娛圈事
近年主力在內地發展的歌手側田，日前於韶關音樂節亮相，以實力唱功吸引樂迷。一向習慣戴帽演出的他，在台上與觀眾互動時，突然脫下鴨舌帽，大方展示光頭造型，更豁然笑言：「第一次嚟就畀你哋睇吓，其實呢啲嘢對我已經冇乜感覺，我已經中年喇！」隨即戴回帽子繼續獻唱，表現淡定。
側田日前出席韶關音樂節。
落力演出。
演出結束後，側田在社交平台分享現場相片，有粉絲留言提醒他並非首次到韶關表演，指他早在2009年已於當地舉辦歌迷會，更幽默建議他可順道探訪韶關的「側田村」。側田亦發文感謝樂迷支持，表示：「原來不是第一次來韶關，多謝大家的熱情。」
側田近年主力在內地發展。
大方展示光頭Look！
側田宣佈將於今年10月30及31日（萬聖節前夕），於西九文化區安盛竹翠公園舉行兩場戶外露天音樂會「側田 2026《再一起 COME TOGETHER》 - 萬聖節香港站」。
側田將於今年10月30及31日舉行兩場戶外露天音樂會。
近年定居泰國，上一次於香港舉行個人演唱會已經是2022年，對於相隔四年再次於香港開show，側田坦言：「好耐冇見香港嘅歌迷，今次真係好期待，心情有啲緊張，但係更多係興奮。」今次音樂會他特別選址室外場地，他解說：「之前多數喺室內場館開，今次想試吓唔同感覺，喺海邊吹住風唱歌，望住成個維港景，成件事好Chill、又有氣氛，係兩個完全唔同嘅feel。」
側田
側田又指這個show絕對是香港獨家，「今次想集中火力、將所有心機擺晒喺呢度，做一個有質素嘅表演，make sure每個細節都做到最好，畀入場嘅歌迷睇到最好嘅一面。」由於開Show當日是萬聖節，側田特別呼籲入場歌迷齊齊配合Dress Code，扮鬼扮馬入場，「難得萬聖節開show，想同全場歌迷一齊玩，將成個area變做Halloween party！」
側田
除了裝扮，歌單方面當然不少得樂迷耳熟能詳的「田式情歌」，絕對是滿滿的回憶殺。今次每一位觀眾更可憑演唱會門票換領一杯酒精/非酒精飲品，等大家可以同側田一齊high住過Halloween！
側田
側田
AXA呈獻：「側田 2026《再一起 COME TOGETHER》 - 萬聖節香港站」購票資料：
滙豐Mastercard優先訂購：9月9日 - 9月11日
公開發售：9月16日
購票平台：Klook
