美食新聞報道｜蕭正楠雙彩虹預告做老竇 侍產心情複雜又忐忑

阿蕭話現在只要翠如有小許頭暈身㷫或者有工作要做，自己都會變得好緊張！

由一班靚仔靚女倪嘉雯（Carmen）、黃嘉雯（Carmaney）、王嘉慧（Cathy）、廖慧儀（Jessica）、伍倩彤（Gillian），蔡景行（行仔）、范莎莎（Zaza）主持的飲食節目《鄰住買好嘢至抵食特約 ︰美食新聞報道》，逢周四晚9點35分及周五晚9點半於TVB Plus（82台）播映。

今晚（12日）「星級飯腳」請來蕭正楠擔任嘉賓。

今晚（12日）「星級飯腳」請來蕭正楠擔任嘉賓。

蕭正楠帶Carmaney歎辣蟹。

避風塘香辣蟹

黃金流沙蝦球

今晚（12日）「星級飯腳」請來將為人父的蕭正楠任嘉賓，他帶主持黃嘉雯（Carmaney）重臨當年同太太黃翠如拍拖時幫襯的辣蟹店。蕭正楠透露當時跟翠如拍拖沒多久，為避狗仔隊追訪，每次都會走後門入內，他笑說︰「老闆娘知道我哋想要私隱，正門入驚驚動太多人，所以後門入。老闆娘又會幫我哋用帆布加屏風，間一處私人空間，又真係好浪漫。」席間蕭正楠自爆自己得悉做爸爸的過程充滿驚喜，他說︰「我知呢件事前一日，嗰日喺吐露港揸車，見到有兩條彩虹，當時心諗『今年咁特別嘅，見到咁靚彩虹嘅』。嗰時翠如其實已經知道自己有咗，到第二日佢先講畀我聽。」他回想當刻感動到流下男兒淚，心情非常複雜︰「確實好夢寐以求又好意想不到，又已經將期待放到最低，但突然畀咗呢份禮物，所以好開心。但現在心情又變得好忐忑。」他解釋現在只要太太有小許頭暈身㷫或者有工作要做，自己都會變得好緊張。

食神炒飯

蕭正楠介紹Carmaney飲燉湯及砂鍋粥。

翠如至愛家鄉炒米粉。

酸菜魚

接住二人來到九龍城，蕭正楠介紹一間餐廳的酸菜魚，讓他找回「北京的味道」，他解釋︰「未入TVB前曾經喺北京生活，當地人食嘅都係好濃味食物。返到香港食唔返，後來陸永就介入咗呢間店畀我，真係搵得返北京口味嘅菜。呢度嘅家鄉炒米粉係翠如至愛。」同場推介的砂鍋粥及燉湯，非常適合經常要捱夜的藝人。

砂鍋粥

家鄉炒米粉

鮮人蔘燉老雞湯

由陸永夥拍黃嘉雯(Carmaney)主持的健康資訊節目《醫啲阿媽都唔知》，每集請來醫護相關專業人仕，從健康出發以輕鬆手法，認真討論與各人息息相關的日常健康話題，改正一些醫學認知的謬誤。節目逢周一、五晚9點半及周二、四晚9點35分於TVB Plus(82台)播映。

陸永、Carmaney、鄒醫生討論「動物脂肪」好壞。

陸永、Carmaney、鄒醫生討論「動物脂肪」好壞。

明晚（3月17日）一集主題為「肥膩嘢」，鄒重璂醫生為蒙冤多年的「脂肪」平反。主持人Carmaney自言注重飲食健康，所以會對肥膩食物敬而遠之，她說︰「一定唔會食，雞皮、豬腩肉肥膏都會切走。」即時被拍檔陸永潑冷水，指為「精準地錯」。鄒醫生解釋指一般人都有一份迷思，認為動物脂肪（飽和脂肪）是「壞事」，他說︰「佢哋認為食得多會增加心臟病、癌症機會，係好普遍睇法。呢啲結論好多都係靠觀察研究得出，咁樣只係睇到兩者嘅關連，但係兩者無因果關係。」他舉例說一個家庭假如有很多藏書，而小朋友學業成績傾向較好，兩者關連相當強，接住補充說︰「如果有家長聽到呢個消息，即刻去書局買500本書放係屋企，咁係咪得呢？答案係不是。『藏書多』同『小朋友好成績』之間只係一種關連，並唔係因果，呢類結論係屬於觀察研究。」

Carmaney根深柢固認定「脂肪」有害無益。

Carmaney根深柢固認定「脂肪」有害無益。

鄒醫生指出動物脂肪同動物蛋白提供人類必需的脂肪酸及胺基酸，同時油份令胃部蠕動減慢，降低升糖速度。同時提到豬油撈飯是古人智慧產物，他笑說︰「以前肉好貴，好多地方食唔到肉，所以用豬油代替。我成日都講有長遠飲食文化嘅民族，唔知點解佢哋會無端端做啱某些事，豬油撈飯就係好好例子。」他補充假如缺油會令人感到難受，影響人體飢餓中樞發出渴望的要求，動物脂肪對人體及身心都很重要。

鄒醫生為動物脂肪平反。

鄒醫生為動物脂肪平反。