ViuTV節目《晚吹 - Chat KP》逢星期四晚上11時00分播放。生活總會遇上大小煩惱及奇怪遭遇，假如有事情讓觀眾困擾尷尬、不吐不快、或想尋求建議指引，也可來信本節目，見過風浪的女主持彭秀慧（KP），會聯同現場觀眾或與知名嘉賓互動，以開信或即場phone in為觀眾提供建議，一齊一笑解千愁！
《晚吹 - Chat KP》今集主題《反面》。
《晚吹 - Chat KP》請來一班舞台劇好友邵美君、梁祖堯、梁浩邦和湯駿業大談「反面」主題。
邵美君人生最盡只跟朋友暫時不見面，未曾試過反面。
梁浩邦直言自己擅長冷戰。
梁祖堯分享自己跟好朋友反面經歷。
昨晚（6月19日）播出的一集，KP邀請了一班舞台劇好友：邵美君、梁祖堯、湯駿業和梁浩邦大談「反面」主題。KP表示工作時曾遇上一位不咬弦的同事，但老細卻覺得對方說話頭頭是道，當時自己年少不懂發脾氣，只懂忍著怒火，但心中其實很想向對方說一句：「收聲啦！八婆！」當晚回家自己嬲到捐了$1,000給某眼科慈善機構，因為當刻覺得：「點解呢個世界有啲人睇唔到一啲要睇到嘅嘢！呢個世界要有人開眼！」
點擊看圖輯
《晚吹 - Chat KP》請來一班舞台劇好友邵美君、梁祖堯、梁浩邦和湯駿業大談「反面」主題。
彭秀慧工作時曾遇上一位不咬弦的同事，當時自己年少不懂發脾氣，只懂忍著怒火。
梁祖堯缺席好朋友婚禮，朋友原來一直耿耿於懷。
梁祖堯教大家WhatsApp嗌咬要避忌的事項。
彭秀慧工作時曾遇上一位不咬弦的同事，當時自己年少不懂發脾氣，只懂忍著怒火。
彭秀慧當時嬲到捐了$1000給某眼科慈善機構。
梁祖堯亦分享自己有一位非常要好的朋友，幾年前結婚的時候，適逢自己的舞台劇首演，加上疫情關係，萬一確診便需要換角，為了團隊，所以真的不敢出席。之後大家仍然如常見面，彷彿沒事一樣，但有一晚朋友卻對祖堯酒後吐真言，表示：「你冇嚟到我婚禮，我婚禮之後嘅Party係為你而搞，但係你冇嚟到。」原來祖堯朋友對這件事一直都耿耿於懷，祖堯知道後心情直插谷底，當刻祖堯雖然有向朋友解釋，回家後亦有發短訊給朋友，但可惜朋友卻沒有回覆，最後二人無奈地成為陌路人。
由風車草劇團主辦《回憶的味道》將於2026年8月6至16日假西灣河文娛中心劇院首度公演，這是風車草繼《回憶的香港》後，相隔7年由原班人馬製作，梁祖堯、湯駿業、邵美君及彭秀慧攜手演出的全新劇目。
梁祖堯
彭秀慧
邵美君
湯駿業
七年前，5位不同領域的專業設計師，與4位演員經過半年的資料搜集、人物訪談及公開工作坊，以參與式劇場形式，跟觀眾一同重溫及探討關於香港今天與明天的「回憶」，創造屬於我們的《回憶的香港》。七年後，原班人馬將會走訪香港各區，創造出《回憶的味道》。今次《回憶的味道》同樣通過大量深度遊及訪問，由香港庶民飲食文化作為切入點，上至名廚傳統精緻手工粵菜，遠至沙頭角客家村盆菜，近至我們每個人心目中最懷念的嫲嫲手工菜等等，然後將會以劇場方式，以獨立章節呈現出一種難以言喻又溫暖的「回憶的味道」。
《回憶的味道》將於8月6至16日假西灣河文娛中心劇院首度公演
《回憶的味道》將於8月6至16日假西灣河文娛中心劇院首度公演
在記者會上，幾位演員：梁祖堯、湯駿業（AhDee）、邵美君及彭秀慧（Kearen）均現身說法，談及7年後再次創作系列作品《回憶的味道》的因由時，阿祖道：「上次回憶的香港係一個自肥嘅計劃，嗰陣純粹係演員同幾位創作人想叉電，同埋想重新連結呢個地方，所以有《回憶的香港》。一直好想再做part 2， 最近時機成熟，大家有期，又搵到西灣河文娛中心劇院，所以就去馬。」AhDee亦補充道：「做《回憶的香港》時其實都搜集咗好多材料，特別係講到食，大家就癲咗，好多嘢想講，所以再做同系列嘅時候，就決定做《回憶的味道》，因為當提起一種食物嘅時候，會諗起同邊個食，發生乜嘢事，入面可以有好多故事。同埋做資料搜集嘅時候，發現好多家族食譜，再加上好多唔同小店嘅故事，都同我哋息息相關，所以我哋雖然由食物開始，但整個劇場都會同我哋呢個香港有關。」阿君亦道：「味道有好多種，但背後嘅故事，無論如何都係甜嘅，因為好嘅嘢先會留喺個心嗰度，同埋會想將美味傳遞開去。」今次Kearen再次跟風車草合作，她表示會送上「滋味」，她笑言：「這些滋味來自我們共同的回憶，因為我們成長年代太近了，雖然住在不同地區，有唔同背景，但大家都會有各自家庭裡成長嘅味道，我嘅加入會更豐富味道嘅層次。」
提及今次《回憶的味道》內的好玩元素，AhDee即坦白表示：「呢個show講明自肥，一定會做一啲自己開心嘅嘢。我哋前期討論嘅時候，已經諗到好多同食物有關又有趣嘅歌曲，到時要同大家分享。」阿祖亦道：「到時我會喺台上面下廚，大家喺劇場入面就會聽到爆鑊聲，亦會聞到啲香味，包保你會有生理反應，流晒口水。」AhDee更揚言，屆時或會呈現劇迷提供的家傳食譜，並邀請觀眾上台即時品嚐美食，絕對是一個沉浸式參與的舞台劇。阿祖揚言：「我有信心可以將劇迷提供嘅食譜重現眼前。」
其實回憶的味道可以是你我最有共鳴的好味道，但亦可以是自己才會體會的五感回憶，幾位演員今日亦在台上說起自己最難忘的香港味道。
彭秀慧：我會諗起媽媽煮嘅蛋角，媽媽會用湯勺，喺石油氣爐頭上面嘅火上面燒熱個湯勺，再將蛋漿及其他材料輪流倒入湯勺煮成蛋角，再放湯去食，我冇見過其他人做，係因為呢個show我先諗起媽媽做過呢個菜式，細個可能唔識珍惜，但而家好想整返。
邵美君：我有八兄弟姐妹，屋企好窮，但媽媽會成日突然煲當歸雞蛋糖水，嗰陣覺得好臭好憎，但大個先知原來好補身，嗰陣好唔鍾意，但大個先知道原來媽媽以前用最簡單嘅方法去令自己身體好，佢咁辛苦湊大我哋，但會用呢個方法養生，好偉大。
湯駿業：我媽每逢過年過節，特別年卅晚，一定會煮一個南乳炆齋，佢係花咗好多心機去煮，比起平時食飯，更加係未試過咁足料同埋咁多南乳咁惹味，平時食飯一碗飯就飽，但有南乳炆齋，我可以食兩碗，甚至再添都得。
梁祖堯：呢刻我會諗起煲仔飯，因為我小學時候嘅早餐，冬天寒流襲港，我公公會朝早煮好煲仔飯，我就睇住電視食。有時會有臘腸、排骨，愈凍啲食材就愈肥，所以有時會有臘肉，食完成身暖晒，我可以就咁著冷背心就返學。因為公公嘅門檻太高，所以而家坊間嘅煲仔食我都覺得唔夠好味。
聽到幾位演員的分享，不但令人垂涎三尺，更急不及待要在劇場一同品嚐《回憶的味道》這齣色香味俱全的劇作。
