魔界有《獅子·女巫·魔衣櫥》，點知政界都有《男神·醫神·發展局》。講到呢度大家都知，講緊嘅係「議員男神」范國威，同歌神陳奕迅。
繼陳奕迅「環保萬能Key」之後，近日瘋狂改圖轉載的就是范國威「滑板萬能Key」。勢估不到，連發展局都抽水，真係無得輸...... 講緊二次創作咋。
「真係咪話香港人無創意！」自2012年特首選舉前後，受「唐宮」加上「狼豬」的洗禮，香港的二次創作的確是爐火純青，質素其實不低。
今次「男神咖喱范」的出位「滑板萬能Key」，笑到甩哂咀，不過笑完就算。至於醫神的「環保萬能Key」，其實都蘊釀了幾日時間，因為CY開頭見到，都唔知係乜，原圖都以為係俾人惡搞！事實係，陳奕迅幫世界自然基金會做宣傳，話為環保就搭公共交通工具，背景是東涌綫車廂，唔講仲以為係港鐵自己廣告。
好玩唔玩，發展局都出嚟抽水，結果自己又俾人抽返轉頭。未知主意是否出於波叔，政府欲推「網絡廿三條」，自己又玩二次創作，「想激死CY咩！」
正因為「抄襲」，令facebook一個廣受歡迎、專貼「惡搞、搞笑、抵死」趣聞的群組「瀛寰搜奇」，掀起一場網絡罵戰。據聞有人在facebook上照版煮碗，另開一個同名的「瀛寰搜奇」，原來的群組就因被檢舉，被facebook查封。其後搞手於facebook重開，改名「真瀛寰搜奇」，又指由「高登仔揸旗」，短短幾日已經有過萬個Like。
圖片來源：facebook截圖
screenshot-by-nimbus (18)_meitu_2
CY去涉假冒的「瀛寰搜奇」望望，見到專頁在2011年2月建立，但第一個Post就在星期一才發表，當晚亦轉帖「你因瀛寰搜奇涉及騷擾而提出檢舉」的截圖，營造一場「羅生門」。不過下面隨即有留言直斥其非，瘋狂指罵該專頁經常「偷圖」出帖當「自己野」，轉貼又不提來源，當然更有粗口橫飛的場面，萬箭穿心。另外，頁面的Profile Picture同Cover Photo，與「真瀛寰搜奇」幾乎一模一樣。
「真瀛寰搜奇」就在當晚重開專頁，在「關於(About)」一欄上就強調「尊重原創．反對剽竊」，至於「瀛寰搜奇」就抄足內容，唯獨欠缺此句同聯絡電郵地址。為了反網絡盜竊，有網民更自組「反對fb瀛寰搜奇」，每當「瀛寰搜奇」貼文，就在下面留言，指它侵犯他人版權，要向facebook舉報，要它「永不翻身」。
screenshot-by-nimbus (19)_meitu_3
所謂真假呼之欲出，CY認為，網絡轉貼是平常事，亦是網絡一種文化，但網絡世界同樣受現實世界的道德所規範，「盜竊」同「抄襲」的風氣，不可長。既然板主都想在網上多貼趣聞，何不認真搜尋分享？抄名、抄樣、「唔Quote Source」又有何為呢？
真真假假，其實睇「惡搞野」都為「得啖笑」，CY當然支持原創的二次創作啦！想起會考、高考歷史科的「歷史資料題」，望住一堆漫畫的資料，回答一、二次大戰、冷戰等等各國關係的歷史題目。其實網民的二次創作，絕不輸蝕。CY覺得考評局可以不妨參考下。
(更新時間：2014年4月4日, 10:58)
CY
** 博客文章文責自負,不代表本公司立場 **
