「做個勇敢中國人」VS「浪子心聲」

經民聯昨日舉行慶祝成立四周年晚宴，遇上兩大新聞連環爆，包括人大常委會打算釋法，以及傳出中央官員話「不鼓勵」財爺曾俊華參選，與會者好多話題。

 
特首梁振英、三個司長、多名局長都有出席，佢哋都係釋法和特首戰的主角。與會者講起情況，好多人都提到表演嘉賓「肥媽」Maria Cordero唱的兩首歌，都好應景。

 

肥媽唱《勇敢的中國人》，提及「大家都係中國嘅香港人」，佢又形容游、梁兩個捲入宣誓風波的候任議員「根本就係犯法」，CY聞言連連拍掌，更應肥媽邀請，和唱了一句「做個勇敢中國人」。

 

另一個惹人聯想的關鍵位係肥媽唱許冠傑的《浪子心聲》，歌聲唱起「難分真與假，人面多險詐」，已經係政界的寫照，後來唱到「命裡有時終須有，命裡無時莫強求」，在座幾個疑似特首候選人，聽到呢兩句歌詞，可能都感觸良多。

Ariel

** 博客文章文責自負,不代表本公司立場 **

青年新政梁頌恆及游蕙禎在立法會宣誓風波愈演愈烈，兩人宣誓事件觸及阿爺的底線，今日傳來全國人大常委會將就議員宣誓問題進行釋法。

據了解，今次係由人大常委會主動釋法，而不是特區政府提請。其實今早特首CY在開行政會議前對傳媒話「不排除人大釋法的可能性」，已暗示不是由特區政府主動提請釋法，否則他應該早知詳情，而不是「不排除」。

睇番過去的釋法，由不同機構提請都試過，1999年居留權案件，引發當年行政長官會同行政會議決定提請第一次人大釋法；2004年則由人大常委主動釋法，明確啟動香港政改的五部曲；2011年剛果共和國欠債案，由於案中涉及外交豁免權爭論，由終審法院主動提請人大常委會釋法。

今次由人大主動釋法，客觀效果是由中央承擔釋法的政治責任。