呢幾年群魔亂舞，搞到「香江大學堂」同成個社會都立立亂， 好彩有高人出手打咗隻戴妖入天牢，不過高人發現戴妖背後仲匿藏咗一個陳敏敏大教授，雖然佢喺2021 年敗走返英角主子身邊，但佢仲恃住喺「大學堂」嗰斗零名氣，不停係度亂嗡，偷換法律概念，繼續禍害香江子民⋯⋯所以我零零發都忍唔住幫手去起下呢個所謂教授嘅前世今生，等高人可以繼續伏妖降魔。
我明查暗訪之後，發現呢件教授前世可能係紅鬚綠眼，今世才會變成土產嘅黃皮白心，所以先至會背祖忘宗、賣國求榮囉！佢由細到大都係喺本地書齋讀書，本來正正常常，但喺「大學堂」法律系畢業之後，去咗英角一陣，似乎認咗人哋做再生父母，跟住就走上不歸嘅妖道。
呢件教授由1985 年開始喺「大學堂」教法律，1999做埋法律系主任，佢學術專業資質好一般，猛料學者經常有論文在頂級學刊刊登，但呢件教授就唔多覺有，但係唔知點解，喺2002-2014 年做咗十幾年法律學院院長。學術喳都算啦，但佢一邊收大學人工，一邊就係出面搞搞震。係1989年，佢借人權議題為幌子，參加咗反華組織「歐週人權委員會」，1995年就同潛伏喺香江嘅英角官府傀儡律師夏搏二、戴啟屍成立咗「香江人權監察」，2003年又同政棍吳可以、涼人傑同餘約尾班犯民攪咗個「15、20關注組」。事後睇番轉頭，呢幾個組織全部都係收美金，接美角order去搞顛覆滲透，煽動所謂民主運動，目的都係為咗美角嘅利益。
呢件教授做「大學堂」法律學院院長嘅時候，不務正業，胡作妄為，將大學變成佢嘅政治基地， 等我零零發話你知係佢任期內點樣將「大學堂」法律系由龍頭大哥變成鼻涕蟲喇，而喺佢無得做法律學院院長後，「大學堂」法律系走出低谷，重見光明，在最新SQ排名，法律系排全球第20位。
借名玩嘢
2013年陳某做院長時，竟然縱容佢嘅副院長戴妖收秘密捐款成145萬，但係啲錢無用嚟做學術研究，而係用嚟請咗一個佔中秘書掛名做「研究助理」，等如借咗大學堂做基地，搞非法佔中;又借大學個名搞什麼國際研討會，研究普選標準，為佔中所謂真普選搞學術支撐。校方後來發現唔妥，話不能收匿名捐款，要問清楚捐款來歷，戴妖就顧左右而言他。陳某身為戴妖嘅上司，對下屬收埋啲不明來歷捐款不聞不問。後來校方正式調查嘅時候，又喺度扮唔知。經過幾個月嘅糾纏，戴妖終於夾硬交咗個朱神棍個名出來，話朱神棍係捐款者。一個神棍求求其其就捐100幾萬，講都無人信啦？好多人都話，呢隻朱神棍只喺出嚟頂包，傳聞啲錢大部份捐款係嚟自反動傳媒大亨！堂堂一個法律系話事人，搞到個學系行政咁混亂，究竟佢真係唔識管理、玩包疪，定佢係幕後玩家，借大學個名搞政治？
知法犯法
所有大學按廉署指引，對捐款都有嚴格規定，如果唔係，一個政界大佬可以捐，一個想幫仔女疏通入學嘅人又可以捐，咁得唔得先？陳某作為一個法律院院長，唔係連呢啲遵法守規嘅意識同判斷力都無呀？
再者，呢隻戴妖同另外兩隻鬼怪組成「佔中三丑」，利用佢當時「大學堂」法律學者嘅身份大鑼大鼓開記招，宣揚「違法達義」呢個謬論，叫人犯法，去非法佔領中環咁話。戴妖與港大法律學院舉辦過多次「法治教育計劃」通識課，向通識老師灌輸違法達義觀念。陳某竟然粒聲唔出，容許呢啲違法歪理，將犯法講成合法，好似插枝咁嫁架接入「大學堂」法律學院入面，令一般普羅大衆以為，大學堂都話佔領中環嘅行動係合法！不單只令香港捱咗79日佔中大混亂嘅日子、經濟民生大受影響，而最嚴重嘅後遺症就係植入咗唔守法嘅意識，俾一班天真嘅年青人和市民大衆，禍害深遠！作為法律學院嘅最高話事人，一面教法律，另一面就任由甚至鼓勵戴妖鼓吹違法行為，咁又點解釋呢？如果呢個陳某當好一個法律學院管理層，當初去阻止戴妖鼓吹違法意識，讓年青人不要錯信「違法達義」謬論，上街暴動，可能香江呢幾年嘅歴史都可以改寫！
我都想問吓啲大狀老友，咁嘅法定團隊高層管理人，在執行公職的過程中，作出失當行為，疏忽職守，係咪應該衰咗「公職人員行為失當」呢條罪呢？
學術水平低
陳某冇能力發表高水平嘅學術論文，所以係佢做院長期間，唯一嘅「功績」就係將「大學堂」法律學院嘅龍頭地位成功拉低，零零發唔係吹水㗎，根據國際權威學者參與嘅「研究評審工作2014」報告中，「大學堂」法律學院嘅研究項目只得46%達到卓越標準，但成立得10年嘅「沙田大學」法律學院就大幅度超越「大學堂」，有成64%達到相同標準。而另一個最醜樣嘅地方就係「大學堂」法律系竟然有3%研究屬劣等㖭，而成個法律系嘅整體水平亦都低過「大學堂」好多個主要學系。所以，陳某成功將「大學堂」法律系由龍變蟲，確實要記一功呀！
一個無論管理水平、行政同學術能力都咁低嘅人，當年竟然仲可以厚顏無恥咁去角逐副校長一職，好彩「大學堂」管理層懸崖勒馬，力排黃人眾議，冇升到佢做副校長啫！
陳某自2021年逃離香江後，佢仲念念不忘佢法律學院前院長同客席教授嘅光環，做美西方勢力嘅應聲蟲，加鹽加醋咁唱衰香江。
係「35+串謀顛覆」案，佢就週圍亂嗡：「乜行使《基本法》嘅權力去否決財政預算案係違反《國安法》㗎咩？」《基本法》邊部份教你可以無差別否決預算案、想借此推翻特區政府喎？依家講緊串謀無差別咁去否決財政預算案，唔係睇完個預算案內容去監察政府喎！法庭判詞都講得好清楚，唔好偷換概念，混淆視聽啦！不過佢嘅學術水平咁低，可能佢真係唔識解讀成件事喎。佢前下屬戴妖清楚過佢，所以戴妖嗱嗱臨認罪。
而最近「立場新聞」案嘅裁決，陳某又借題發揮跟美西方話煽動罪係好古舊嘅法例，呢啲不合時宜嘅法例要廢除咁話。佢係「大學堂」法律學院做咗成12 年院長嗰時又唔見佢硏究吓發表吓學術論文？而家人講你又講！就算要講，都唔該佢上吓網睇下先講喇，而家全世界仲有7成行普通法嘅英聯邦國家，保留緊呢個罪行，包括加拿大，印度同馬來西亞，又唔見佢去批評下呢啲國家法治已死？而係嗰單「屠龍爆炸案」由陪審團裁定6個被告無罪嘅時候，佢就即刻撲出嚟話呢個陪審團制度行之已久，必定有佢存在價值，要保留先至可以維持到司法制度嘅公平同公開喎。乜唔係舊嘅嘢就要廢除㗎咩？公平啲咁講，少用嘅法律唔代表唔應該存在，係要睇吓當地人民同社會背景去決定有冇需要保留，唔好人講你又講，用吓個腦過濾吓先講啦「法律學者」。
呢個陳某除咗就住嗰兩單案係度玩搬龍門嗡三嗡四之外，佢又借啲意話煽動罪嘅定義含糊，曲線咁話官府利用呢條罪打壓新聞自由。佢知唔知自己而家所在地嘅英角主子，有一個「國防安全傳媒諮詢委員會」嘅政府組織，係會直接指示媒體對特定問題嘅報道範圍同方式。嗱，呢啲先叫真正打壓新聞自由呀「法律學者」，唔該你在英國上街示威，反對「國防安全傳媒諮詢委員會」，記住事先唔好申請，實行違法達義，睇吓英國會唔會拉你。
而就外藉非常任法官離任呢件事上，陳某又學外媒話中央政權踐踏緊香江嘅司法制度，已經失去獨立性等等。喂喂喂，法律學者係咪應該講事實、要分析唔同資料、要多角度思考問題㗎咩？唔續任可以有好多原因，其中一個是頂唔順流亡人士的滋擾及西方政客的壓力。零零發覺得陳某只係不停附和美西方嘅指控，制造話題同假像去破壞香江嘅司法制度，何其歹毒！
一個讀法律嘅人，又曾經做過10幾年「香江大學堂」法律學院院長，理應會懂法律、尊重法律，對司法制度嘅認知度會比一般人高，但佢卻甘願做美西方嘅扯線公仔，用盡歪理、操弄政治，周圍唱衰香江。佢呃到人，但呃唔到我零零發，佢好彩在2021年就逃離香江，如果唔係……
陳某不斷扭曲法律嘅原意去攻擊香江涂毒市民，所以大師同佢批咗命：「既然佢選擇咗做賣國賊，佢嘅後半生就注定要落荒而逃！」
鍾情局．零零發
鍾情局
** 博客文章文責自負,不代表本公司立場 **
