買黃金先諗輸乜嘢

一個20年老友打電話來，話有啲錢想投資，乜都貴，但黃金好似仲幾平，2011年前高位1920美元一安士，而家1349美元(佢明顯做過功課)，樣樣都創新高，佢距離高位仲有30%，邊度有得輸？

直到佢講最後一句「邊度有得輸?」之前，我都覺佢講得頭頭是道，但聽埋呢句我就覺得有啲問題。

我就話無嘢買落去一定唔輸，投資前第一個要諗的問題，唔係會贏幾多，而係會輸幾多，要預咗睇錯咗輸起上來，要自己受得起至好。

我自己都睇好黃金，認為可以等佢回吐時慢慢吸，到美國今年加一次息明朗化時，更大力啲吸，但要設想買完之後輸的情況：

第一，美元不斷走強。我經常覺得，主導黃金走勢主要是美元，而不是實金的使用需求，美元弱，黃金升，相反美元升，黃金跌。睇吓黃金同美元5年圖就知，兩者呈反向相關。未來睇好黃金，主要係睇淡美元長線升勢，認為美國即使12月再加一次息都有排加唔到，所以難阻黃金升勢。

黃金5年圖

美元指數5年圖

若美國只能有限加息的前題出錯，黃金就會不升反跌。所以若買咗金，或將會買金，要密切睇住美國經濟數據，要符合通脹上唔到、就業又唔會太強兩大條件，條件若大變，美國會連番加息，就要減倉。

第二，黃金無息變相有成本。黃金若相對無風險的港元存款，存定期只有0.5厘息，代價不太大。若然相對高息的房託，例如越秀房產基金(405)，差別就大。405現價4.94元，有6.3厘息，你等到佢回落到4.43元才買有7厘息。

若然長揸比較兩者，黃金無息收少了7厘一年，5年複式少了40.2%，即係話現價1349美元買金，5年後累升40.2%，到1888美元。這樣和買入在4.43元買入405，5年後佢股價唔升唔跌都係4.43元，但計及收息其實同揸金升4成一樣。這就是買無息東西的成本。即係話若然黃金唔係升咁多，買高息房託可能仲好。

結論唔係話黃金買唔過，只係想話俾大家聽買乜嘢都有風險。若想等回吐買金，可以黃金ETF，包括SPDR金ETF（2840）或價值黃金ETF（3081），這些基金價格則會緊貼金價走勢。

陸羽仁

** 博客文章文責自負,不代表本公司立場 **

有朋友早排買咗壁仞科技（6082），見佢今年最高上過70.75元，最低又見過27.32元，波幅大到以為係妖股。其實壁仞唔係妖股，但的確係大上大落嘅類型，心臟唔夠強都幾難揸得穩。

壁仞股價大上大落，但相對硬淨。

壁仞最近公布業績，增長確實唔錯。2026年上半年收入12.36億元，同比大增1997.6%，仲超過舊年全年的10.35億元；毛利5.27億元，毛利率提升到42.7%；虧損收窄到3.77億元，同比大幅改善76.4%。呢份成績表反映出壁仞嘅商業化落地開始見到成效，尤其係旗艦GPU(即AI芯片)產品的規模交付帶動收入爆升。壁仞業績理想，公佈後股價一度抽升。

講到內地GPU四小龍是摩爾綫程、沐曦股份、壁仞科技同天數智芯，另一個講法第4隻是燧原科技而不是天數智芯。目前壁仞同天數智芯（9903）已經在港上市，另外兩間就是內地A股。4間公司各有特色，值得逐一睇睇。

摩爾綫程是四小龍中收入最高的一間，今年上半年收入17.4億元，同比增長147.4%，毛利率約56.95%，喺4間中最高。不過佢仍然處於虧損狀態，歸母淨虧損1200萬元，扣非後虧損1.5億元。摩爾綫程的業務特色係產品線最完整，同時覆蓋圖形渲染同AI計算兩大領域，它的MTT S系列顯卡主攻桌面級市場，而MTT S4000等數據中心產品就針對AI訓練同推理，在4間中唯一有消費級GPU產品落地的一間，這個「雙線並行」的策略，令它在一眾國產替代概念上最具想像空間。

沐曦股份今年上半年收入13.2億元，同比增長44.7%，增速是4間中最慢。但它是4間中唯一實現盈利的的一間，歸母淨利潤6.1億元，不過扣非後仍然虧損4900萬元，說明盈利主要靠非經常性收益。沐曦的業務特色係專注數據中心GPU，主力產品曦雲C系列同曦思N系列分別針對AI訓練和推理場景，它的GPU產品累計銷量超過5.5萬顆，應用部署在10多個智算集群，客戶集中在運營商同國資背景嘅智算中心，商業化路徑相對清晰。

壁仞科技今年上半年年收入10.35億元，同比增長207.2%，收入增速在4間中排第二。毛利率53.8%，研發投入14.8億元，研發佔營收比高達65.1%，是4間中最進取的一間。壁仞的業務特色是專注雲端訓練同推理產品，全力發展智算集群，旗艦BR106及BR166系列已經實現全形態量產，還交付了多個千卡級智算集群項目，主打高算力密度同異構計算，在大模型訓練場景有一定競爭力。

天數智芯今年上半年收入10.3億元，同比增長91.6%，毛利率54%。它的業務特色是推理芯片智鎧系列收入大增238.2%，反映它在推理賽道嘅布局開始收成。天數智芯的產品線涵蓋訓練同推理，但明顯側重推理場景，智鎧系列主打低功耗、高性價比，適合邊緣計算同推理部署。不過要留意，天數智芯2026年上半年扭虧主要靠持有盛合晶微股權的7.6億元公允價值盈利，扣除此項收益後主業仍然虧損，而且毛利率從50.1%大跌到17.2%，經營壓力不低。

天數智芯股價像一個山型回落。

總括來說，壁仞科技確實有潛質，收入增長強勁，商業化落地見效，研發投入亦夠狠。但股價波幅這樣大，高位追入風險不低。如果想入手，建議等跌它到35元或以下先分段吸納，這樣會穩陣一點。始終GPU行業競爭激烈，燒錢速度快，投資者要有心理準備揸中長線。