雲浩影第一首主打歌《願望之翼》的MV在清水灣郊野公園拍攝,最近為嘉頓麵包拍攝全新廣告就重遊舊地,勾起她很多回憶。
雲浩影(Cloud)最近為嘉頓麵包拍攝全新廣告兼獻唱主題曲,為品牌注入更多動感和活力。廣告中,Cloud以女生的日常帶出生活即使再忙,都要注意飲食健康,就算生活遇上不如意,都要錫住⾃⼰。廣告在清水灣郊野公園拍攝,而Cloud第一首主打歌《願望之翼》的MV,同樣在這裏取景,重遊舊地不但勾起很多回憶,她坦言外形和心態都轉變了不少!
點擊看圖輯
Cloud最近為嘉頓麵包拍攝全新廣告兼獻唱主題曲。
拍攝當日天氣清涼又常大風,Cloud一cut機便與同事一同用披肩圍着取暖。
Cloud出道後的第一個MV《願望之翼》在清水灣郊野公園拍攝。一年後重遊舊地。
與一年前相比,Cloud坦言學懂了工作時保持淡定以及做好自己份內事。
Cloud最近為嘉頓麵包拍攝全新廣告兼獻唱主題曲。
廣告中,穿上背心裙的Cloud與女演員Jackie在草地上野餐,她們跟着音樂擺動身體,津津有味地吃着麵包。隨後又與小演員貴婦狗「鮮奶」在草地上來回奔跑,毛茸茸的「鮮奶」非常搶鏡,亦乖乖聽從指令順利完成拍攝,成功俘虜眾人歡心。Cloud不斷大讚「鮮奶」又乖又可愛,她笑說:「『鮮奶』個頭圓咕碌,Pat Pat都係圓咕碌。佢好乖,有一個鏡頭要拎住麵包引狗仔食,但係佢又唔食得,好慘,好似欺騙咗佢感情咁,要為狗狗嘅敬業鼓掌。」
Cloud與女演員Jackie在草地上。
又與小演員貴婦狗「鮮奶」在草地上來回奔跑。
Cloud不斷讚「鮮奶」又乖又可愛。
拍攝當日天氣清涼,加上非常大風,身穿針織背心裙的Cloud一cut機便會靠近同事,並用披肩圍着大家互相取暖,場面溫馨搞笑。她說:「無諗過今日咁大風,同埋喺山頂拍攝,着得略為清涼咗少少。實在太凍,用披肩包住大家圍爐取暖,後尾發現笠住個頭仲保暖,所以就用披肩笠住大家個頭。」攝製團隊隨後移師至大屋拍攝室內戲份,Cloud換上藍白色背心裙,仙氣十足。拿起麵包的她表情多多,更露出為食樣,非常可愛。
拍攝當日天氣清涼又常大風,Cloud一cut機便與同事一同用披肩圍着取暖。
場面溫馨搞笑。
Cloud出道後的第一個MV《願望之翼》,同樣於清水灣郊野公園拍攝。一年後重遊舊地,她笑言外形上改變了不少。Cloud說:「拍《願望之翼》嗰陣係個波嚟、好肥,睇完個MV後就開始減肥。今次係減肥後回到郊野公園,同個大自然好Match,《願望之翼》嗰時多咗少少唔自然嘅肉仔,而家就好好睇。」
Cloud出道後的第一個MV《願望之翼》在清水灣郊野公園拍攝。一年後重遊舊地。
至於心態上的轉變,Cloud坦言學懂了工作時保持淡定以及做好自己份內事,並感激公司同事的愛錫。她說:「拍《願望之翼》會好留意附近發生緊啲咩,好想去幫手,但而家發現,我唔幫手已經係對佢哋更大嘅幫忙。」此時,鏡頭外的同事用力點頭,Cloud指着他笑說:「你個頭點得太勁啦,唔好為大家添麻煩就係我要學習嘅嘢。」
與一年前相比,Cloud坦言學懂了工作時保持淡定以及做好自己份內事。
並好感激公司同事的愛錫。
雲浩影(Cloud)前日(4月22日)推出全新專輯「Silver Lining」,並於晚上在中環PMQ舉行《Cloud's Silver Lining Trip 音樂會》,全場逾300位歌迷席地而坐,透過耳機沉浸式享受Cloud現場演繹新碟內作品和她喜愛的歌曲,展開不一樣音樂之旅。
Cloud推出全新專輯「Silver Lining」。
Cloud日前舉行《Cloud's Silver Lining Trip 音樂會》。
歌迷一早在場外排隊購買海報和小卡等周邊,然後魚貫入場,坐在地上「小雲朵地氈」,音樂會開始。Cloud拿著在新歌《雪愛》MV中亮相的可愛記事簿登場,簿內記下她的感受和音樂會流程,長裙下的她仙氣滿滿。她演唱《別畏高》和《雪愛》後問歌迷:「你哋緊唔緊張?我好緊張,我係P人嚟架,作為今日導遊,我都替大家緊張!」歌迷一片笑聲。
《Cloud's Silver Lining Trip 音樂會》
《Cloud's Silver Lining Trip 音樂會》
《Cloud's Silver Lining Trip 音樂會》
《Cloud's Silver Lining Trip 音樂會》
「以往音樂會上,透過耳機聽我唱歌嘅人只有樂手們,係好親密又好特別,今日你哋都會喺耳機聽到。」Cloud走到觀眾當中演唱《我們還有幾多時間》、《話到口中》和《別怕》。「今次專輯《Silver Lining》來自一句『Every cloud has a silver lining』,意思係即使烏雲都有一條銀色邊,都有一絲光明。」
Cloud雲浩影
Cloud雲浩影
翻唱薛凱琪的《Better Me》時,Cloud顯得特別感觸,「無論做啱做錯都有佢嘅原因,希望大家好似我咁,每朝早瞓醒都係一個新嘅自己,剛才首《Better Me》有一句好重要,亦係我好想『做一個值得你驕傲的Better Me』。」音樂會尾聲,Cloud說:「呢個屬於你同我嘅moment,我想透過呢首歌話畀大家知『雨後都有彩虹』。」然後她自彈自唱Kacey Musgraves的《Rainbow》。
Cloud雲浩影
Cloud雲浩影
音樂會後,Cloud接受訪問,她坦言心情緊張過大型演唱會,「一開始我都有啲驚,擔心呢個idea到底work唔work?因為用耳機聽好親密,會聽到好細緻和放大瑕疵。」出場後感受到觀眾的能量和反應才安心,說:「我見到有觀眾流眼淚,真係一個好特別嘅moment。我覺得同大家好close,一開始好緊張,因為大家圍住我,好近,個力量好大,適應之後就能夠好好去enjoy。」
Cloud雲浩影
Cloud雲浩影
Cloud坦言唱《Better Me》時特別感觸,她說:「平時唱呢首歌都會觸動我,而今次嘅觸動位係『有一天生命老去 還好謝謝有你』 ,我望住咁多人帶住耳機好專心咁聽我唱歌,唔知我嘅歌手生涯會有幾長、有幾遠,但我好多謝曾經喺度支持過我嘅朋友仔。雖然會有完結嘅一日,我會老去,好感謝曾經同大家一齊,有過呢啲moment!」
「Silver Lining」。
音樂會上Cloud唱了多首新專輯的作品,唯沒有唱英文歌《Love Me Like That》,是她刻意留作買碟歌迷的專屬驚喜。而灌錄此歌前有個小故事,她說:「呢首歌原自一首韓劇歌,要攞版權,對方想聽吓我唱成點先決定批唔批,作為音樂人,我好明白。所以錄嘅時候都有壓力,驚唔批,即係我唱得唔夠好。嘻嘻,最後批咗,即係可能連原唱Sam Kim都聽過喎,好開心!」
與粉絲合照
與粉絲合照
大合照
今次專輯Cloud首次通宵拍攝,她說:「專輯概念『Silver Lining』,黑暗與光、光與影嘅關係。好多時候人生嘅ups and downs,經歷過低沉先至會明白開心,同埋好嘅事情係嚟得幾咁難能可貴。所以今次特登喺黑暗中拍攝,希望帶出訊息:『黑暗入邊都有光』。」她穿梭晚上的咖啡店、街道和海邊,捕足美麗的夜景和大自然的晨曦。
拍攝花絮
拍攝花絮
拍攝花絮
拍攝花絮
拍攝花絮
晚上如何享受me time?Cloud表示:「夜晚嘅我鍾意睇電話同埋浸腳,用啲中藥包煲水嚟浸腳,聽歌攞靈感,有時夜晚寫歌都幾有feel,當然仲有瞓覺啦!有時日頭開始寫歌填詞,埋尾錄埋好多時已經深夜,所以我覺得深夜同音樂人有好大關連。」其中新歌《別怕》由她親自作曲填詞並在深夜錄音,她說:「呢首歌以第三身嘅角度去鼓勵自己『唔好驚』,因為我好多時候都會自己同自己講嘢,所以想用第三身嘅角度去寫呢首歌。」
拍攝花絮
拍攝花絮
拍攝花絮
拍攝花絮
拍攝花絮
Cloud雲浩影