發哥演技感動觀眾！
由「百億導演」陳思誠延續賀歲神話，夥拍戴墨聯手執導，王寶強、劉昊然領銜主演及周潤發（發哥）特邀主演的《唐探1900》正在熱映。日前發哥與一班朋友入場觀看，發哥首個出場畫面，全場更報以掌聲，已經是第二次入場的潘耀明導演說：「除了睇到大製作外，今次更加是包羅萬有，仲有一份昔日華人歷史，發哥表現更係淋漓盡致，帶起大家情緒。」
點擊看圖輯
周潤發（發哥）偕近百跑友入戲院睇《唐探1900》。
周潤發（發哥）偕近百跑友入戲院睇《唐探1900》。
前來捧場的一班跑步好友，包括：盧海鵬、劉江、苗僑偉、戚美珍、李司棋、張達明、黃日華、鄭則士、白茵、周家怡、方中信、蔡一智、陳山聰、唐詩詠、蕭正楠、黃翠如、梁家樹夫婦、潘耀明導演及音樂人陳輝陽等超過百人；完場燈亮一刻人人報以掌聲，大家也被發哥一場全英語對白觸動神經。
發哥表現淋漓盡致。
入場的觀眾均為飾演白堂主的發哥，在聽證會一場振振有詞全英語對白道出1900年美國對華人社會的不公所震撼，座上客之一周家怡說：「發哥英文獨白一段，好好睇，演技正到不得了，完場唔想離開。」蔡一智亦覺得聽證會一場特別深刻：「好耐冇睇到發哥咁細膩嘅演出，王寶強笑位好多，好多演員都做得好好。」
至於有看過「唐探系列」的陳山聰道：「寶強哥一貫搞笑、幽默，今次多咗發哥，以偵探的角度，有啲搞笑、輕鬆帶出華人血淚史。」唐詩詠則大讚編劇將故事人物縱橫交錯，電影亦悲亦喜：「後面會睇到個心噏吓噏吓，特別發哥果場（聽證會）會令你個心嗱住。」而準媽準爸黃翠如與蕭正楠，除了是發哥鐵粉外，亦因在網上看了好多《唐探1900》的訊息，期待已久入場欣賞。
左起：陳山聰﹑唐詩詠﹑黃翠如﹑蕭正楠
蔡一智都有捧場。
《唐探1900》至今在國內累積票房已超過31億人民幣，電影上周（2月13日）香港上映，亦是該天華語票房冠軍，第一次靜心坐下欣賞全片的發哥，看畢後坦言感到十分開心，並公開稱讚陳思誠：「陳導將輕鬆、懸疑、歷史情懷等不同的元素放在一起，影片層次鮮明，內容包羅萬有，陳思誠導演是十分聰明的。」
對於觀眾網民也一致認為他交出亮麗成績，尤其是一幕既長並全英語的對白，令人激賞。發哥說：「確實做了不少事前準備功夫，包括預先自拍一條演出片段，讓導演知道我大概會如何處理這場戲的演出，所以到正式拍攝時更加順利。」
周家怡：「發哥獨白一場睇到唔想離開！」
導演潘耀明：「發哥演出淋漓盡致帶動觀眾情緒。」
由周家怡、海兒（Hedy）及李靖筠（Gladys）主持的汽車節目《恨駕女團》今集請來黃宗澤（Bosco）做嘉賓，這次除了是他首次拍攝駕車節目，他更首度借出自己私藏、1968 Ford Mustang Fastback讓節目拍攝，絕對是獨家曝光。
黃宗澤（Bosco）為周家怡、海兒（Hedy）及李靖筠主持的汽車節目《恨駕女團》擔任嘉賓。
Bosco首度借出私藏1968年Ford Mustang Fastback古董車，直言是兒時Dream Car。
Bosco透露，這輛車是兒時Dream Car，「細個睇戲都未知係乜嘢型號，點解呢架車咁靚呢？好似好多電影入面都會出現，跟住自己又做呢行，越嚟越留意呢架車，終於忍唔住買咗返嚟。」可見他對這車相當有感情。他指車款約七年前從澳洲購入，「大約六、七十萬，原本係黃色，加上油漆麻麻哋，結果索性全車拆晒重新整過，整好後冇再計總數幾多錢啦。」講到現時車庫收藏，Bosco坦言共有九架車，對車的熱愛可見一斑。不過話音未落，Hedy即謂：「我都想忍唔住買架Stingray。」Bosco聽完即刻接招，笑住話：「係咩？我下個禮拜去買。海兒老師你係咪鍾意嗰架？（Hedy：記住係1963年。）知道！我即刻去搵。64（年）、68（年）嘅我都唔買，我就係要63（年），哈哈。」Hedy笑到收唔到聲，氣氛即時升溫。家怡指本想邀請Bosco拍reels，但Bosco回應，「我係同海兒老師拍，唔係同你拍㗎喎。同埋我架車係借俾海兒老師揸㗎喎。」搞到Hedy又尷尬起來，「Anyways⋯⋯」十分搞笑。
他透露車庫共有九架車，即場答應為Hedy物色1963年車款，甜到漏。
隨後三人登上古董車，一邊遊車河一邊傾偈，講到感情及擇偶條件，Bosco大方分享自己對另一半的要求。家怡拋出男人及女人「不可能的鐵三角」時，Bosco坦言如果只能選兩樣，他會選好脾氣及能力，「靚女點定義先？我覺得順眼，呢個就係我個type，人哋可以覺得唔係㗎嘛。要相處，有能力同脾氣好，我得緊要過靚女，我自己唔鍾意好嗲，我唔得㗎，我會鍾意比較爽一啲。」說得十分直白，更笑指自己不為「嗲功」所動。
周家怡透露心態轉變，今年覺得可以拍拖。
至於為可至今仍未結婚，Bosco指跟自己單親家庭成長有關，出世不久父母便離婚，小時候完全沒有家庭畫面，所以對「完整」的理解跟一般人不同，反而覺得現在已經十分完整，不需要靠結婚圓滿，「我都係一個人長大，所有嘢都係自己搞掂。如果我生咗細路，我點樣教佢呀？」家怡和議：「係呀，你養隻貓，你教得佢唔好，佢都係打爛你屋企啲嘢，你自己受番；你教個小朋友教得唔好，佢出嚟社會就係為害人間㗎啦喎，或者我生咗個仔出嚟，大個好鍾意溝女，咁佢都令好多女人傷心，我唔知我使唔使有份受㗎嘛。」至於將來點樣用錢，Bosco就話：「臨死之前使晒啲錢佢！使唔晒就送晒俾人，無牽無掛走咁就得㗎啦，呢個世界都帶唔走一蚊。」講到單身生活，家怡指單身都有單身的自由及開心，又分享自己近年心態轉變，「之前係單身咗好耐，但今年開始唔知點解突然間覺得可以拍拖，我之前直程驚㗎，可能因為之前啲經歷都麻麻哋。不過可能同自己都有關係，我覺得我以前唔識拍拖。」
Bosco大爆老友林峯「偶包成噸重」。
畫風一轉，談到「偶包」話題，Hedy指家怡是她們三個（《恨駕女團》主持：周家怡、李靖筠及海兒）當中，完全沒有偶包的一個，Bosco亦指自己沒有，即被家怡調侃，「你本身靚仔，唔驚吖嘛。」Bosco即隨大爆好友林峯「料」，「冇關係㗎，你睇吓林峯！哈哈。個偶包成噸重，成個貨櫃咁大㗎佢！我同佢咁friend唔怕講㗎嘛，我都要爆吓阿峯啲嘢，我哋同埋卓羲做gym係同一個教練，我哋着背心、着條短褲加legging，搵個髮夾夾住頭髮就嚟㗎啦嘛，阿峯唔係，着晒套裝嚟，哈哈，又帽tracksuit咁樣，你睇吓佢幾重偶包！」
Bosco大方分享擇偶條件，笑言「好嗲我唔得，鍾意爽啲」，又坦言因單親家庭成長，自覺生活已完整，不一定要結婚。
