歌手雲浩影（Cloud）6月2日帶病出席《第46屆十大中文金曲頒獎音樂會》，獲電台頒發3個獎，包括「優秀流行歌手大獎」、「十大中文金曲獎」及「最佳中文唱片獎-女歌手」。帶病出席頒獎禮的她，接受訪問時拒絕透露細節，僅表示：「剛出院，住了一天，因肚子不適接受檢查，正在服藥，需要時間慢慢康復。」被問及是否有喜事，Cloud立刻搖頭否認：「啋過你咩！」
雲浩影（Cloud）抱病出席十大中文金曲。
雖然Cloud抱病出席，但在頒獎禮上卻大豐收。
共獲3獎。
Cloud一日前於IG分享早前病到要入院留醫的照片，並留言︰「多謝大家好多的關心，謝謝身邊咁多的愛！要啲時間慢慢休養，調理下！要好好照顧身體！早啲瞓，食營養啲！Lesson learned. 健康好重要﹗健康好重要﹗健康好重要﹗冷知識，打豆前要飲水！如果唔係好難搵血管㗎﹗我拮到第五次先得，係會痛到喊。」
頒獎禮結束後，Cloud在IG公開醫院病床照。
並三次寫「健康好重要」。
Cloud雲浩影IG圖片
雲浩影（Cloud）前日（4月22日）推出全新專輯「Silver Lining」，並於晚上在中環PMQ舉行《Cloud's Silver Lining Trip 音樂會》，全場逾300位歌迷席地而坐，透過耳機沉浸式享受Cloud現場演繹新碟內作品和她喜愛的歌曲，展開不一樣音樂之旅。
Cloud推出全新專輯「Silver Lining」。
Cloud日前舉行《Cloud's Silver Lining Trip 音樂會》。
歌迷一早在場外排隊購買海報和小卡等周邊，然後魚貫入場，坐在地上「小雲朵地氈」，音樂會開始。Cloud拿著在新歌《雪愛》MV中亮相的可愛記事簿登場，簿內記下她的感受和音樂會流程，長裙下的她仙氣滿滿。她演唱《別畏高》和《雪愛》後問歌迷：「你哋緊唔緊張？我好緊張，我係P人嚟架，作為今日導遊，我都替大家緊張！」歌迷一片笑聲。
《Cloud's Silver Lining Trip 音樂會》
《Cloud's Silver Lining Trip 音樂會》
《Cloud's Silver Lining Trip 音樂會》
《Cloud's Silver Lining Trip 音樂會》
「以往音樂會上，透過耳機聽我唱歌嘅人只有樂手們，係好親密又好特別，今日你哋都會喺耳機聽到。」Cloud走到觀眾當中演唱《我們還有幾多時間》、《話到口中》和《別怕》。「今次專輯《Silver Lining》來自一句『Every cloud has a silver lining』，意思係即使烏雲都有一條銀色邊，都有一絲光明。」
Cloud雲浩影
Cloud雲浩影
翻唱薛凱琪的《Better Me》時，Cloud顯得特別感觸，「無論做啱做錯都有佢嘅原因，希望大家好似我咁，每朝早瞓醒都係一個新嘅自己，剛才首《Better Me》有一句好重要，亦係我好想『做一個值得你驕傲的Better Me』。」音樂會尾聲，Cloud說：「呢個屬於你同我嘅moment，我想透過呢首歌話畀大家知『雨後都有彩虹』。」然後她自彈自唱Kacey Musgraves的《Rainbow》。
Cloud雲浩影
Cloud雲浩影
音樂會後，Cloud接受訪問，她坦言心情緊張過大型演唱會，「一開始我都有啲驚，擔心呢個idea到底work唔work？因為用耳機聽好親密，會聽到好細緻和放大瑕疵。」出場後感受到觀眾的能量和反應才安心，說：「我見到有觀眾流眼淚，真係一個好特別嘅moment。我覺得同大家好close，一開始好緊張，因為大家圍住我，好近，個力量好大，適應之後就能夠好好去enjoy。」
Cloud雲浩影
Cloud雲浩影
Cloud坦言唱《Better Me》時特別感觸，她說：「平時唱呢首歌都會觸動我，而今次嘅觸動位係『有一天生命老去 還好謝謝有你』 ，我望住咁多人帶住耳機好專心咁聽我唱歌，唔知我嘅歌手生涯會有幾長、有幾遠，但我好多謝曾經喺度支持過我嘅朋友仔。雖然會有完結嘅一日，我會老去，好感謝曾經同大家一齊，有過呢啲moment！」
「Silver Lining」。
音樂會上Cloud唱了多首新專輯的作品，唯沒有唱英文歌《Love Me Like That》，是她刻意留作買碟歌迷的專屬驚喜。而灌錄此歌前有個小故事，她說：「呢首歌原自一首韓劇歌，要攞版權，對方想聽吓我唱成點先決定批唔批，作為音樂人，我好明白。所以錄嘅時候都有壓力，驚唔批，即係我唱得唔夠好。嘻嘻，最後批咗，即係可能連原唱Sam Kim都聽過喎，好開心！」
與粉絲合照
與粉絲合照
大合照
今次專輯Cloud首次通宵拍攝，她說：「專輯概念『Silver Lining』，黑暗與光、光與影嘅關係。好多時候人生嘅ups and downs，經歷過低沉先至會明白開心，同埋好嘅事情係嚟得幾咁難能可貴。所以今次特登喺黑暗中拍攝，希望帶出訊息：『黑暗入邊都有光』。」她穿梭晚上的咖啡店、街道和海邊，捕足美麗的夜景和大自然的晨曦。
拍攝花絮
拍攝花絮
拍攝花絮
拍攝花絮
拍攝花絮
晚上如何享受me time？Cloud表示：「夜晚嘅我鍾意睇電話同埋浸腳，用啲中藥包煲水嚟浸腳，聽歌攞靈感，有時夜晚寫歌都幾有feel，當然仲有瞓覺啦！有時日頭開始寫歌填詞，埋尾錄埋好多時已經深夜，所以我覺得深夜同音樂人有好大關連。」其中新歌《別怕》由她親自作曲填詞並在深夜錄音，她說：「呢首歌以第三身嘅角度去鼓勵自己『唔好驚』，因為我好多時候都會自己同自己講嘢，所以想用第三身嘅角度去寫呢首歌。」
拍攝花絮
拍攝花絮
拍攝花絮
拍攝花絮
拍攝花絮
Cloud雲浩影
