林德信小時候失眠半夜搵倉鼠聊天傾心事 爆父親林子祥與歲半孫女互動超溫馨

歌手林德信（Alex）日前到新城廣播接受羅沛琪（Pinky）主持的節目《寵愛您》訪問，暢談從小到大的飼養寵物經歷，以及成為人父後的心路歷程。

歌手林德信（Alex）接受羅沛琪（Pinky）主持的新城廣播節目《寵愛您》訪問。

Alex在節目中憶述，他與妹妹在6、7歲時於美國養了第一隻寵物，是一隻倉鼠，他透露小時候曾受失眠困擾，晚上會與倉鼠聊天和分享心事，甚至將牠放入膠球中在家中四處走動，成為他童年重要的玩伴。後來Alex回港探望父親林子祥（阿Lam）時，家中更曾同時飼養四隻狗和兩隻貓，包括兩隻牧羊狗和兩隻芝娃娃狗，「睇電視同打機時，佢哋會坐隔離，可以抱住佢哋。」並透露葉蒨文經常帶小狗外出錄音、綵排和吃飯。

談及一歲半的女兒帶給自己的轉變，Alex坦言最初和太太都想要兒子，因為夫妻倆熱愛運動，希望有孩子能一起活動，得知是女兒時甚至有些失望，但現在完全改變想法，稱女兒「聰明、貼心」，且運動天分出乎意料地好，他稱：「佢9個月開始識得企，10個月就行，到11個月已經可以跑，絕對相信佢長大後可以跟得到我哋生活。」他特別分享溫馨時刻：「我駕車時佢坐喺嬰兒座椅上，會喺後面拍我膊頭，好似想話我知『你好，我喺到』。」這些小動作讓Alex感到無比甜蜜。

Alex分享與女兒溫馨時刻。

大爆父親林子祥與孫女互動超溫馨！

Alex還分享作為爺爺的阿Lam，看到小孫女整個人都溶化了，他笑言：「佢哋好鍚BB，嗲哋平時好cool，唔容易表露自己情緒，同佢食飯有BB喺度，佢就全程望住BB，然後笑得好開心，令到我都好開心。」由於女兒喜歡爬到枱底，阿Lam看到會用手擋住孫女的頭，以防她撞到枱角，這些保護孫女的微細動作，令Alex看到大為感動。

此外，阿Lam在39歲時創作了一曲《最愛》給一歲的Alex，並抱著年幼的他拍攝了專輯封面，而Alex在39歲時也有了一歲的女兒，Alex指這個時機促使他決定以專輯形式回應父親的經典作品，傳承這份愛，他表示：「我都可以影呢個封套，同太太商量後，呢個係好珍貴時刻，今年就忙緊呢個計劃。」

林德信（Alex）

新晉女團Honey Punch三位成員楊芷喬（Casey）、黃靖瑜（Colour）及胡采倩（Chelsa），日前接受新城廣播羅沛琪（Pinky）主持的《寵愛您》訪問，Casey更帶同邊境牧羊愛犬亮相，與Pinky大談與愛犬相處的溫馨與「驚嚇」故事；其餘兩位成員談起家中毛孩和魚兒時更是眉飛色舞，盡顯對小動物的愛護。

Honey Punch

Honey Punch

Casey的愛犬是一隻七個月大的邊境牧羊犬，擁有罕見的雲石色毛髮，活潑好動，但原來牠的出現完全是個意外。Casey透露：「我由細到大都有濕疹，對貓毛敏感，一掂到貓毛嘅嘢就會起風瘌，所以從來冇諗過養寵物。」然而，爸爸一次偶遇改變了一切：「爸爸見到佢覺得好似隻狼，因為呢種顏色好少見，多數邊境牧羊係黑白色或者啡色，見到雲石色覺得好特別，就想養佢。」Casey回憶第一次看到愛犬時奇蹟地沒有過敏反應，加上小狗實在太有趣，於是決定帶牠回家。
如今愛犬已重達14公斤，不過重量級的身軀背後，是令Casey驚心動魄的回憶。她憶述愛犬初到家中時的一場虛驚：「佢初初嚟我屋企嗰陣，我睇唔到佢隻腳夾咗喺廁所門度，佢就不停咁掩住自己個嘴，因為好痛。我喊得仲犀利過佢，媽咪問我咩事，我話『我夾親佢隻手』！」後來她發現愛犬腳上有一塊黑色東西，擔心是骨折或骨裂，最後發現那是愛犬出生時已有的胎記。

Honey Punch

Colour則分享了她曾養過一條金魚「米奇」，是一種尾部有米奇老鼠圖案的魚，她更親眼見證魚媽媽生寶寶的過程：「啲BB好細粒，好似白飯魚咁，好得意。」為了防止大魚吃掉魚BB，她特意將小魚分隔到魚缸的另一個格子裡，「點知第二日，魚媽媽跳咗入去嗰格，啲BB就冇晒喇！」主持羅沛琪驚訝問：「啲魚可以跳咁高？」Colour肯定地說：「就係咁跳！」這段經歷讓她深深體會到養魚並非想像中簡單，「換水要過濾，要同爸爸一齊洗魚缸，都幾困難，但最好玩係去魚舖買啲小屋返嚟佈置。」

Chelsa自小夢想養狗，卻養了一隻布偶貓，她說：「佢好高傲，唔黐我，只係黐爸爸同哥哥。」被問到原因，她笑說不知道，但推測「可能因為佢係女仔」。不過，愛貓有一項像狗的特技令Chelsa驚喜：「佢好鍾意玩Fetch（接球遊戲），細個好想養狗就係想同佢哋掉嘢、玩，點知我隻貓都鍾意。每次我做完工課，就揸啲紙波同佢玩。」

Honey Punch

Honey Punch

重溫節目，請於6月21日下午一時登入知訊台《寵愛您》：https://www.metroradio.com.hk/MetroInfo/