昨日係立法會迎新,新一屆有26位個議會新丁,立法會秘書處一連3日安排迎新活動,等新丁認識議會,昨日第一場介紹立法會職能,有19人出席,9點鐘就上堂。同返學一樣,一開學就有人遲到。
最早到係醫學界陳沛然,早咗半個鐘到。有4個人遲到。民建聯劉國勳、張國鈞,民主黨鄺俊宇和本土派的朱凱廸都遲到。
另一場係由資深議員分享議會運作經驗,由民主黨劉慧卿同民建聯葉國謙主講。反應一般,26個新丁議員,只有10人出席,其中8個係建制派,另外兩個就係醫學界的陳沛然及民主黨鄺俊宇。
卿姐性格直率,大彈缺席的新丁:「有啲人報咗名都無嚟,唔知佢地係咩人嚟!我覺得真係好有問題!」
建制派新丁出席率已唔算多,泛民和本土派更加得民主黨鄺俊宇一人出席,又難怪卿姐咁㷫,本土派擺明唔俾面老人家都算啦,傳統泛民公民黨、民主黨咁多新丁,得一個人到,難道佢地真係未入局就識哂議會運作? 見微知著,大家都明白立法會的新人未來係點啦。
Ariel
** 博客文章文責自負,不代表本公司立場 **