彤叔教你「勤」與「誠」的道理

彤叔上周在家與世長辭，臨終家人陪伴在側，周大福及新世界的內部通告，講起彤叔做人的道理，真係值得講講。

那份通告引述了彤叔的金句：「幸運只能光臨你一兩次，但她不可能終生都陪伴你。其實人的一生，勤字是最重要的，其次是誠字。只要有了這兩點，你的事業就基本上奠定了。」

通告又講，彤叔白手興家創立周大福集團及新世界發展，全因「勤」與「誠」的宗旨，講及他為人謹慎、守信用、勤奮、重承諾，強調飲水思源。員工視彤叔為「老總」，講及他無架子，願給員工機會，及扶掖後進。

我覺得彤叔講那兩個字中，勤字最重要。真係好似彤叔這種由細做起捱出來的人，才知勤字的重要。

彤叔過世，各傳媒訪問周大福和新世界的老夥計，對彤叔這個老闆都有讚無彈，可見佢甚得員工尊敬。

Ariel

** 博客文章文責自負,不代表本公司立場 **

理工大學學生會昨日搞咗四個新任立法會議員出席論壇，講出位都算游蕙禎啦，佢在論壇末段主動提起「土地問題」，話「 年青人想扑嘢(做愛)都無房」。在沉悶的論壇中，都有令人醒一醒的效果。

論壇本來講起移民審批權問題，游蕙禎建議取消內地來港單程證的制度，由香港控制移民審批權。 她直指港人處於被規劃的位置，生存空間不斷被縮窄。

講講吓游蕙禎羅列年輕人面對的問題，話「 我哋負擔唔起一層樓嘅租價......就算我哋要扑嘢，我哋都搵唔到房去扑，呢個係一個好現實嘅問題架嗎，我哋面對住嘅問題。」

游蕙禎連「扑嘢」問題都公開討論，相當開放。佢建議解決方法係「 我哋一齊要去規劃」，又話自己進入議會後會盡快推動呢件事。大家都好想睇吓佢有乜創意規劃，可以令年青人更加方便。