前港姐袁彩雲（Fiona）日前到新城廣播接受《可『連』天下父母心》主持陳心怡（阿貓）及Christine（汀汀）的訪問，與主持們大談小孩教養。育有一名12歲女兒的Fiona，透露女兒踏入青春期後性格轉變，親子溝通面臨挑戰，而她十分重視語言教育，堅持讓女兒學習廣東話及中文，以傳承文化及提升競爭力。
袁彩雲接受新城《可『連』天下父母心》訪問。
袁彩雲大談小孩教養。
Fiona在節目中提到，女兒近期變得不再像從前般乖巧，認為女兒已進入青春期，她說：「佢會駁嘴同有自己意見，感覺佢變咗，但其實都好嘅，呢個係成長階段，要接受同理解佢需要。」出生於德國、精通多國語言的Fiona，強調語言的重要性，除了英語和法文外，她堅持讓女兒學習廣東話和中文，所以經常帶女兒返港與朋友聚會，創造語言環境，同時鼓勵她主動與外人交流，以訓練表達能力。
談及教養方式，Fiona直言會在「虎媽與放養」之間取得平衡，但更多的是「夾雜型媽媽」，不能太過放任女兒，同時又重視其學業和品德，Fiona表示：「依家小朋友好鍾意攞住部電話，網上有好多資訊，佢哋都知踏入青春期會有啲咩唔同，但未清楚上心理上有咩變化，會再同佢傾深入傾吓。」
12歲女兒踏入青春期。
Fiona現居加拿大做全職媽媽，她認為見證孩子每個成長階段是無可替代的滿足感，Fiona表示：「我幾享受花時間陪佢，係車出車入會悶啲，但由佢細細個對你笑，不斷成長變化，冇錯過任何一個時間，呢個係人生嘅滿足感；反正我去到加拿大冇乜嘢可以做，寧願全職投入照顧小朋友。」
Fiona又笑指有件事很多家長都甩不到，就是不停「哦」小朋友，她表示：「佢哋最憎，我哋自己細個都唔想父母『哦』你，反而想做咗件事先，因為唔想媽咪『哦』，但我個女呢個年紀就寧願唔做，所以我有時會忟憎。」
袁彩雲坦言親子溝通面臨挑戰。
詳細節目內容，請重溫8月24日，下午2:00 – 3:00，新城知訊台《可『連』天下父母心》節目，網址：https://www.metroradio.com.hk/MetroInfo/
歌手林德信（Alex）6月10日到新城廣播接受歐陽德勛主持的《沿途有我》訪問，歐陽德勛在節目開場時表示，與Alex已多年未見，但一直留意他的動態。「當時佢就係一個好瀟灑嘅Single Man，單身一個靚仔，後來突然間收到佢結婚消息，大個仔喇，我估佢應該好快會做爸爸，又畀我估中咗，唔使好耐就真係做咗爸爸。」
林德信（Alex）接受新城廣播《沿途有我》訪問。
被問及成為爸爸及丈夫後的感受，Alex坦言自己的轉變過程與其他朋友不同。「我覺得我嘅感受同其他做咗爸爸嘅朋友好唔同，好多朋友話BB一出世成個生活變晒，但反而我呢個轉變嘅時間好長。我覺得到今日，我仲係度吸收、消化緊呢件事，可能因為我本身性格都比較慢熱。」
Alex爆兩歲女兒愛聽《十分十二吋》、《阿里巴巴》。
談到兩歲的女兒，Alex笑言她遺傳了家族的音樂天份。「佢好細個已經好鍾意聽快歌，如果播慢歌氹佢瞓覺，佢唔鍾意。佢鍾意《十分十二吋》、《阿里巴巴》呢啲好快嘅Disco歌，好細個就已經識得跟住拍子又跳又叫。」
Alex以獨立歌手身份發展已經差不多六年，他透露今年計劃推出專輯，靈感來自一個家庭循環：「我爸爸（林子祥）以前有一張專輯叫《最愛》，個封面係佢抱住1歲嘅我。嗰陣佢39、40歲，我1歲。而家呢個循環啱啱返嚟，我40歲，我個BB而家2歲。我好想做返呢件事，專輯個封面就係林德信抱住個女，儘量將個pose重現番出嚟。」
Alex演音樂劇讀父親林子祥家書。
上月在西九龍戲曲中心大劇院完成了一場音樂劇《3026：音樂環遊記》的Alex，介紹故事背景設定在1000年後，AI毀滅了所有音樂和文化，他飾演的角色進入戲曲中心，與被AI刪除記憶的音樂人一同透過經典廣東歌找回回憶。他特別提到劇中重新演繹父親的經典金曲《分分鐘需要你》時，獲得了全新的理解。導演引導他思考：「如果你真係冇晒音樂，音樂唔再存在，你冇咗生活、呢個身份，或者你會珍惜啲咩？」
後來他找到一封父親小時候寫給他的手寫信。「佢寫嘅全部都係好無聊嘅嘢，『你而家返學點呀？最近讀書點呀？考試成績點呀？』、『我喺意大利行路嘅時候會諗起你』。我讀出嚟嘅時候，個個都覺得呢啲嘢好無聊，但係最珍貴。」他續說：「佢哋就係咁啟發到我，用一個全新嘅角度去唱《分分鐘需要你》。就係你係一個好細個嘅小朋友，好渴望你爸爸喺咁無聊嘅時候陪住你。我從來冇諗過可以咁樣唱。」
唱《分分鐘需要你》感觸走音。
Alex坦言當晚險些唱不下去：「我嗰晚差啲講唔出封信，我讀唔出……唱歌音都亂晒、走音，但係有真實嘅感覺。」當晚全家人都在場，包括爸爸林子祥，令他情緒更加波動。「我感覺到爸爸喺出面，感覺到所有家人喺出面，差啲崩潰。不過點都要講完對白、唱完先，忍住先。」
重溫節目，請於6月10日晚上九時登入知訊台《沿途有我》：https://www.metroradio.com.hk/MetroInfo/
