胡官話若年輕也佔中 被抽後腳

退休大法官胡國興參選特首，都好多出位言論，例如話自己若年輕50年也會去佔中。胡官話不理解現今青年的想法，希望多溝通，他相信青年都是較激進。自己年少時亦很激進，若自己年輕50年，不會想到佔中違法，必定會參與。

今朝胡官商台出席商台May姐主持的節目，就被窒「若年青50年 也去佔中」之說，是否知法犯法？胡官用過紅燈比喻也是犯法，但只是小錯，好多人有犯過。 對小錯和大錯有不同處理，對年輕人要理解。

胡官不敢再講他也會去佔中的話。政壇高人話，金牙大狀平時成日法律掛嘴邊，一切以法律為標準，但鐘意時又話犯小錯可以唔守法，誰決定是大錯小錯呢？若示威引發衝突引致傷亡，又是大錯還是小錯， 佔中第一天已有激烈的警民衝突，唔可以咁簡單以「過紅燈」 去比喻啩。其實這些金牙大狀平時唔接地氣，一接觸現實就露晒底！

早前已有評論話，胡官而家講到咁口嚮，50年前香港社運風起雲湧 之時，唔知他有無參加？例如66年抗議天星小輪加價，70年代保衛釣魚台、支持中文成為法定語言的中文運動、爭取艇戶權益的艇戶運動等等。 當時在維園搞保釣集會，變成警民大衝突，好多示威學生都被拉咗，是當時社會上的大事，唔知胡官有無參與？

翻查網上資料，胡官來自建築商之家，年幼時生活富足。60年代電視未普及時，胡家已經擁有當時非常珍貴的電視機，家裏更大到設有桌球桌，更有數名留宿工人。胡官中學讀傳統名校英華書院，1965年畢業，到英國伯明罕大學攻讀法律，1969年取得倫敦大學法學碩士。1969年和1970年先後取得英國與香港的執業大律師資格。

對比時間，66年抗議天星小輪加價時，胡官可能在英國讀書，但1 970年攞咗香港律師牌，應該已經回港，又唔知有無參與保釣、中文運動、艇戶運動呢？

政壇高人話，參選者話自己年青時也激進，講一些討好年青人的說話好容易，但其實自己年青時好珍惜羽毛，無參加激烈的抗議示威行動，而家又鼓勵人哋的仔女去參與，作為前法官，知法叫人犯法，是否有點不負任呢？

Ariel

** 博客文章文責自負,不代表本公司立場 **

胡國興出選特首，多多少少都令人有點意外，泛民中人第一個反應， 就問佢係唔係中央安排胡官出來陪跑的「鎅票隊」，唔好等只有CY 一個人參選咁難睇，兼且將反對票鎅走，例如財爺曾俊華呢啲候選 人唔夠票當選。

政壇高人話，睇睇胡官宣布參選後的言論，就知道話佢係「鎅票隊」 的講法太有想像力，因為如果係阿爺派佢出來陪跑，點會咁大力批評 CY？

例如胡官宣布參選時就話：「 我認為梁振英先生不能照顧到香港整體利益以及消除港人的怨憤和社會的分化。」

胡官後來接受訪問時連番對CY發炮，話有不少對梁振英有誠信問題的質疑，很多都好像不了了之， 認為這些事一定不可能讓它走雞。他希望立法會能齊心調查，包括UGL事件和「廉政風暴」，又指有足夠證據的，一定要去調查。 他又提到僭建問題，質疑為何只有一方要面對法律訴訟，指自己做法官，不是盲的。

胡官接受電台訪問時又講到：「如果唔係梁振英做特首， 我唔會出來參選。」佢更加直接講到鎅票問題，被問及會否擔心因為他參選鎅走其他參選人的票， 以至不能達到最終目的，他表示「會考慮、會好嚴謹考慮，可能要採取一啲行動，我唔知，但呢樣野千祈唔好俾佢發生。」電台主持人追問是否必要時會否成就他人，他回應：「我唔知， 可能叫其他人成就我都得。」

高人話，胡官差唔多係擺明居馬車去隊CY，已顯露出一個「挑戰者 B隊」的格局，政界傳聞未來到重量級挑戰者出場時，他會擺出一個「純潔look」，唔玩醜聞唔隊人，插CY呢啲粗重 工夫，就由胡官出手。特首選戰，睇落都幾兇險呀。