晚吹 – 一車女人｜練美娟自稱「狂走音」戰士 《聲眼戰隊》成員高音晒性感電單車照  

令一眾主持看得嘩聲四起！

ViuTV節目《晚吹 – 一車女人》逢星期一晚11時30分播放。「車」被不少男人視為第二個老婆、男人專利甚至女人公敵。但男女平等，那管「馬路炸彈」或是「辣妹車神」，其實一樣可以車天車地講「講車經」。《一車女人》以三名對駕駛態度截然不同的女主持：倪晨曦、潘杰寧和練美娟為主導，邀請不同嘉賓分享與車有關的秘聞趣事、黑歷史甚至成人話題，讓觀眾走入女人的車車世界。

《聲眼戰隊》共有16位成員。

《聲眼戰隊》成員高音任《一車女人》嘉賓。

電單車《聲眼戰隊》成員高音，以一身粉紅戰士造型現身，暢談《聲眼戰隊》的軼事。

今晚（2月17日)播出一集，電單車《聲眼戰隊》成員高音，以一身粉紅戰士造型現身，暢談《聲眼戰隊》的軼事。當3位主持得知《聲眼戰隊》全部成員均以「音」字來命名，包括：隊長超音、創辦人走音、高音、震音、爆音等等，即時興致勃勃地為自己改起名上來。潘杰寧指自己聲線高是「娃音」，練美娟就覺得倪晨曦似「魔音」，而自己則戲稱因為做過聲帶手術，說話經常走音，所以是「狂走音」。

高音首次公開脫下頭盔以真面目示人。

Cindy受邀拍攝性感電單車照片。

到Cindy的性感電單車照，眾主持禁不住嘩聲四起。

練美娟好奇Cindy平時身穿高跟鞋和短裙套裝駕駛電單車上班的樣子。

為了保持專業精神，從未於公開場合脫下頭盔的高音，更加在節目中首次現真身。3位主持看見高音的真面目後，紛紛大讚高音可愛得來，還完全融入粉紅戰士造型。脫下頭盔，做回自己的Cindy，原來正職是從事銀行工作的OL。平時就算腳踏高跟鞋，身穿貼身短裙套裝，Cindy也照樣露出長腿，駕駛電單車上班。不過其性感程度仍敵不過她受邀在青嶼幹線所拍的電單車照片，只見照片中的Cindy穿著低胸小背心，英姿凜凜地駕著電單車在公路上飛馳，眾主持看得嘩聲四起，練美娟大叫離譜之餘，還禁不住說：「係咪一定要著得咁hot㗎？我畀你hot嗰啲部分已經掩蓋咗我睇車嘅位置。」但當聽見Cindy聲稱這已算是穿得多的時候，練美娟即時驚訝地問：「唔係呀嘛？會著Bikini去揸嘅咩？」Cindy直言曾試過穿Bikini和電單車拍照，練美娟笑言：「觀眾可能想睇Bikini多啲。」

練美娟自稱是「狂走音」戰士。

倪晨曦被練美娟指是「魔音」戰士。.

潘杰寧指自己聲線高，可做「娃音」戰士。

ViuTV原創劇《COURT!》將於5月18日起，逢星期一至五晚上9時30分播映。《COURT!》由MakerVille出品，銀河映像製作，幕後團隊包括監製游乃海、朱淑儀，導演吳家偉，以及編審潘漫紅。劇集分為3個單元，講述基於不同觀點角度、難以致信的巧合或為了維護更公平的法律原則，都影響著所有案件在法庭上的細節，令最終「真相」的呈現，面臨著不同挑戰和考驗。

練美娟（娟姐）飾演檢控主任叻姑，P1X3L成員葉振弘（Marco）飾演初出茅廬的助理阿榮。

Marco表示戲內外都跟娟姐學習

娟姐大爆朱鑑然愛穿著背心周圍走

二人相處融洽

在《COURT!》中練美娟（娟姐）飾演檢控主任叻姑、以及P1X3L成員葉振弘（Marco）飾演初出茅廬的助理阿榮，Marco表示戲內外都跟娟姐學習，二人相處融洽，更會趁Off Cam時自拍留念。練美娟為大家介紹她的角色叻姑：「有返咁上下年資同地位，每個法官我都攪得掂，唯獨是方官，即Stanley（邱士縉）飾演嘅Peter，我一見到佢就好騰雞，我覺得佢針對我。今次會同佢正面交鋒，會畀佢睇點樣蝦我同針對我。」

Off Cam時自拍留念

娟姐特意觀看了多部法庭作品

為了準備角色，她特意觀看了多部法庭作品，「真係冇諗過可以參與一部法庭戲，我自己非常之緊張，拍之前去咗真正嘅法庭聽審，為咗今次落足心機去研究，非常開心可以入到呢個劇組演出關於法庭嘅戲碼。」她續說：「因為涉及到法庭戲，所以有好多專業用語，喺背嘢方面都需要落少少功力，亦因為係專業用語而唔可以自己Feel Free去加啲新嘢，所以呢一方面都要跟足啲。」

她今次跟多位演員合作，「主要同Stanley、朱鑑然、Marco（葉振弘）有對手戲，亦有好多證人、被告，最開心就係我喺啲男兒堆度，全部個個都靚仔，大飽眼福嘅。同埋因為呢度好熱，朱鑑然好鍾意成日著住件背心周圍走，益阿叻姑，多謝晒！哈哈！」她又透露：「通常大家Break緊就會休息下，我同朱仔（朱鑑然）就會繼續討論緊嗰件事，我覺得係好得意嘅一啲交流，佢係演戲嘅前輩，所以我會問吓佢一啲關於演戲嘅嘢，佢都好樂意分享，多謝佢啦！就算Break Time我哋都好勤力㗎，我哋都係繼續研究劇本㗎！所以繼續有劇集都搵我哋啦！」

叻姑的助手阿榮由Marco飾演，「佢係一個好新好新、啱啱入行，係叻姑嘅助手，幫佢執文件，粗重嘢交畀我。」他看着娟姐大讚她：「娟姐好專業，係非常之照顧後輩的前輩，喺佢身上感受到演員原來就係要咁樣。」娟姐隨即謂：「我走喇，我走喇。」Marco說：「唔好走啊，我仲有好多好嘢講。」

他自言自己不論是角色或真人也仍然是一位新人，「基本上我係唔識任何要喺呢個場合度做啲咩，懵盛盛咁，叫我做咩就做咩。今次拍呢套劇嘅感覺好Formal，因為始終係講法律嘅嘢，字眼、細節上係不容有失，我睇見都覺得好正經。睇完劇本覺得冇絕對，每個位都有佢難做嘅嘢，法官都有好多嘢要去衡量，所以幾得意。」

他形容自己：「我以前都係『十下十下』，有少少懵盛盛，啱啱入行時，依家都係有少少。我擺咗呢樣特質落去，幾貼合。劇組好Pro，我個角色冇咩對白，但唔係冇嘢做，好多嘢做，要因應場合幫叻姑搵嘢等。」他期望：「慢慢一點一滴咁樣感受多啲演戲，無論係演戲態度，或者咩時候要做啲咩，我覺得得仲係太新，好多時要觀察下究竟前輩Off Cam做緊啲咩。」