林作女友裕美現身東區法院 怒轟記者揀醜相：「下次唔會再配合！」

警方昨日（11月5日）就JPEX虛擬資產交易平台案，正式起訴16名男女。當中涉案的林作，今早（6日）約8時由警員押解，乘警車離開北角警署前往東區法院應訊。林作女友裕美亦於早上現身法院，吸引大批記者上前拍照。

裕美於早上現身法院

不過，有媒體報道刊出她現場的照片後，裕美似乎對相片相當不滿，隨即在社交平台限時動態轉發相關報道並狠批：「你哋WhatsApp話一早就係度等，希望我停底俾你影幾張相，見你哋都辛苦了，我配合。你他媽的揀張咁醜嘅相，下次有咩要求唔好再搵我，我唔會再配合，係咁先。」

裕美對相片相當不滿

其後，裕美再拍短片表達不滿，邊吃東西邊直言：「我又冇食嘢又冇瞓覺，你他媽的，啲記者影到我咁醜樣，我陣間就影返佢轉頭。有時見到佢哋咁多人企咗幾個鐘，其實都唔忍心，唔想太無情，但影完出嚟啲相真係衰到爆，我冇咁快原諒你哋！」

裕美邊吃東西邊表達不滿

之後，她又在車上自拍短片，表示十分欣賞自己的「行政look」和意志力。她說：「呢一身行政look真係唔錯，平時好少咁著，但尊重法庭就著正式啲。其實我琴晚完全瞓唔著，7點半就要起身，又啱啱姨媽到第一日，真係好似玩緊十項鐵人咁。你見我仲喺度揸車，我嘅意志力真係連自己都佩服。」

表示十分欣賞自己的「行政look」

表示佩服自己的意志力

網紅林作和陳怡等8人涉及虛擬貨幣交易平台JPEX的詐騙案，同被控串謀欺詐、洗黑錢及《打擊洗錢及恐怖分子資金籌集條例》下「欺詐地或罔顧實情地誘使他人投資虛擬資產」等罪，涉款共約1.1億元。案件星期一（6月1日）於東區裁判法院再訊，裁判官林子康應申請將案押後至9月17日再訊，期間7名被告續准以原有條件保釋候訊，餘下1人沒保釋申請須還押。

林作及其律師團隊。巴士的報記者攝

8名被告依次為，31歲鄭雋熹、28歲蕭穎謙、35歲林作、38歲陳穎怡、31歲店務助理區焯基、25歲健身教練趙敬賢、31歲梁綺湘、28歲何紀雯。他們被控串謀欺詐、欺詐、欺詐地或罔顧實情地誘使他人投資虛擬資產及處理已知道或相信為代表從可公訴罪行的得益的財產罪。

被告陳穎怡（左）。巴士的報記者攝

其中，鄭雋熹另涉一宗「洗黑錢」案，他被起訴4項「洗黑錢」罪，涉及款項達1847萬元。

被告趙敬賢（左）。巴士的報記者攝

案件編號：ESCC2864/2025、ESCC 194/2025