民主黨批評事件梁、游自己造成 要自行收拾殘局

青年新政梁頌恒和游蕙禎今早等劉小麗宣誓後，就成功闖入會議廳自行用大聲公宣誓，後來被趕走。到下午立法會轉場往會議室開會時，梁游2人聯和議員助理等10多人，又再突襲闖關，期間多名保安推撞，令保安員暈到，6人受傷。

民主黨一直對護送梁游入立法會比較克制，較少參與，但公民黨議員就有參與。

民主黨立法會議員事後見記者，他們對於受傷保安表示慰問及感到遺憾，批評青政2人衝擊會議室，引致保安人員受傷。強調青政及相關人士，須為他們的行為負責。

民主黨議員涂謹申話，即使是抗爭或行使權力，亦要顧及他人安全，這是首要原則，「佢哋咁樣做我哋係唔認同、表示批評」。」

民主黨議員黃碧雲亦話，青政2人不能宣誓，自己應檢討反省，「承擔返佢哋自己當初第一次進行宣誓時造成嘅風波，所以佢哋要自己去收拾呢個殘局。民主黨從來冇參與，亦都唔認同佢哋宣誓時所做嘅言語同行為」。

民主黨沒有參與協助青政議員進入會議廳，但會議廳內民主黨許智峯及鄺俊宇亦有協助，涂謹申解釋，民主黨沒有協助青政進入，但認為他們有權宣誓﹐如果已進入會議廳，不應夾硬推他們離開。

政壇八卦友話，民主黨一早就應該同青政那班人劃清界線，如今雖然講得遲，但好過無講。

Ariel

** 博客文章文責自負,不代表本公司立場 **

經民聯昨日舉行慶祝成立四周年晚宴，遇上兩大新聞連環爆，包括人大常委會打算釋法，以及傳出中央官員話「不鼓勵」財爺曾俊華參選，與會者好多話題。

 
特首梁振英、三個司長、多名局長都有出席，佢哋都係釋法和特首戰的主角。與會者講起情況，好多人都提到表演嘉賓「肥媽」Maria Cordero唱的兩首歌，都好應景。

 

肥媽唱《勇敢的中國人》，提及「大家都係中國嘅香港人」，佢又形容游、梁兩個捲入宣誓風波的候任議員「根本就係犯法」，CY聞言連連拍掌，更應肥媽邀請，和唱了一句「做個勇敢中國人」。

 

另一個惹人聯想的關鍵位係肥媽唱許冠傑的《浪子心聲》，歌聲唱起「難分真與假，人面多險詐」，已經係政界的寫照，後來唱到「命裡有時終須有，命裡無時莫強求」，在座幾個疑似特首候選人，聽到呢兩句歌詞，可能都感觸良多。