王敏奕現身澳門街頭 散發優雅氣質獲網民稱讚：上鏡靚真人更加靚！

近日有網民在澳門偶遇王敏奕並貼出合照。

現年32歲的王敏奕（Venus）於2019年與無綫總經理曾志偉的兒子曾國祥結婚，婚後她依舊積極工作，近年憑藉劇集《婚後事》中飾演介入陳自瑤與羅子溢婚姻的第三者Mira一角，獲封「港版最美小三」，之後再在劇集《家族榮耀之繼承者》中大曬喊功，精湛演技令她人氣高企！近日有網民在澳門偶遇王敏奕並貼出合照。

32歲王敏奕

近年人氣急升

演技大躍進

2019年與曾國祥結婚

該網民留言：「巧遇 王敏奕 TVB 真人超級美超級nice」。相中可見，王敏奕身穿白色小Deep V泡泡袖上衣搭配深色牛仔褲，散發優雅氣質，淡妝的她狀態依舊絕佳。其他網民都紛紛留言：「家嫂真的越看越美」、「距五官真係好精緻」、「私下妝造很好看」，這位偶遇王敏奕的網民更表示：「上鏡已經好靚 真人係更加靚 真心」。

網民貼合照

網民讚不絕口

網民讚不絕口

時尚女星王敏奕今日（1月29日）盛裝現身中環，出席國際品牌SANDRO的最新時裝活動。身穿一襲低胸搶眼裙裝的她，甫到場便吸引眾人目光，更急不及待投入欣賞品牌的SS26最新系列，展現其獨到的時尚品味：「其實自己本身都好鍾意呢個品牌，我一做fitting我已經好鍾意！自己鍾情於簡約優雅吊帶裙風格，認為今季系列中的淺藍色配白色組合，完美符合自己個人喜好。」

王敏奕

王敏奕更強調，她揀選服飾時最重視的並非「性感」與否，而是舒適及自我風格的展現。她堅定地表示：「著衫最緊要係舒服，同埋要清楚自己鍾意啲咩，著得出自己一個感覺為主，所以我冇乜諗性感或者唔性感，呢套衫我著得好舒服、好鍾意。」
呢日Venus亦留意男裝，她表示依家流行Unisex，會「借」老公外套陪襯：「依家好興Unisex㗎嘛，我都會有時會買男裝褸，即係oversize少少咁樣襯一件比較可能feminine嘅款。其實Mix and Match都會撞到一個比較balance嘅感覺，唔係淨係好feminine或者好masculine，係兩樣嘢Mix and Match。」

近日有報導指她為好友糖妹「打針」雪卵，她表示緊張到手震：「我聽佢講好多年㗎啦，我覺得佢有呢個諗法想去做呢件事，我一直都好支持佢。雖然我個人冇辦法陪佢飛去台灣進行呢件事，我都好慶幸佢有一part係返香港要support嘅，佢都係俾一個機會我去參與。」對於「打針」一事，王敏奕坦言自己也心生畏懼，甚至形容針頭的長度令人心驚：「我打都手震㗎，啲針原來咁長㗎，都驚啊，唔係嗰啲短嘅針。」被問及是否有考慮凍卵時，她坦白回應：「暫時未有需要。」

王敏奕

王敏奕

提到老爺曾志偉卸任TVB高層後，她未聞對方新動向：「我都冇獨家消息，臨近年有新年，希望可以大家放個假先啦，有啲咩都新年後再繼續過一個新嘅一年，好嘅一年再出發啦。」王敏奕透露工作未受老爺卸任而減少，對即將展開的新項目充滿期待：「其實都好好彩嘅，即係有啲好好嘅機會啦，嚟緊都會有新嘅project，都覺得係好有興趣嘅，好期待可以快啲同大家見面。」

王敏奕

王敏奕