橫洲事件似愈煲愈煲大，有傳媒指取得政府內部文件，披露政府成立工作小組，由特首做主席，指政府在2013年兩度同鄉事領袖「摸底」，得出意見係地區領袖支持興建第1期4000個公屋單位，但就反對第二、三期在棕地起13,000個單位，認為除非政府檢討政策，否則難以繼續推行計劃。
反對政府的議員認為，「摸底」做法好有問題，搞聯署要求特首CY同運房局局長張炳良交代點解向鄉事「跪低」而減建屋規模，係「官商鄉黑」。
而政府承認係有小組開會傾過橫洲發展，但強調不會因反對意見而放棄建17000個公營房屋的計劃。
成件事發展，似乎政府呢類「摸底」變成咗「勾結」。高人就話，政府、政黨甚至有時私人公司辦起事來，在協調溝通中，好多時都這類「摸底」過程，不明為何「摸底」變成「勾結」。
如果這個理念係行得通的話，日後無論任何機構或公司，所有這類的「溝通」都要在電視直播上進行，日後泛民和本土派如果要開會協調，是否也需要公開溝通，係咪要電視直播呢？
高人又覺得日後這樣的「醜聞」好容易搞得起，現實係政府針對地區人士好難夾硬嚟，目標係17,000個單位，先易後難，只能起住4000個先，其他慢慢再傾。如果政府堅持一定要一次過起晒17,000個單位，反對者又可以話你唔照顧環境，分段先易後難咁去起，又可以話你係同人勾結，咁樣爭論下去，反對者實贏晒啦。
Ariel
** 博客文章文責自負,不代表本公司立場 **
立法會選舉剛落幕，特首選戰就埋牙，民主黨元老李永達(阿達)最近接受網台「香港花生」訪問，引述佢同香港01老細于品海的一番對話，在政圈引起關注。
阿達在訪問中話自己同于品海識咗好耐，選完立法會後有一次聚會，就直問于品海：「你香港01係咪習辦？」，佢引述于品海「騎騎笑」望住佢。跟住阿達又話：「你的多維(網站)呢排勁揪喎，寫咗兩篇文窒中聯辦同CY，一直無落架喎！」
阿達引述于品海回應：「阿達，你有冇搞錯呀，我哋唔係寫兩篇，寫咗廿幾篇。」阿達又話自己繼續追住于品海問係咪習辦的人，佢引述于品海咁答：「我哋就唔係咁講，應該咁講，我哋多維同埋香港01寫的觀點，習辦的同事係應該唔會反對的，應該觀點相近的。」
阿達又指于品海同習主席識咗好耐，習主席之前在福建做省委書記時候，15、16年前的事，之後習主席調咗法浙江做書記，于品海對阿達話有兩次機會同習主席單獨傾咗好耐，由食飯傾到深夜，單對單見，阿達認為「咁即係唔簡單啦」，仲話于品海同習主席的家姐好熟，之前有合作添。
阿達仲引述于品海話，現任特首CY有機會下屆特首候選人都無得做。阿達話自己即時覺得呢個預測好勁，而于品海就叫佢睇多幾個月就知道，好快睇到架喇。
政壇八卦友就話，在特首選舉前夕，好多代言人傳來傳去，又話中央官員講什麼什麼的，但講到同習辦咁熟，佢都算獨家啦，係咪咁堅，未來睇睇就知啦。
有關李永達的訪問，可以前往「香港花生」網頁：
http://news.hkpeanut.com/archives/20875
