人氣唱作女團Beanies及歌手Manson張進翹現身杏花新城 與現場觀眾玩遊戲兼獻唱歌曲

Beanies頻頻做Gym Keep Fit，化身成為Shopping達人預備交換禮物Manson希望來年再開音樂會

聖誕佳節來臨，港鐵旗下商場 — 杏花新城、綠楊坊、Citylink、駿景廣場、海趣坊、新屯門商場及恒福商場，由即日起至2025年1月1日，攜手舉辦「聖誕FUN享小鎮」主題活動，杏花新城、綠楊坊及海趣坊更會在指定日子定時進行飄雪匯演，營造白色聖誕氛圍，與大家共度白色聖誕！

12月8日杏花新城邀請到人氣唱作女團Beanies 及《全民造星3》唱作歌手Manson張進翹出席活動，除了與現場觀眾大玩遊戲挑戰計時任務，更即唱獻唱多首歌曲送給大家，炒熱現場氣氛！ Beanies成員一進入現場立即引來一片歡呼聲！她們友善地與觀眾揮手，相當親和！Beanies今日狀態極佳，精彩演繹代表名作《最佳女團友》及今年新歌《小氣簿》，更笑指近來一起頻頻運動Keep Fit：「就嚟聖誕節，已經約咗好多日聖誕Party，我哋好怕食太多變肥，所以Keep住做gym，而平時當然都要恆常做運動啦，隨時隨地都可以用最好嘅姿態同大家見面。」

而Jaime則興奮地一馬當先表示很期待今年聖誕節：「今年想過一個落雪嘅聖誕，嚟到呢度就覺得好有feel！呢度有得睇飄雪，唔駛去外國都可以度過白色聖誕。」她們更開心笑稱將會一起舉辦聖誕派對，大談購物計劃成為Shopping達人，完美演繹《最佳女團友》的歌詞，變身購物狂：「就嚟開聖誕Party，我哋5個準備交換禮物，啱啱經過見到杏花新城有好多運動outlets，心思思想喺度揀禮物，得體之餘又實用，唔會失禮大家。」

Beanies頻頻做Gym Keep Fit 化身成為Shopping達人預備交換禮物

Beanies 近兩年歌壇成績不俗，憑其精緻的外貌和充滿活力的形象收獲大量粉絲，早前曾於叱咤樂壇流行榜頒獎典禮及CHILL CLUB 頒獎禮勇奪獎項，提及此事她們都雀躍萬分：「如果再有機會攞獎就係最好嘅聖誕同新年禮物。」

Beanies 近兩年歌壇成績不俗，憑其精緻的外貌和充滿活力的形象收獲大量粉絲

上月剛於倫敦教堂舉辦演唱會的張進翹Manson亦心情大好，一抵達現場便跑至華麗聖誕樹屋打卡，更演唱新歌《浪》、《那讓我們一起》，以其空靈歌聲為大家注入力量！他表示最近繼續默默埋首創作新歌，需要大量靈感：「創作嘅過程其實好幸福，例如見到呢度嘅聖誕樹屋，我就開始幻想一個好輕盈、有好多樹屋精靈嘅世界。有機會都想創作一首充滿童話感覺嘅歌。」提及上個月倫敦舉辦的演唱會，他表示相當感動：「啱啱喺英國舉辦完個人演唱會圓夢，真係獲益良多。呢個係我入行之後嘅第三個音樂會，外國好流行快閃嘅表演，我喺街頭欣賞咗好多驚人嘅演出！港鐵商場好多時舉辦音樂活動，支持香港本地藝術家同歌手。如果有機會，我都希望喺香港試吓快閃音樂表演！」

被問及來年計劃，Manson相當期待：「當然係希望作多啲新歌，同埋都想再開個人音樂會，睇吓到時忙唔忙啦！」最近Manson亦表示頻頻跑步：「有時好大壓力，跑步可以放鬆自己又可以健康啲，就好似今日喺杏花新城咁玩遊戲其實係一件好開心嘅事，遲啲有機會直接約大家喺呢到做運動！」活動後，Beanies和Manson更與現場觀眾影大合照，氣氛相當熱鬧。

身兼女團Beanies成員及獨立歌手身份的陳樂頤(阿左)，為今年首支個人單曲《今夜無人入睡》接受雷霆881商業一台《星光背後》專訪。阿左2023年因Beanies出道，誰料五女橫掃新人獎後，今年6月兩成員潘釗彤(Chiutung)及黃健怡(Winky)突然解約離隊，令阿左兩年來，先後經歷妹妹自殺及隊友情不再的打擊。節目中，阿左坦承今年情緒爆煲曾受失眠困擾，她親自作曲的《今夜無人入睡》，正記錄她由情緒低谷到求助治療師重新振作的經歷。阿左希望此曲鼓勵受情緒困擾的同路人外，亦希望與未走出妹妹自殺陰霾的母親溝通，原來經歷家庭巨變後，阿左因誤會與家人曾鬧大交，至今與母親仍未能冰釋前嫌，她哽咽說：「媽咪心結未解開，我係等緊佢……」

女團Beanies成員陳樂頤（阿左）哽咽分享今年推出個人單曲《今夜無人入睡》的背後深意，歌曲不只記錄她因情緒困擾失眠、求助治療師的歷程，更是她欲與母親溝通的橋樑。

阿左去年經歷同母異父妹妹自殺的家變，其後受訪披露事件卻引發家庭衝突。她坦言與母親關係至今未復，「媽咪心結未解開，我係等緊佢。」

Beanies初代五成員均來自「陳輝陽X女聲合唱」團體，現年27歲的阿左，出道前更因參加《全民造星3》殺入30強而為人認識。阿左坦言Beanies出道前與Winky感情最好，「因為我同Winky都係唱女高音，會一齊錄音。對我，Beanies最開心階段唔係攞獎，係頭嗰年五個人好熱血去宣傳，係好齊心！」阿左指退團事件爆出前，她已察覺異樣並與成員們私下溝通，「我話聞唔到味就呃你，佢哋對合約同經理人團隊有意見，但因為合約好個人，我哋三個就最難介入。係好可惜，因為Beanies係五個人嘅事，五個人唱歌同三個人唱，味道都好唔同。」兩姊妹退團後，阿左沒想過仍能與張天穎(Jaime)及李凱翹(Kay)繼續做三人Beanies，現在她與Jaime及Kay溝通多了，反而兩前隊友就變得生疏，「係生疏咗，但我會Say Hi無尷尬，不過之前叱咤記者會真係唔好意思，因為我無戴眼鏡，睇唔到佢哋Say Hi，下次再見，我一定Say Hi。」至於會否感覺少了兩個朋友，她說：「唔係少咗，係On Hold，人生流流長，會換過方式再見。」

節目中，她亦談及隊友離團後與張天穎、李凱翹的三人新階段，並向前隊友隔空喊話：「人生流流長，會換過方式再見。」

現身兼演唱會和音的阿左，唱功與彈琴同樣了得，她坦言自細受任職音樂教師的母親栽培，她形容母親性格與自己同樣剛烈，母親於18歲時誕下她，多年後嫁給現任丈夫亦育有一對子女。雖然阿左與外公外婆同住，但亦與後父一家感情要好，故去年初比她年輕十二的歲的同母異父妹妹突然墮樓身亡，她也是最近靠治療師才慢慢走出陰霾。不過，自去年10月她接受傳媒專訪披露家庭巨變後，亦令她與母親產生磨擦，至今仍未冰釋前嫌，阿左說：「我每次講我嘅經歷，同樣會撩起佢哋嘅痛，上星期爸爸先打電話畀我，亦擔心我係咪賣慘博同情，我係好多謝爸爸而家可以好冷靜好理性同我分析。最初我做咗第一個訪問，全家都好大反應，鬧咗場大交，佢哋直情用失望嚟形容我，而家爸爸狀態好咗，會聽我講，但媽咪心結未解開，我係等緊佢(哽咽)……我想喊添…..而家我已經過度咗，治療師問我有無嬲，有乜好嬲？但我會尷尬，知道媽咪對我好多不滿，希望時間過去會明白我多啲。」

阿左明白由細到大媽咪對她的痛錫，但礙於中國人保守，一聲「多謝」或「我愛你」都未曾宣之於口，她說：「好想同媽咪溝通，經歷呢件事，我先知死亡係我哋處理唔到嘅問題，其他問題都唔係問題。我好感謝媽咪，我今日有嘅音樂修為全因為佢，佢18歲生我嗰時，真係好努力返工，供我讀書同學音樂，畀我都做唔到。」作為情緒問題康復過來人，阿左明白時間同尋求協助的必需，她正等待時機，與至親坦承溝通，助母親走出陰霾。

今日(12月13日)，下午二時至三時於雷霆881商業一台播放的《星光背後》，主持人梁泰來邀得陳樂頤 (阿左) @Beanies任嘉賓。