一個20年老友打電話來，話有啲錢想投資，乜都貴，但黃金好似仲幾平，2011年前高位1920美元一安士，而家1349美元(佢明顯做過功課)，樣樣都創新高，佢距離高位仲有30%，邊度有得輸？
直到佢講最後一句「邊度有得輸?」之前，我都覺佢講得頭頭是道，但聽埋呢句我就覺得有啲問題。
我就話無嘢買落去一定唔輸，投資前第一個要諗的問題，唔係會贏幾多，而係會輸幾多，要預咗睇錯咗輸起上來，要自己受得起至好。
我自己都睇好黃金，認為可以等佢回吐時慢慢吸，到美國今年加一次息明朗化時，更大力啲吸，但要設想買完之後輸的情況：
第一，美元不斷走強。我經常覺得，主導黃金走勢主要是美元，而不是實金的使用需求，美元弱，黃金升，相反美元升，黃金跌。睇吓黃金同美元5年圖就知，兩者呈反向相關。未來睇好黃金，主要係睇淡美元長線升勢，認為美國即使12月再加一次息都有排加唔到，所以難阻黃金升勢。
黃金5年圖
美元指數5年圖
若美國只能有限加息的前題出錯，黃金就會不升反跌。所以若買咗金，或將會買金，要密切睇住美國經濟數據，要符合通脹上唔到、就業又唔會太強兩大條件，條件若大變，美國會連番加息，就要減倉。
第二，黃金無息變相有成本。黃金若相對無風險的港元存款，存定期只有0.5厘息，代價不太大。若然相對高息的房託，例如越秀房產基金(405)，差別就大。405現價4.94元，有6.3厘息，你等到佢回落到4.43元才買有7厘息。
若然長揸比較兩者，黃金無息收少了7厘一年，5年複式少了40.2%，即係話現價1349美元買金，5年後累升40.2%，到1888美元。這樣和買入在4.43元買入405，5年後佢股價唔升唔跌都係4.43元，但計及收息其實同揸金升4成一樣。這就是買無息東西的成本。即係話若然黃金唔係升咁多，買高息房託可能仲好。
結論唔係話黃金買唔過，只係想話俾大家聽買乜嘢都有風險。若想等回吐買金，可以黃金ETF，包括SPDR金ETF（2840）或價值黃金ETF（3081），這些基金價格則會緊貼金價走勢。
陸羽仁
** 博客文章文責自負,不代表本公司立場 **
今年內地汽車板塊唔係好掂，出現一個前高後低的走勢，以汽車第一股比亞迪(1211)為例，今年初88元，5月升上159元的高位，周四收98.4元，雖然比年初仍有12%進帳，但在100元(即拆細前300元)以上買入者仍要捱價。汽車股唔掂主要受競爭內捲的氣氛影響，市場睇淡整個板塊，恐怕來年前半段仍會維持這種走勢。
內地主要車企首3季業績。
內地公眾號「車東西」總結了內地首3季汽車股業績。截至12月4日，內地已有14家主要車企發佈了今年第3季度財務報告，整合各車企今年前3個季度的業績後發現：這14家國內車企今年前3季度營收規模總和達到2.1萬億元人民幣，純利總和為364億元，簡單計算一下，這14家車企淨利率僅為1.8%，利潤率偏低，可見內地車市競爭何等激烈。
比亞迪年初至今股價圖。
包括比亞迪在內的傳統車企陣營，8家傳統車企前3季度淨利潤總和超過471億元。其中，比亞迪一家賺走整個市場6成純利，憑藉233億元的純利領跑，排第二的吉利(175)純利超過131億元，走勢強勁; 長城(2333)、上汽各自純利均超過80億元，接近比亞迪三分一，而廣汽集團(2238)、江淮汽車、北汽藍谷仍在虧損，最狠的暴跌3691%。
同期新勢力陣營表現參差，6家新勢力車企前三季度淨虧107億元。其中，僅賽力斯(9927)、理想(2015)、零跑(9863)前三季度實現盈利，但理想在第3季度淨虧損達6.2億元，它在第2季度還有11億元純利，由盈轉虧令人意外。而剛在港上市的賽力斯憑藉首3季53億元的純利領先，但賽力斯單計第3季純利23.7億元，同去年相比下降1.7%，也有點上升乏力的味道。而零跑第3季業績亦亮眼，第3季成功轉虧為盈，純利1.5億元。
今年前3季度，小米電動車及AI等創新業務經營虧損為1億元，但第3季首次獲利7億元，走勢強勁； 小鵬頭3季虧掉15億元，蔚來首3季虧損加劇達到157億元，汽車行業呈現出冰火兩重天的局面。以第3季計，新勢力以小米、賽力斯和零跑表現最佳。
從整個行業去看，比亞迪首3季營收5662億元，增長12.8%，純利達到233億元，同去年相比下滑7.6%，但仍佔據這14家車企淨利潤總和364億元的64%。但比亞迪弱在做多了生意但利潤減少。
吉利年初至今股價圖。
吉利汽車表現相當出色，前3季度營收為2395億元，同比增長26%，利潤增長至131.5億元，純利同比增長4.6%，主要得益於其新能源轉型的全面提速與高端系列如極氪、領克的強勁貢獻。但吉利純利增長比營業額長增長少，同樣顯示內地汽車行業競爭極大。
整體而言，之前好熱的造車新勢力理想、小鵬、蔚來3隻都唔多掂，未來是小米、賽力斯、零跑取而代之的世界。
廣汽年初至今股價圖。
之前講過，廣汽第3季業績唔好，單季蝕17.7億，但外資行開始炒佢翻身。至於比亞迪和吉利，比亞迪晉身全球第5大車企，加上是全球電池二哥，本來唔應該睇淡佢。比亞迪動態市盈率20.6倍息率1.5厘，但受市場氣氛影響，又無人有興趣炒佢，有點難搞，手上有貨者唯有睇長線。
吉利打入全球十大，周四收17.43元，動態市盈率8.6倍，息率1.9厘，吉利盈利仍在上升軌道，加上它的新能源車佔比越來越多，理論上有估值提升空間。所以穩陣派反而可以留意吉利，買佢至少可收1.9厘息，好過放銀行，可以候吉利回吐到17元或以下買入，博明年再試今年的20.78元高位，就有22%回報，是進可以攻，退可以守的選擇。
