博客文章
退休大法官胡國興參加特首選舉相當認真，今日下午佢以「胡國興行政長官選舉辦公室」發出電郵，通知明日有記者會，變相宣布胡官將於明日公布參選新一屆特首的細節。
聞說胡官已經籌組咗競選辦公室，位置在中環鏞記附近，競選辦主任係何炳堃大狀 （PK Ho），聽講何大狀係胡官的徒弟。
另外，胡官已聘用Studio Bianco公關公司為佢搞競選的公關工作，Studio Bianco的負責人為Juliana Wai。相信胡官一宣布參選，競選工作就會如火如荼咁展開。
Ariel
** 博客文章文責自負,不代表本公司立場 **
退休大法官胡國興打算參選特首，一石激起千重浪，惹起各界關注，想分析究竟胡官參選對那一方有利。
胡官雖然係法律界重量級人物，但係講到選特首，佢就無施政經驗，所以唔算係「大殺傷力武器」，胡官一宣布參選，令人關注其參賽的影響。
知情人士話，阿爺勸過胡官唔好參賽，但胡官執意落場，所以外界以為胡官係阿爺派出來的人，志在陪CY跑，咁就諗多咗少少啦。
知情人士認為胡官參選，目的係ABC （anyone but CY，任何梁振英以外的人）。目前政府三司中角逐特首的熱門人選，但他未得阿爺祝福前，不肯辭職出來挑戰CY，咁搞下去，好易CY一個自動跑出，所以點都要搵個人出來。
胡官參選，就一定有人同CY爭，但殺傷力未致太大。
