距離立法會選舉還有3天，各式各樣的新聞或傳言滿天飛，最近就有一則「新聞」令人眼前一亮，有關報道指，中聯辦首次勒令在港中資機構的第一把手要簽署「軍令狀」，力保建制派42席，並要求中資不同機構擔當不同責任，務求令機構之間的選民不會重疊，令企業與選戰連成一線，亦是要硬挺中聯辦主任張曉明，以免他地位不保。
要中資老總簽保證書真是新鮮事，問題係真唔真呢？消息人士說，絕無其事，並無所謂的「軍令狀」，這只是無中生有的創作文章。先從簡單的邏輯推理分析，擔當得中資阿頭絕分等閒之輩，在內地系統中有相當地位，即使要他們拉票，那用簽字作保？第二到底建制派入局對中資機構有利，還是泛民入局好呢？當然是建制派了，中資老總不用人督促都內心雪亮；第三，有保證書便有白紙黑字，一旦流出，只會挑起選民對西環干預選舉的批評，自然為建制派選舉增添不利因素，實在無必要大費周章，做損人不利己的行為。
中資老頂都希望建制派有更多人入立法會，總比泛民拉布影響立法會運作強，不要忘記，中資本身也有派員參選，難道他們就希望自己人落敗，泛民得勝嗎？所以中資機構爭取同業選民支持好正常。
消息人士坦言，當立法會選舉引入「反港獨」議題時，已有建制派人士反映，擔心影響選情，特區政府不為所動，當時阿爺已表態，不惜建制派減少幾席，都不能容忍港獨份子進入立法會，香港局勢變化，阿爺早已預咗，所以話曉明哥前途和選舉結果掛鈎，都好有創作成份啦。
Ariel
** 博客文章文責自負,不代表本公司立場 **
熱普城候選人黃毓民在九龍西出選， 近日大力批評本土民主前線梁天琦反骨，又指他是「政棍」和「 蠢仔」。有指人稱「教主」 的毓民狂轟梁天琦及同區參選的青年新政游蕙禎， 是怕游蕙禎搶了他的票，教主就話如果佢輸俾個靚妹就抵輸， 話游唔識嘢，應該去選香港小姐。
在新界東參選的青年新政梁頌恆話由得黃毓民鬧，「 我哋講明唔會攻擊同道，唔回應嘞。」
毓民前晚在網台節目中，否認自己驚輸， 指支持青年新政參選的網絡名人都是垃圾。 毓民其實對梁天琦的批評還留有餘地，但特別針對黃台仰，佢話「 梁天琦係好仔、乖仔、亦都係叻仔，佢同Ray Wong（黃台仰）有好大分別。(梁天琦)係叻仔乖仔好仔， 但佢係一個蠢仔」。
雖然唔少人批評毓民分裂泛民， 但當你聽晒佢對本民前粗口橫飛的批評， 就知道佢批梁天琦等不止到他競選的九龍西為游蕙禎拉票， 仲唔肯支持在港島區參選的熱普城候選人鄭錦滿。 佢質疑即使本民前要同青年新政合作， 但青政沒有派人在港島區參選，為何不可以支持鄭錦滿?毓民話佢初 認識梁天琦和黃台仰，就係鄭錦滿帶佢地上嚟介紹他識認。
梁天琦都知此事理虧，早前在facebook回應事件， 透露早前約黃毓民食飯時，黃毓民想他和黃台仰為鄭錦滿站台， 當時沒有直接回應，因為組織內有不同意見。 梁天琦形容事件屬誤會，指曾經發短訊給鄭錦滿邀請主持網台節目， 卻未獲回覆，相信當中有「溝通上的誤會」， 重申熱普城的政治主張或與他們有些微不同，但「 鄭錦滿作為港島唯一一個本土派，係值得幫手」。
毓民對呢個解釋唔收貨，話網台聽眾本已支持鄭錦滿， 梁天琦請鄭錦滿去主持網台節目無鬼用。 睇嚟呢次教主和梁天琦割蓆事件，都好難善罷啦。
其他侯選人名單見：
http://www.elections.gov.hk/legco2016/chi/introd_gc_hki.html?1472524844061
