由英國殖民地到而家，耶穌教係香港第一大宗教，信徒有專業人士、勞動階層、家庭主婦同學生，有老又有嫩，所以神職人員一言一行嘅影響，真係好大同好深㗎！
我零零發成家人都係虔誠嘅耶穌教教徒，而我中小學亦都係喺耶穌教學校讀書，所以我一直都好尊重神父、修女。宗教領袖一向俾大家嘅感覺，應該係德高望重、持平、廣結善緣嘅人。但係香港就有一名前主教，佢嘅言行作風，偏偏同一般人對主教嘅諗法好有出入！ 唔信嘅話，不如大家一齊倒帶睇吓……
「前主教」生於上海，16歲逃難到香港，係香港同意大利修讀神學，讀完哲學博士學位返嚟之後，就分別係澳門同香港做過校長，佢後來仲做埋香港教區主教。
「前主教」喺2002年接任冇幾耐，就已經在2003年高調出嚟參與遊行，反對23條立法，又呼籲信徒要出嚟遊行，話咁先至對得住自己嘅良心同下一代喎！ 「前主教」同「犯民」同聲同氣，唔知仲以為佢係「犯民」代言人添！ 點解一位宗教領袖對一條保護香港、維護國家安全嘅法例有咁大反應嘅？ 其實佢有幾了解條法例呢？
係2004年7月，教統局通過「校本條例」，目的只係要全港津貼學校，增加學校各方「持份者(stakeholders)」嘅參與，優化學校管治咁簡單。但「前主教」又斷章取義話「校本條例」會影響教育團體辦學理念同自由，所以用教會名義控訴「校本條例」違反《基本法》，雖然政府最後都打贏官司，但都糾纏咗成6年！ 而期間不幸有兩個教師因為個人工作壓力自殺，「前主教」又魚目混珠亂嗡話政府害死呢兩位教師，點解神職人員會咁講嘢㗎？！
2014年「佔中」事件中，「前主教」就好大力支持「佔中三丑」，話公民抗命係爭取普選嘅好方法，佢不但到金鐘現場支持學生罷課，仲發表公民抗命嘅「穢論」……不過佢每次發表完「穢論」之後都好識得包底，話自己反對暴力㗎，更做樣祝福維持秩序嘅警務人員。後來事件演變成動亂，佢就卸責話班學生騎劫咗個運動，又指責政府清場，佢仲話警方施放催淚彈對班學生嘅「小兒科暴力」，係小題大做咁話。唉！又係「前主教」你當日去宣揚公民抗命呢個歪理，又係你鼓動學生與政府對抗，到後來失控，你又撇清責任，乜你冇估計到個結果㗎咩？
到2019年發生黑暴事件，「前主教」不時都會到場，撐著黃傘，豎起大姆指，向騷亂嘅人群吶喊支持，鼓動信徒去立法會外唱聖詩，又分發食物，開放啲教會地方俾班「暴力示威者」換衫，做佢哋嘅後援。其後「前主教」更有份成立「碌柚葉基金」，美其名就話幫啲「暴力示威者」提供醫療、心理同法律支援，等佢地冇後顧之憂，實質背後目的咪支持佢哋去延續黑暴囉！ 當年8月係黑暴如火如荼之際，佢被人映到係中環一間餐廳，同「生果佬」、「陳四萬」、「白頭李」、「AV仁」及一名美國國家安全顧問克里斯蒂安．惠頓（Christian Whiton）坐埋一齊，惠頓曾是美國小布殊政府的特別顧問。成班人同「外國勢力」坐埋一齊，談笑風生，佢哋究竟喺度搞緊乜？！
「前主教」除咗對社會議題非常狂熱之外，佢仲有兩件好吊詭嘅事，我零零發想同大家分享吓。 係2011年，據一份維基解密文件中顯示，「生果佬」係2005 至2010年，一共俾咗2000幾萬「前主教」，當年香港耶穌教教區已經否認教區有收過呢筆巨款，「前主教」就吚吚哦哦，話呢筆錢係用喺一啲唔方便用教會經費嘅事喎，例如:捐款俾內地地下教會啦、捐錢俾海外天災嘅人道救援、同小朋友旅行、參加聖誕聯歡會…… 仲有，因為自己年紀大，要買商務客位機票去羅馬等地參加宗教會議咁話！真係人唔笑、狗都吠啦！
首先，點解要俾錢內地地下教會？咁咪破壞緊中國與梵蒂岡教廷之間嘅關係？抑或想顛覆中央政府政權？ 佢身為香港教區嘅主教，究竟佢係為「生果佬」定「梵蒂岡教廷」服務㗎？ 除咗資助內地地下教會之外，點解本地教會唔可以堂堂正正收呢啲捐款去做「前主教」口中講嘅事？ 再者，點解「生果佬」自己唔去做「前主教」口中嘅事？ 有得威之餘，又可以出名，點解要俾個光環你呢個白頭主教？！另外，最近法庭係「生果佬」單案提及，「生果佬」係2013年，即係佔中前一年，又分兩次入咗350萬俾「前主教」，唔知佢打算幾時出嚟交代呢350萬又用嚟做咗咩呢？總之，我零零發覺得成件事就古靈精怪，偏離咗一個正常嘅神職人員操守！
主教係教區內最高牧者，負責管理、訓導同聖化天主子民嘅職務，亦要培育教友的信仰及道德生活，推行傳播福音嘅工作。除此之外，主教另外一個重要任務就係同其他地方教會及普世教會保持連繫，維護教會嘅共融團結。作為香港教區嘅主教，唔知佢履行咗幾多呢啲正正經經的職責呢？
我零零發從細到大，無論係耶穌教嘅家人或者係學校嘅老師，都係教我哋向善、做好人、做好事。 我從來只知道作為一個教徒要奉獻，但從冇諗過作為一個教徒，仲要係一個教區嘅話事人，係可以去收錢搭飛機坐商務位嘅！ 一個退休主教要咁多錢做咩呢？喺道德標準上，係咪同一個宗教領袖有好大落差呢？
一個神職人員，咁過份參與政治、咁過份同反政府嘅「犯民」埋堆，又有咩目的呢？雖然佢好似冇直接鼓吹暴力，但係喺宗教上有咁崇高地位嘅人，佢應該義無反顧咁，反對任何形式嘅暴力！ 但佢冇，佢反而喺度曲線咁支持呢啲暴力行為！！ 我從來冇諗到一個宗教領袖係會做呢啲嘢，我真係唔希望佢嘅個人行為同操守，影響晒成個宗教嘅清譽！！！！
披著紅衣神袍嘅主教，冇好好利用信仰去感化眾人，反而利用宗教身份、平台去誤導信徒同年青人，所以我零零發認為與其稱呼佢係前主教，不如叫佢做披着紅衣嘅「犯民大教主」更加貼切！
鍾情局．零零發
鍾情局
** 博客文章文責自負,不代表本公司立場 **
我零零發喺蛇年，希望天下太平，人人安居樂業，身體健康；同埋希望大家醒啲，認住嗰啲「牛鬼邪神」，唔好俾佢哋再呃！
我今次講嘅「邪神」就係嗰啲一路叫人衝、自己鬆，作啲故仔出嚟煽動人心，講到自己點樣胸懷大志、為手足籌謀，其實同一般騙徒冇分別，最終都係要大家入錢落佢哋戶口，跟住就 un un 腳收課金嘅漢奸、眾籌老鼠！
呢一班人以「星期二得盜」頻道嗰兩個幕後玩家蔡X達同霍X誌最無恥。如果大家有印象，喺2019黑暴期間，有一個叫做「健仔」嘅示威者，當日佢喺荃灣參與暴動期間，同其他黑衣人用致命武器攻擊警察，被警員開槍制服同埋拉咗。自此，「健仔」就被幕後有心人輪流「消費」； 其中嘅「星期二得盜」除咗利用佢嚟抹黑警隊、煽動暴力示威去搶fo 呃like 掠黃友嘅訂閱課金之外，佢兩個仲衰到二次出賣「健仔」！
話說蔡X達同霍X誌睇穿「健仔」驚被法庭重判，慌不擇路嘅心情，極力游說「健仔」同幾個衰咗嘅手足棄保潛逃，拍曬心口話會為佢哋度身訂造一個「著草」plan，可以安全撤離香港，去享受新生活，一世衣食無憂咁話。
當「健仔」同幾個傻仔落咗疊、交咗錢之後，就係佢哋惡夢嘅開始！「星期二得盜」班人將「健仔」等柄埋一邊，美其名保護佢哋，其實係將佢哋軟禁，然後就同「健仔」拍片放上「星期二得盜」頻道賣慘眾籌。而為咗避開警方追查，「健仔」等人更曾經被多次封入紙箱，送去唔同嘅賊竇收埋。唔知仲以為係俾人賣豬仔送咗去KK園添。「星期二得盜」借佢過橋呃夠錢之後，仲有人篤灰將佢哋交埋俾警察。當初叫人「齊上齊落、核爆都唔割蓆」，原來都只係用嚟麻痺意志嘅指令、令人發笑嘅口號！
呢件事曾經哄動一時，但隨住時間嘅洗禮，好多人已經忘記咗。而「星期二得盜」亦做番老本行，繼續營運反華頻道，抺黑唱衰中央同香港，繼續昆人俾錢訂閱佢哋個patreon，送錢俾佢哋洗。佢哋曾經私底下同朋友曬命，話作吓故仔，嗌吓口號，又唔使自己落場，有衰人哋衰，就可以月入過百萬，咁嘅筍工去邊度搵？！
而另一個又係靠patreon訂閱平台同眾籌un un腳嘅人，就係而家連好多黃人都不齒嘅奀星阮X安喇！
呢個奀星由細壞到大，8歲就偷錢去打機，中五個陣唔熟唔食，撬咗同學嘅貯物櫃偷嘢，於是學校要求佢退學。佢讀唔成書就去發明星夢，終於輾轉去咗娛樂圈搵食。但佢樣唔得、唱又唔得，加上好色爛賭(有個女仔同佢拍mv都被抽水)，欠債纍纍，又成日去啲派對場所惹是生非，飲到啤啤夫去醉駕，咁嘅人點會紅得起？
2019年嗰陣，呢個奀星靠高調話參與黑暴(但佢啲friend話奀星從未出現喺抗爭現場) ，同聲援啲黑暴手足，終於有好多人關注；於是佢就孖住啲黃店係網上賣盆菜、搞網上音樂會、賣假飛，左黐右黐靠黃絲光環掠水。
網傳奀星老婆歐遊買名牌
雖然有咗《香港國安法》，但佢唔捨得個咁好搵嘅水魚舞台，於是繼續喺社交平台發表譁眾取寵、煽動嘅言論，巧立名目咁發起各式各樣嘅眾籌呃錢。不過最離譜嘅，都應該係「A小妹妹」騙案喇。話說奀星搵埋自己老婆張X文，虛構一個被控暴動罪嘅19歲「A小妹妹」出嚟，去勒索普通人嘅同情心，然後就係網上幫手賣「A小妹妹」整嘅曲奇餅，話賺到嘅錢係用嚟資助「A小妹妹」，佢又扮「A小妹妹」寫感謝信，但實際手足捐嘅錢就落咗佢舅仔嘅戶口。係警方追查之下，發現根本就冇「A小妹妹」呢個人，而借呢條「A小妹妹」眾籌橋就呃咗起碼165萬，其中100萬被奀星拎咗去賭，其餘嘅就豪俾老婆去歐洲旅行買名牌包包。雖然呢位騙子最後因為洗黑錢等罪被判監26個月，不過佢一出獄就即刻走咗去英國，繼續做漢奸作故仔，催谷啲傻人訂閱佢嘅patreon養佢一家! 咁嘅賤精都仲有人信，真係冇符!!
另外，有一個眾所周知嘅反骨仔「衣冠聰」又係好鍾意搵手足笨，佢6歲個陣由內地嚟香港，好好醜醜都讀到大學，享盡社會福利。佢2014年佔中嘅時候無端端彈咗出嚟，跟住就俾美角佬睇中佢貪財好色、好高騖遠嘅性格，係2019年8月保送佢去耶魯大學進修，乘機收買佢做漢奸，走上反中亂港之路。
「衣冠聰」最叻係「叫人衝、自己鬆」。話說2020年7月，佢唔理手足生死，自己一個人靜雞雞著草到英角，而佢兄弟「黃痴峰」就繼續坐監。另外，佢「講一套、做一套」嘅功力都好深厚，一邊係外國叫香港坐緊監嘅手足頂住，另一邊廂就約埋「許至瘋」一齊飲咖啡打卡，兩條友繼續靠打嘴炮呃班手足！
「兄弟爬山、齊上齊落」，都係呃人。反中亂港根本係一門生意，最關鍵係錢！「衣冠聰」深明此道，佢一方面就開patreon繼續叫手足課金訂閱，另一方面就隔空操盤，叫「香港X志」個前主席「林X言」，喺香港搞咗個「懲罰May」社交平台。啲商舖只要肯俾高昂嘅手續費，就可以得到「懲罰May」承認係「黃店」。呢班黃人以為靠黃色經濟圈就真係可以發達，所以個個嘍飯應咁俾錢人使! 但收收埋埋嘅錢係用嚟資助「衣冠聰」係外面嘆世界、同埋去做啲危害國家安全嘅嘢。好彩警察好快就將「懲罰May」瓦解，截斷咗俾「衣冠聰」條水喉。不過，「衣冠聰」顧住溝女都懶得理班手足，所以有人睇唔過眼，踢爆佢2018年迷姦眾志成員湯小姐嘅臭史。我零零發冇屈佢㗎，佢俾人反兜呢單嘢之後，由不嬲講嘢聲大大，突然變咗鵪鶉，淨係低調話係誤會，完全唔敢否認！跟住嚇到牛津大學都唔肯收佢讀碩士！
總之，呢班人嘅手段其實都幾「警世」，因為俾KK園班人昆，係人都知道俾人呃咗；但俾呢班人呃完，大部份人都仲懵盛盛，以為自己做緊好正義嘅事! 所以大力追捕呢班「邪神」真係救咗好多人。如果唔係，錯信佢哋輕則被騙財，重則被跣死，仲隨時被佢關照，要去坐監。
我零零發新一年願望，希望呢班牛鬼「邪神」同KK園，一齊被大舉剿滅，唔好喺度獻世，害人害物！
鍾情局．零零發
