草蜢巡唱終極尾站 蔡一智蔡一傑調換咪巧妙執生

香港跳唱天團草蜢為期4年，於全球15個地方舉行「RE : GRASSHOPPER草蜢巡迴演唱會」，日前在廣州體育館舉行終極尾場，座無虛席，全場high爆。期間台上蔡一智和蔡一傑發生「調換咪」小插曲，兩兄弟巧妙化解，有驚無險。寵粉草蜢更將演唱會重頭loop作為終極encore，寓意他們「永不停步」精神，為巡唱留下難忘回憶。

香港跳唱天團草蜢日前於廣州完成歷時4年的「RE: GRASSHOPPER巡迴演唱會」終極尾場，全場氣氛高漲。

蔡一傑

開騷前，草蜢三子非常敬重的已故前輩羅文，其兩位家姐前來捧場，兩特意到後台為草蜢送上禮物打氣，三子以極具紀念價值的親筆簽名「演唱會通行證」作回禮，氹得她們非常開心，高呼：「好鍾意！」

草蜢以一連串勁歌熱舞為演唱會揭開序幕，《華麗舞台》、《三分鐘放縱》等名曲前奏一響，全場觀眾站起來，揮動螢光棒又唱又跳，氣氛高漲。唱到《紅唇的吻》時發生了「調轉咪」的小插曲，事後傑少親述當時情況：「我哋兩兄弟支咪竟然調轉咗！我一唱嘅時候發現（耳機）聽唔到自己把聲。」阿智補充說：「我唱嘅時候（耳機）冇咗聲，我估究竟我支咪去咗蔡一傑定蘇志威度，然後發現蔡一傑個眼神好奇怪，於是我就跳咗上佢個台度。」傑少激動笑說：「你唔知係我咩？我已經打晒眼色畀你喎！」兩兄弟以一個華麗轉身，巧妙地交換咪，執生過程流暢自然，連在旁的蘇志威表示毫不知情，非常搞笑。

蔡一智

蘇志威

演唱會尾聲，草蜢演唱《世界會變得很美》時，全場歌迷亮起手機燈，一片星海，場面震撼又感人。由於演唱會歌單需要事前報批，所以未能即興演唱歌迷點唱的歌曲，阿智抱歉說：「要同廣州嘅觀眾講聲『寶貝對不起』，你哋想點唱嘅歌，喺社交平台話畀我哋知，4月尾香港紅館演唱會唱畀你哋聽。」寵粉的草蜢不讓歌迷失望，閃出妙計，決定將演唱會開場逾10分鐘的勁歌熱舞部份，再跳唱一次送給在場歌迷，作為「終極encore」！阿智高呼：「重頭再嚟過，真真正正嘅Encore，草蜢嘅文化就係永遠Non-stop，成個Tour呢四年入面未見過呢個場面。」

歷時4年的「RE：GRASSHOPPER草蜢巡迴演唱會」圓滿結束，三子坦言非常不捨。傑少感慨說：「呢幾年發生咗好多事，疫情、我入院做開腦手術，但所有嘢都過去，我希望個個都身體健康，我祝我所有朋友幸福快樂。『RE：GRASSHOPPER演唱會』每一站都玩得好開心，好多畫面好唔捨得，每位觀眾嘅笑容、激動嘅反應都印喺我腦海入面。」蘇志威最不捨的是演唱會歌衫：「每套衫都好靚，演唱會完咗之後唔會再着，會將佢哋保留喺屋企，將來可以有一個展覽，展現返歷年演唱會嘅衫。」阿智透露唱《Framily》時一度鼻酸，但為了保持形象強忍淚水，他說：「見到樂迷咁熱情真係好感動，40年你哋都咁支持我哋，仲唔係我哋嘅《Framily》。」

演出期間卻發生小插曲，蔡一智與蔡一傑的咪高峰意外調轉，導致耳機未能接收各自聲線。兩人憑藉多年默契，迅速以眼神交流及一個華麗轉身巧妙交換咪高峰，過程流暢自然，順利化解危機。

隨着「RE：GRASSHOPPER演唱會」的完結，草蜢便要立即開始籌備4月28日至5月3日假紅磡香港體育館舉行「中銀信用卡呈獻Grasshopper Three In Love 草蜢演唱會2026」。傑少透露：「二月頭開始有好多宣傳，好多工作排山倒海咁嚟，大家密切留意我哋嘅動向。」阿智表示：「過咗今晚嘅慶功宴，我哋就要收拾心情，將難離難捨嘅心情先擺入保險箱，四月紅館見！」

已故前輩羅文兩位家姐前來捧場。

三子坦言結束巡唱倍感不捨，隨即將投入籌備4月舉行的紅館演唱會，繼續以勁歌熱舞回饋樂迷支持。

草蜢將於4月26日起，於紅館舉行七場「GRASSHOPER THREE IN LOVE草蜢演唱會2026」，密鑼緊鼓閉關綵排之際，日前突擊尖沙咀K11 ArtHouse MCL戲院，現身Fans包場睇之前「RE：GRASSHOPPER CONCERT 草蜢演唱會」Blu-ray聚會。與全場Fans在觀眾席一齊又唱又跳、揮動手燈、應援名牌和橫額，三小時足本播放，猶如置身草蜢專屬CantoPop Disco般震撼。草蜢更即場向Fans下「打Call密令」和Dress Code，約定月底紅館演唱會全場一齊玩！

草蜢日前突擊尖沙咀K11 ArtHouse MCL戲院。

現身Fans包場睇之前「RE：GRASSHOPPER CONCERT 草蜢演唱會」Blu-ray聚會。

蔡一智說：「我哋今日嚟戲院唔係嚟睇賀歲片，係睇我同二少（蔡一傑）花咗好長時間去剪輯，啱啱推出嘅『RE：GRASSHOPPER CONCERT 草蜢演唱會』Blu-ray 碟。喺studio剪片或者屋企睇片都只係一般螢光幕，但今日就唔同，嘩，戲院大銀幕呀！」又笑言：「你知啦，我哋好少拍電影㗎嘛，能夠上戲院真係一件好開心嘅事 ！」Fans自發包場在戲院睇演唱會，令草蜢好感動，他說：「佢哋真係好錫我哋，非常多謝草蜢嘅『Framily』（如家人般的朋友），所以我哋嚟畀返驚喜佢哋！」

粉絲睇得相當投入！

粉絲睇得相當投入！

蔡一傑（傑少）說：「睇到自己喺大銀幕上，好好Feel，好似睇4D！」蘇志威說：「現場尖叫聲大過戲院音響，厲害！」觀眾席上落力跳唱的蔡一智笑言：「原來我都係草蜢Fans！」傑少表示從未試過在戲院內盡情唱歌跳舞，感覺新鮮，更建議將草蜢演唱會在各大戲院上映，蔡一智承諾會拉隊謝票，與觀眾一齊玩。Fans高舉「台上你最美最震撼 台下撐到尾我本分」橫額，引用草蜢《老的辣》歌詞打氣，草蜢表示感動。蘇志威說：「同Fans一齊睇我哋嘅演唱會，今日呢個體驗好開心！」蔡一智揚言：「睇完Blu-ray 嘅Fans入場睇紅館全新演唱會仲開心，因為我哋真人仲靚仔呀！」

草蜢三子都好投入！

草蜢

草蜢

草蜢

草蜢

草蜢

倒數不足一個月，草蜢將再踏紅館舉行全新演唱會，蔡一智向Fans下「打Call密令」，說：「今年入場睇紅館『THREE IN LOVE 草蜢演唱會2026』嘅觀眾，當我哋唱《永遠愛著你》，你哋就拖住隔籬嗰位觀眾，無論識唔識，都拖手和舉起手大合唱，大家記住我哋今年嘅暗號，讓成個紅館充滿LOVE ！」傑少預言單身Fans可能「拖出好姻緣」。

蔡一智向Fans下「打Call密令」。

蔡一智向Fans下「打Call密令」。

而蘇志威就溫馨提示入場觀眾Dress Code，說：「希望大家衣著打扮以紅色、粉紅色『喜慶』色系！」蔡一智透露$780票價位置設定為「寵粉區」，預告有驚喜！至於外傳草蜢每場特別嘉賓名單，蘇志威大賣關子，說：「總之佢哋都係重量級！」

草蜢