尋失散兒子 vs 尋前世情人《奇情谷》首集故事震撼三觀！

由導演火火、吳若希（Jinny ）及曾展望（GM）三位谷主主持，TVB Plus（82台）全新直播一小時節目《奇情谷》，逢周一晚9點半及周二晚9點35分播映，每集嘉賓的故事都會震碎各位三觀，對固有認知重新定義，走入一個誇張但真實的世界。

昨晚（6日）主題「尋人」，據統計香港每年有接近3000宗人口失蹤案件，平均每日有差不多9人失蹤。今集三位谷主化身委託人發揮網絡力量，代兩位「奇情嘉賓」尋人。第一位嘉賓是46歲的女士蔚蔚，她經歷三段情，為三位男士誕下4位小朋友，目前獨力撫養3位囡囡，最想尋回失散18年的兒子。事緣蔚蔚20年前未婚懷孕後，搬到男家天水圍屋企安胎，直到囝囝樂樂出世後，便交由男友母親照顧。有趟蔚蔚跟男友因小事吵架，想不到就此失去一頭家，她說︰「平時男友好溫柔，嗰日唔知點解係咁扔嘢，我畀佢行為嚇親，最後報警處理，要求差人請佢離開，之後佢就無返過嚟。」而BB一直由對方母親湊養，蔚蔚一星期只可以見兩三次。情況持續大概兩年，突然有一日對方全家失去消息。一別就是十多年，蔚蔚亦再經歷兩段情。有一日她偶然發現樂樂爸爸的Facebook，見到兒子小學畢業的照片，好自然給「Like」，她說︰「之後樂樂爸爸block咗我。」接住蔚蔚到過天水圍貼街招尋人，亦為此搬到天水圍居住，都沒有結果。節目尾聲她眼泛淚光表達對兒子的思念︰「樂樂，我係媽咪呀，可能你唔認得我……其實呢十幾年無放棄過搵你，亦好希望見到你，希望你睇到呢個節目，可以同我聯絡，畀我見下你。我無諗住打擾你嘅生活，只係想知道你一切係咪安好啫。媽咪真係好掛住你。」

蔚蔚希望尋找失散18年的囝囝樂樂

蔚蔚希望尋找失散18年的囝囝樂樂

昨晚「尋人」請來塔羅專家羅泳嫻幫手

蔚蔚提供失散兒子的照片

蔚蔚提供失散兒子的照片

蔚蔚提供失散兒子的照片

利用AI合成樂樂20歲的照片

此外，留言區特別熱鬧，網民意見頗兩極，有人大表感動祝福母子能早日團聚， 「三段情都有問題」、「一定隱瞞咗一啲嘢」、「一早應該要報警，上法庭爭取撫養權啦」。

網民對蔚蔚尋子的舉措反應兩極

節目另一位「奇情嘉賓」為53歲的Brian，他聲稱留有前世記憶，想尋找前世情人「玲玲」。二人相識始於中三那年，玲玲為轉校生，Brian見到對方那一刻，腦海即浮現一連串前世影像，確信跟對方有段前世姻緣。今趟希望尋回這位失散40 年的前世情人。三位谷主請來塔羅專家羅泳嫻（裸泳）藉塔羅牌尋人，裸泳表示隔世情緣最痛苦莫過於是單方面記憶，她一邊占卜一邊語重心長說︰「只要呢個人在生，搵佢未必太難。但係我見個結果唔好呀，所以我會建議不如唔好考慮住。」Brian表示並非想介入對方的生活，只是想再見面，瞭解一下對方近況。

Brian希望尋回前世情人

羅泳嫻利用塔羅牌為Brian占卜

Brian跟玲玲於中三那年認識

Brian跟玲玲於中三那年認識

由「資深廟祝」火火、「實習廟祝」施焯日（Arthur）主持TVB Plus（82台）全新直播互動綜藝節目《師傅點算》逢周一晚9點半及周二晚9點35分直播。

昨晚舉行首場粉絲聚會。

三位師傅為粉絲指點迷津。

昨晚（12日）主題「有緣相聚」，節目舉行首次「Fans Meeting」， In Lee、羅泳嫻（裸泳）、趙嘉寶三位師傅為8位單身現場觀眾指點迷津，尋找好姻緣。嘉寶師傅先為任職空姐的Kathryn贈言，提到對方左眼眼角有痣，她說︰「圓形唔係不規則嘅，所以你粒係好癦，你情感太豐富好容易喊、感動，同理心強容易有異性緣，但又容易被情所困，情感會較波折。睇到你條命好易有三角戀、爛桃花，所以身邊多渣男出現。」Kathryn直認是「戀愛腦」一名，年過30歲希望可以早點結婚生仔。嘉寶師傅為她派定心丸，並以自己為例說︰「在下都過30，今年都結婚，所以年齡唔係問題。」Kathryn被批真命天子好有機會於後年出現，給出的提示是另一半辦事能力強、頗有社會地位。但缺點是較急躁且控制欲強。但最令Kathryn最安心的是婚後二人會有孩子。

空姐Kathryn眼角有「淚廛」。

嘉寶師傅自揭今年將拉埋天窗。

8位粉絲獲即場拆解姻緣運。

接下來In Lee師傅為觀眾Barry看姻緣，Barry為A0一名希望可以打破困局，他自我介紹時說︰「我係一名咖啡師，未拍過拖。因為天秤座所以眼角比較高，屬於『外貌協會會長』……」想不到鬼馬的In Lee師傅聞言，即場搞氣氛情挑對方，反問︰「我得唔得呀？」身旁的Barry想也不想回答表示「得」，令現場充滿歡樂。In Lee師傅為對方開啟手腕上的「姻緣紅線」，她說︰「佢條紅線有『轟轟』聲嘅，呢個係鐵尺嘅聲音，因為佢嘅準則高，所以紅線嘅硬度比較硬。神明話『阿仔你要求太高，好難搞』，但Barry好好仔，想將最好、最優質嘅第一次，留畀最鍾意嗰個……」此話一出令Barry露出尷尬表情無奈承認，令現場再度起哄，亦讚賞他的貞忠。In Lee師傅表示Barry暫時未夠成熟，正所謂「你睇人、人睇你」，神明同時提醒他宜先發展事業，有安穩的工作，自然有機會吸引到心水的女孩子，她補充說︰「要你事業有成，先至有選擇。」

A0粉絲Barry在現場帶來不少歡笑。

In Lee師傅忠告Barry先專心發展事業。