中年好聲音4｜「樹熊公子」黃建東70強止步感遺憾 公開自彈自唱原創曲送已故舅父

《中年好聲音4》昨日（15日）播「70強一對一PK賽」最終回，藝人代表「唐伯虎」、「鹿七伯」、「樹熊公子」今Round全數止步無緣晉級，並除下動物面具露出真面目，三人身份分別是蔡國威、譚永浩和黃建東，當中「樹熊公子」黃建東獻唱《可惜我是水瓶座》獲得2燈，被直接被淘汰，他坦言：「好唔捨得，諗住可以留多一、兩Round。但係好開心，參加咗比賽之後，未試過咁勤力去練歌，同埋搵老師執一隻歌，知道好多唱歌技巧要繼續進步。我好鍾意唱歌，我係黃建東，多謝大家。」

「樹熊公子」黃建東被淘汰。

黃建東熱愛唱歌。

事後，黃建東在IG發文分享感受，「完咗喇……咁就完咗喇……好唔捨得。真係好唔捨得中年好聲音4呢個舞台。等咗好耐今年先可以俾藝員同事參加，自己非常珍惜呢個機會。喺呢度好多謝公司、藝員部以及製作部俾黃建東呢個機會去參賽。Thank you so much!」

黃建東IG圖片

黃建東又指往年參加各個比賽，包括《識貨》、《全城一叮》、《全能司儀選拔大賽》及《福祿壽訓練學院》，對他來說都好好玩、好過癮、好刺激，但參加「大魔王」《中年好聲音》卻有完全不同的感受，「我從來未試過上咁多唱歌堂，我從來未試過咁頻密去練歌，我從來未試過咁認真仔細去分析雕琢一首歌。仲記得我去試音嗰日唱《黑夜不再來》，個心好似就嚟跳出來咁，成個人繃緊到不得了。我一直以為自己有學唱歌、登開台都OK，但對住中4嘅參賽者們，我忽然覺得自己好似唔識唱歌咁。有留意開中年好聲音嘅朋友應該發現，啲參賽者一屆比一屆強勁，一屆比一屆厲害。嚟到中4真係個個都好強，個個都身經百戰。我喺個比賽度覺得自己好似大海掙扎嘅小浮波咁，戰戰兢兢。唔知仲可以浮到幾耐。」

黃建東IG圖片

黃建東IG圖片

黃建東特別點名感謝何嘉新與何博文的教導，「好多謝參加過超級巨星4以及好多歌唱比賽嘅何嘉新近年教我唱歌，搵返一把黃建東最好聽以及感動到人嘅聲音，令我上台唱歌有信心咗。好多謝你～好多謝參加過中年好聲音1嘅何博文一直教我點樣去演繹同處理歌曲、點樣練假音、以及以過來人身份去應付呢個比賽。好多謝你～」他同時感謝網民的留言和PM鼓勵！

黃建東IG圖片

黃建東IG圖片

雖然比賽已經結束，但對黃建東來說反而是另一個新開始，他會繼續追逐音樂夢同演藝夢，「我由8歲起開始學琴，大學讀戲劇嘅時候成日做音樂劇，跟住入咗行之後有寫歌作曲，有廣告歌亦有流行曲作品。自己幾年前已經成日話想出自己嘅歌，同大家分享黃建東嘅作品。但係因為冇 deadline嘅關係，搞到一直都只聞樓梯響。雖然嚟到呢一round嘅比賽我完結咗，但係對我嚟講反而係另一個新開始。我好想同大家分享我嘅音樂、我嘅內心世界、同埋我嘅最真摯感受。唔知道大家會唔會願意聽？」

黃建東IG圖片

黃建東IG圖片

此外，黃建東公開了自彈自唱由自己作曲的歌曲《最後的話》，他透露參加《中4》有一個很大的心願，就是他希望有一日能夠在舞台上自彈自唱為離世二舅父創作的歌曲，可惜已經被淘汰，令他感到非常遺憾，所以他決定在IG分享歌曲的Chorus給大家，「睇吓大家覺得點？我入行以來大家只會記住我唱PPAP同埋平安郁，好少聽我咁認真咁唱歌。請問你哋可以俾啲意見我嗎？」不少圈中好友和網民都紛紛留言為他打氣。

黃建東IG圖片

《保濟丸130週年呈獻：中年好聲音4》本周日（7月12日）晚8點翡翠台播映，主題為「我們都是這樣失戀的」，邀得「情歌王子」梁漢文任嘉賓評審，「知音人」則是劉浩龍，以及憑劇集《正義女神》「惡魔少年高成彬」爆紅的劉倬昕。11強選手將演唱經典失戀歌，用歌聲唱盡失戀的痛楚。今個回合最低分3位選手會跌入待定區，最後評審會「退庭投票」淘汰1位選手，《中4》10強正式誕生！

梁漢文任嘉賓評審。

劉浩龍與劉倬昕任「知音人」。

劉倬昕最喜歡的選手是陳旭培。

劉倬昕最喜歡的選手是陳旭培。

今集「我們都是這樣失戀的」歌單如下：吳亦偉《領悟》（原唱辛曉琪）、尤淑情《痛愛》（原唱容祖兒）、陳旭培《阿士匹靈》（原唱陳奕迅）、蔡宓婕《愛在記憶中找你》（原唱林峯）、尹景順《我不難過》（原唱孫燕姿）、鄭家聲《KONG》（原唱側田）、范子睿《十面埋伏》（原唱陳奕迅）、周志康《祝君好》（原唱張智霖）、鄭仲豪《不來也不去》（原唱陳奕迅）、許雲妮《捨不得你》（原唱鄭秀文）、許美琪《傷信》（原唱陳奕迅）。

周志康唱《祝君好》，情感大爆發。

志康獲妻女與孖生哥哥周志文撐場。

梁漢文讚志康：突然好張智霖
周志康最初戴上面具以「企鵝人」身份參賽奪5燈，被視為大熱，但自從脫下面具後雖表現穩定，但一直未有太大突破。今集志康以《祝君好》出戰，其真摯歌聲加上表情和肢體動作，成功感動一眾評審和知音人。梁漢文激讚：「好啱你」、「突然好張智霖」、「好有畫面。」周國豐說：「你爆發嗰種情感，感動到我哋。大家最記得嘅周志康通常都係第一集嘅《Touch》，我好希望呢種Touch，陸續陸續地會再次喺觀眾面前出現。」劉浩龍則直言志康在之前一集的演出「走心」，今次終於唱出「入心」感覺。

亦偉唱歌途中突然除耳機。

亦偉除耳機後演出更加投入。

經常在演出有驚喜的「全能ACE」吳亦偉，獻唱《領悟》前半段時平平無奇，至中段突然脫下耳機，情感瞬間飆升。事後他坦言：「我想要再感受一下現場的感覺，不想聽耳機，然後用自己的感覺去感受這首歌曲。」亦偉此舉獲評審們一致認為做得好，肥媽說：「如果你唔剝咗Ear Mon係去唔到個Feel！」並讚亦偉唱出「啱啱畀人飛」的感覺。

許雲妮唱正能量版《捨不得你》。

許美琪唱《傷信》加入戲劇效果。

劉浩龍很欣賞美琪扮讀信。

不過梁漢文指許美琪邊唱邊演，容易分心。

許雲妮選唱鄭秀文名曲《捨不得你》，搣甩原唱的哀怨氛圍，主持車婉婉更指雲妮唱出勵志、正能量的感覺，雲妮坦言一直以為《捨不得你》是傷心的歌，但看到歌詞「完全怪我要一試高飛」及「全心我祝福你」後，才明白歌曲真正意思：「原來我係想走㗎，只不過唔捨得嗰個人。」昔日經常與鄭秀文合作的梁漢文坦言，雲妮版《捨不得你》顛覆了他的認知：「今次呢個感覺好唔一樣，好新鮮對我嚟講，但又唔會覺得好突兀。」

尤淑情

陳旭培

蔡宓婕

尹景順

鄭家聲

范子睿

鄭仲豪

劉倬昕失望「喊包琪」冇喊
至於以感情豐富見稱的「喊包琪」許美琪，演繹《傷信》時加入戲劇效果，舉手投足都是戲，尤其她用手模仿打開信封的一幕，令劉浩龍留下深刻印象。梁漢文則說：「佢好想從佢嘅戲入面畀多啲嘢我哋睇，其實呢個有少少危險，你容易分心去做其他嘢，你嘅Vocal未必可以Control咁穩定……」至於「高成彬」劉倬昕笑言本來一心期待來到比賽現場，可以直擊「喊包琪」邊唱邊喊的經典畫面，怎料今次對方竟然沒有哭，令她大感失望；劉倬昕還自爆最喜歡的選手是「靚仔配音員」陳旭培：「好期待佢嘅表演。」