熱普城候選人黃毓民在九龍西出選， 近日大力批評本土民主前線梁天琦反骨，又指他是「政棍」和「 蠢仔」。有指人稱「教主」 的毓民狂轟梁天琦及同區參選的青年新政游蕙禎， 是怕游蕙禎搶了他的票，教主就話如果佢輸俾個靚妹就抵輸， 話游唔識嘢，應該去選香港小姐。
在新界東參選的青年新政梁頌恆話由得黃毓民鬧，「 我哋講明唔會攻擊同道，唔回應嘞。」
毓民前晚在網台節目中，否認自己驚輸， 指支持青年新政參選的網絡名人都是垃圾。 毓民其實對梁天琦的批評還留有餘地，但特別針對黃台仰，佢話「 梁天琦係好仔、乖仔、亦都係叻仔，佢同Ray Wong（黃台仰）有好大分別。(梁天琦)係叻仔乖仔好仔， 但佢係一個蠢仔」。
雖然唔少人批評毓民分裂泛民， 但當你聽晒佢對本民前粗口橫飛的批評， 就知道佢批梁天琦等不止到他競選的九龍西為游蕙禎拉票， 仲唔肯支持在港島區參選的熱普城候選人鄭錦滿。 佢質疑即使本民前要同青年新政合作， 但青政沒有派人在港島區參選，為何不可以支持鄭錦滿?毓民話佢初 認識梁天琦和黃台仰，就係鄭錦滿帶佢地上嚟介紹他識認。
梁天琦都知此事理虧，早前在facebook回應事件， 透露早前約黃毓民食飯時，黃毓民想他和黃台仰為鄭錦滿站台， 當時沒有直接回應，因為組織內有不同意見。 梁天琦形容事件屬誤會，指曾經發短訊給鄭錦滿邀請主持網台節目， 卻未獲回覆，相信當中有「溝通上的誤會」， 重申熱普城的政治主張或與他們有些微不同，但「 鄭錦滿作為港島唯一一個本土派，係值得幫手」。
毓民對呢個解釋唔收貨，話網台聽眾本已支持鄭錦滿， 梁天琦請鄭錦滿去主持網台節目無鬼用。 睇嚟呢次教主和梁天琦割蓆事件，都好難善罷啦。
其他侯選人名單見：
http://www.elections.gov.hk/legco2016/chi/introd_gc_hki.html?1472524844061
Ariel
** 博客文章文責自負,不代表本公司立場 **
由佔中三子之一戴耀廷發起的「雷動計劃」，叫選民放棄一些泛民候選人，保送另一些候選人入局， 快將進入行動階段。泛民流傳最終要保送入局的泛民邊緣名單有可能是：港島區香港眾志 的羅冠聰，九東區人民力量「快必」譚得志，九西區劉小麗，新西區朱凱迪，新東區人民力量「慢必」陳志全或社民連「長毛」 梁國雄，超級區議會多數傾向民主黨的鄺俊宇，少數傾向公民黨的陳琬琛。
港島區有6席，據港大民調，傳聞要保送入局的香港眾志的羅冠聰排第8，支持度只有4%，比排第7的熱血公民鄭錦滿5%支持度低。另外港大民調顯示第8工 黨何秀蘭排第10只有2%，何秀蘭的支持有無低成咁？
九東區5席，人民力量「快必」譚得志排第7，支持度只有5%，排佢前面的泛民有熱血的黃洋達，支持度有10%，和排第5的謝偉 俊12%已有明顯差距，有保唔保到入局的問題。
九西區6席，劉小麗排第6支持度7%，領先排第7的青年新政游蕙 禎的6%，保劉小麗入局較合邏輯。
新西區9席，朱凱迪民調排第5有8%支持，比排第9的公民黨郭家 麒7%和排第10的工黨李卓人的4%支持為高，信呢個民調保朱凱迪有相當取勝機率，問題係李卓人支持度為何咁低 ？
新東區9席，社民連「長毛」梁國雄排第7有7%支持，人民力量「 慢必」陳志全排12只有4%支持，若保慢必， 同樣有入局成數太低的風險。
至於超級區議會，若保民主黨的鄺俊宇較合邏輯，因為他排第5有8 %支持，和排第6同獲8%支持的民建聯周浩鼎接近，公民黨的陳琬琛排第7只有6%支持，保鄺俊宇入局機會較大。
政圈中人話，唔知呢個係唔係雷動要保的最後名單，但無論什麼名單，一出必有爭議，好像這個名單，工黨候選人全在放棄之列，要保的傾向係年青人，難免有好大反彈。
佢話另一個問題係港大民調的準確性，好像新西的朱凱迪， 在港大民調排第4有8%支持，朱最近的支持有向上， 但其他民調無顯示有8%支持咁高，若然搞錯，都好浪費彈藥。
其他參選人名單見：
http://www.elections.gov.hk/legco2016/chi/introd_gc_hki.html?1472530119388
