馮允謙紅館騷向女友當眾示愛 嘉賓Marf大露背裝性感現身

首場紅館騷圓滿結束！

「唱作王子」馮允謙（Jay）一連三場「the SOUNDTRACK of my LIFE馮允謙演唱會2024」，昨晚（10月9日）紅館開鑼，全場爆滿。Jay的父母、兄弟與未婚妻Crystal等家人拉隊支持，圈中好友型男鄭伊健、梁釗峰、女團Me&成員黃淑蔓和連家穎、「Jay女郎」劉沛蘅和徐㴓喬、ANSONBEAN及女友張天穎、蔡浩然、吳浩康和胡鴻鈞等捧場，非常熱鬧。Jay台上又唱又跳，大派心心，還台上除衫騷麒麟臂，掀起全場高潮。

Jay一連三場「the SOUNDTRACK of my LIFE馮允謙演唱會2024」昨晚紅館開鑼。

Jay的父母

Jay的兄弟與未婚妻Crystal

男鄭伊健

女團Me&成員連家穎、黃淑蔓

劉沛蘅和徐㴓喬

ANSONBEAN及女友張天穎

吳浩康

蔡浩然

相隔一年半，Jay二度踏上紅館舞台，是次由音樂總監周錫漢帶領的樂隊與弦樂團，共逾30人，比Jay首次個唱多一倍。其中弦樂團13名樂手，演奏大提琴、小提琴、色士風、長號和小號，加上「雷同二友」謝芊彤和謝芊蕾等星級和音團隊成員，曬冷演唱《Jay Fung儀態訓練學院》、《約齊靈魂在墳墓開生日派對》、《開始倒數》、《地球來的人》和《山旮旯》，配合台上巨型LED大螢幕，非常震撼。而Jay昨晚配戴超過230萬元BVLGARI頸鏈及戒指演出，非常耀眼。

Jay今次紅館show由音樂總監周錫漢帶領的樂隊與弦樂團，共逾30人。

還有星級和音團隊。

演唱會開場，Jay穿著閃片牛仔裝站在高台，邊彈結他邊唱《尋找隱世巨聲》、《A New Day》和《入場人士注意》為個唱揭開序幕。之後Jay向觀眾打招呼，又說：「真係好開心同感恩，相隔年半可以再開騷，坦白講開騷前我有啲擔憂，啲飛賣唔賣得好？又驚唔夠新作品畀大家聽，所以去年演唱會後至今，我創作咗10首新歌，全靠大家支持，我先至能夠咁努力創造新歌。」全場掌聲。

Jay以閃片牛仔裝登場。

Jay坦言開騷前曾擔憂門票銷情。

此外，身為絕世暖男的Jay，昨晚他唱《報復式浪漫》時大派心心，然後唱《Preciously Mine》時，突然指向台下坐第一行的未婚妻Crystal唱出「love you」，當眾示愛，觀眾歡呼尖叫！

Jay唱《報復式浪漫》時大派心心。

唱《Preciously Mine》時則向未婚妻Crystal當眾示愛。

眾所周知，COLLAR成員Marf是Jay的忠粉，昨晚由她擔任表演嘉賓。穿上大露背及低胸裝出場的Marf與Jay合唱《All That I Want》。Jay表示Marf參加選秀節目時已很欣賞她，所以就寫了這首歌，想不到相隔兩年才面世，最近他為Marf再寫新歌《心好細》，更在台上為她打歌宣傳，認真寵粉。

昨晚嘉賓是COLLAR成員Marf。

Marf以大露背及低胸裝出場。

與Jay合唱《All That I Want》。

Marf是Jay的忠粉。

Jay就表示在Marf參加選秀節目時已很欣賞她。

鳴謝團隊後，Jay感性地說：「因為有好多騷，你哋未必一定要睇我，多謝你哋選擇支持我，呢個世界變得好快，時間又過得好快，但我會記住呢個Moment，我唔知幾時再有機會開演唱會，希望好快再見到你哋。」之後唱《會再見的》時眼濕濕。

Jay感情歌迷的支持。

唱《會再見的》時忍不住眼濕濕。

唱《會再見的》時忍不住眼濕濕。

演唱會尾聲，Jay表示今次演唱會主題是人生之歌，所以選唱出自己的作品和喜愛的歌，他希望自己的歌曲也可成為別人的人生之歌，他說：「希望我嘅歌可以陪伴大家，成為你哋嘅力量，開開心心離場，而你哋亦畀咗個好有紀念價值嘅回憶我。」唱出《給缺席的人唱首歌》和《在最好的時間做最好的你》，全場燈海，首場演唱會圓滿結束。

Jay指今次演唱會主題是人生之歌，所以選唱出自己的作品和喜愛的歌。

又唱又跳。

首場演唱會圓滿結束！

完騷後，Jay到紅館外與歌迷見面。

樂壇女子組合COLLAR成員Ivy蘇雅琳，繼推出單曲《給你一隻大口仔》後，昨日再推出情歌《原地拖手》，演繹暗戀的情懷及心情，今次MV更邀請了本年度宣布進軍樂壇、港隊劍神蔡俊彥Ryan上陣客串，對於二人首度合作，Ivy表示感覺十分有趣，笑言阿媽知道她跟劍神合作後，連阿媽都很高興。

蘇雅琳

蘇雅琳

蘇雅琳推出情歌《原地拖手》

蘇雅琳推出情歌《原地拖手》

新歌《原地拖手》由舒文監製、吳林峰作曲、Ivy親自填詞，描繪一個女仔暗戀一個男仔時的狀態：天馬行空所想的情景，及帶有心動亦自感「諗多咗」的矛盾心情，Ivy表示：「其實呢首歌好大部分idea來自於舒文，方向上係佢觀察嘅我，因為我星座係獅子座、月亮星座係水秤座，佢覺得我個人應該幾『跳』，事實都係，我喺屋企會做啲好奇怪嘅嘢，就決定歌曲向呢個方向，再加上想寫情歌，就變成一個女仔去暗戀一個男仔所諗嘅古靈精怪嘢，胡思亂想，有啲心動，又有啲覺得自己諗太多，好矛盾嘅狀態。」

Ivy親自填詞

Ivy親自填詞

Ivy親自填詞

Ivy請來劍神蔡俊彥Ryan客串

Ivy請來劍神蔡俊彥Ryan客串

曾暗戀足球隊長

Ivy續說今次歌曲有別於平時要傳遞訊息，所以沒有觀點、沒有睇法與期望，純粹講暗戀感覺，問到Ivy現實可有曾暗戀他人？她大方地說：「梗係有！小學暗戀過一個孖仔嘅哥哥，佢係足球隊隊長，好charm，不過升中之後就冇見。」

說到新歌MV，Ivy請來劍神蔡俊彥Ryan客串，她表示：「其實同Ryan上星期先認識，幾開心，大家都係26年嘅新人，平時都有留意對方，好開心可以合作，我話畀阿媽知同Ryan合作，阿媽都好開心；幾有趣，平時電視見到佢，同現實見到佢有啲唔同，佢平時做媒體訪問好搞笑、好直接，現實見佢，有啲內斂，都幾cute。」

今次再次跟COLLAR另一成員Candy王家晴同日出歌，Ivy可有擔心分散click rate？Ivy指：「一齊出歌，從來都唔擔心呢啲嘢，反而我覺得係一種陪伴，希望下一首歌都可以一齊出，有人陪伴冇咁驚。」