近近地，很抵睇。不過見識過，又心思思想看鬼佬辦的F1。尤其是亞拔公園（Albert Park）有草有湖的靚景，以前看直播已經很嚮往，於是第二次入場就揀墨爾本。

Turn14的大直路

澳洲站門票分General Admission 與Grandstand兩種， General Admission 是普通入場門票，沒有特定位置，和新加坡的Walkthrough不同，可以在場中四圍自由走動。GA的四日票要$185澳幣，折合大約$1500港元（八算呢！苦！）也可以買日票，但要留意決賽日的日票通常很快售完。相比下Grandstand 只有四日票，最平的也要＄320，絕對不是窮等如我買得起。而且位置麻麻，好處是有椅坐，有大電視（其實附近的GA也可以看到的）。今次我是買GA($185)加周末Premium Zone Turn 15($80)，總共$265澳幣（＄2150港元）。當然大約比賽前半個月Early Bird票會平啲，決賽日GA平$20澳幣。

Turn15是90度的大彎，車速最慢，影相靚位

由Turn 15拍Vettel的火星車RB9

官方購買是由 Foxtix網站處理，信用卡一定OK，因為自己太興奮，要求將門票送到家，付上＄20澳幣。其經濟的做法是在當地門市 （Federation Station站）取票，費用全免，打印收據甚至給職員看手機內的電郵收據也OK的！

下一篇會講賽車場的交通，仲有霸位攻略。