政事
《am730》副社長馮振超今日下午在facebook宣布，從下周起，前特首曾蔭權將在《am730》開立全新專欄 「回顧，前行」。
煲呔曾9月初曾接受《am730》專訪，當時的說法是煲呔曾請睇戲時偶遇《am730》的老總，才接受訪問，估不到雙方進一步結緣，如今煲呔曾還在《am730》上寫專欄。
煲呔曾無端端投身作家行業，自然引起不少遐想，事關明年3月將舉行特首選舉，其中一位有意參選的黑馬、財政司司長曾俊華被認為是煲呔曾的細佬，煲呔曾出山寫專欄，就被政界中人視為替曾俊華助選的行為。
煲呔曾早前接受《am730》訪問時，被問到曾俊華是否合適特首人選，煲呔曾即吐出「嘩吓！」二字。
煲呔曾說，「曾俊華係我三十幾年嘅老朋友，我哋兩個際遇好特別先見得到，所以都唔好特別講出呢啲嘢，呢啲嘢梗有曾蔭權嘅色彩喺度，都唔係幾公允，不過我知道佢係對香港好有心。」
曾俊華有煲呔曾呢枝重炮助選，唔簡單也。
Ariel
** 博客文章文責自負,不代表本公司立場 **
正當人大常委會將釋法列入議程之際， 特首梁振英昨日突然率領一眾司局長，宣佈新一輪樓市加辣措施，將買第二間樓的印花稅劃一加到15%，殺市場一個措手不及。 雖然政府被評為想轉移對釋法的注意，但係又真正有好多人關心樓價多過釋法。
今次政府辣招記者會和過去三次辣招記者會不同，過去只有財爺、運房局局長張炳良及政策官員出席，昨日特首CY同發展局局長陳茂波都有出席，並由CY主持。
CY發完言叫運房局局長張炳良講加辣內容，然後請發展局長陳茂波講公營房屋。財爺見無預佢講嘢，向CY舉手問：「我可唔可以補充一句？」然後發言3分鐘。
對呢個CY、財爺搶住講辣招的現象，有財經界高人覺得大惑不解，話特首選舉就到，CY和財爺都想參賽，政府搞咁強勁的辣招，發展商一定好唔高興，發展商加起來在選委會的選票有200票以上，兩個人做乜爭住得罪發商選委？
財經界高人更話，如果我係財爺，一定唔會爭住講，只露出一副「 難為了家嫂」的表情，粒聲唔出，等如話辣招新政策唔關我事，唔好入我數。
不過政壇高人就有唔同睇法，佢認為特首選舉有兩個面向，一個面對選委，講選票；一個面對大眾，講民望。目前細價樓再創新高，市民對高樓價抱怨甚深，打擊高樓價可以提振民望， 自然人人爭住做。
