議員宣誓加料　小心政府機構做嘢

新一屆立法會議員明日宣誓，有指部份本土派或激進泛民議員可能在宣誓時加入其他字眼。相信明日議員點宣誓，若過界時監誓人即立法會秘書長點處理，政府點回應，都係焦點。

阿爺的法律重炮手、中聯辦法律部部長王振民搶先出招，話立法會議員應該利用聰明才智解決700多萬名香港市民面對的問題，而非製造更多麻煩，不是用於誓詞「加料」上。

王振民又話對香港法治有信心，而基本法對公職人員的就職宣誓，有明確要求，他相信特區政府的行政、立法和司法機關，有非常高素質的工作人員和官員，他們有經驗應對問題，相信立法會會完滿解決問題。

佢講到「行政機構」和「司法機關」，相當可圈可點，即係話如果宣誓唔符合法律要求，呢兩個機構就要做嘢。

立法會秘書處亦表示，根據基本法第104條及《宣誓及聲明條例》，立法會議員須於任期開始後盡快作出立法會誓言，該條例亦指出議員須讀出法律列明的誓言字句。

高人話，立法會議員需讀出誓言字句，若無完成就沒有完成宣誓，做唔到議員。例如加料話要結束基本法，和誓言擁護基本法有矛盾，亦有問題。佢話等睇議員明日點樣做，若然過咗界，政府機構會做嘢。

Ariel

** 博客文章文責自負,不代表本公司立場 **

立法會舉行主席候選人特別論壇，兩名候選人經民聯的梁君彥及民主黨的涂謹申接受議員提問。席間最有趣的對話，不是做主席會不會投票，而係講到上手主席曾鈺成的問題。

話說有民建聯議員問涂謹申在國慶酒會反梁振英，立場好清晣，在立法會的特首問答大會中，會公平主持抑或反埋一份？

呢個問題難唔到涂謹申喎，佢話上任曾鈺成主席寫文評論特首，極為不妥，他不會倣效咁話。涂謹申承諾「三不」做法，包括不參與政黨議事、不議論時政，亦不會就議案投票。

呢一招連消帶打，事關曾鈺成身屬民建聯，而民建聯係建制第一大黨，但曾主席又經常寫文窒特首CY，建制中人都覺得有少少怪。結果就俾涂謹申捉住來講，話若果他做立法會主席就唔會咁做。