美國人選了個大富豪特朗普做總統，美國媒體才驚覺，有幾百億身家的特朗普入主白宮，會帶來很多新問題。
利益衝突是其一。特朗普參選期間，一直有特工貼身保護。他坐私人飛機穿州過省，東南西北地拉票，特工也要跟他同坐。公職人員當然不能接受富豪恩惠，要俾番錢俾特朗普，美國政府要代為找數，埋單一計，要270幾萬美元，特朗普全部袋袋平安。
不說不知，特朗普擁有的私人機隊，包括兩架飛機及三架直升機。貴為總統後，他和太太出入，會坐空軍一號專機。但按規定，特工有責任保護總統直系親屬，即是他的四個兒女。當他們坐私人飛機出入時，特工亦要跟住坐，未來四年，條數點計？
這個星期，利益衝突疑雲經已出現。特朗普上CBS《六十分鐘時事特輯》做訪問，大女伊萬卡出了鏡，手臂戴著一只鑽石金鈪。第二日，伊萬卡的公司發稿提醒記者，那隻鑽石鈪是她自家公司品牌，設計如何，還附上一張電視畫面相片，讓大家清楚見到，即時引來美國傳媒批評。
至於安排親人插手籌組白宮班子，更是廣為人知了。白宮過渡班子團隊內，親人一來就是四個，包括特朗普的三個子女及女婿。老豆做總統，子女不避嫌插手國事，這種事發生在美國權力核心中的核心，實在不可思議，怪不得希拉莉也說，「這個國家是否我們一直以來都認識的美國」！
最後要加幾句，美媒話，美國公職人員關於利益衝突的規例，對總統不適用，所以特朗普用人唯親，收政府錢，無違法。
小鯊
** 博客文章文責自負,不代表本公司立場 **
立法會昨日辯論「規定初中中國歷史獨立成科」議案， 身為飛機師嘅公民黨譚文豪，話「以梁振英特首『馬首是膽』 嘅教育施政呢，係非常之無信心。」
關鍵係佢將個「瞻」字讀成「膽」字， 當堂令在座議員和記者嚇一嚇，跟住大家都忍唔住笑咗。
到民建聯劉國勳發言時，就糾正飛機師，佢話，「 我想作出少少更正，馬首是瞻先係啱嘅， 正正因為呢啲成語係一個典故，呢啲典故可以透過中國歷史可以學得到。」 劉國勳在會議廳外同記者講，「當時已經手下留情，唔算抽得好勁」 。
事後譚文豪話太緊張，加上無為意先讀錯，佢話以往的發言是由自己以列點的形式寫出來，今次改由助理撰寫發言稿全文，可能仍未習慣照稿讀才出錯。
呢個「馬首是膽」故事實在太好笑，不過笑中有淚。要流淚的是香港人中文實在太差，譚文豪事後的解釋好似頭頭是道，但想深一層，若他識得「馬首是瞻」呢個詞，即使睇錯講咗出口，馬上會發現自己讀錯，會即刻糾正，譚文豪的表現，正正顯示佢本來就唔識「馬首是瞻」，所以照本宣科， 讀錯咗都唔知。
更悲的係中文咁差的議員，只懂用政治的角度，教政府搞教育政策教中史，其實呢個讀錯字的例子，就是應該加強中史、中文教育的好事例，教中史唔係好似譚文豪咁講要花更多時間教六四、 雨傘運動等現代內容，而係要教好史實，提升香港年青的歷史知識，以免將來讀錯成語再出醜。一切都只顧政治化，不理基本知識教育，就會鬧出好多笑話。
這表面是一個笑話，其實是一個悲劇。譚文豪以前話佢細個在1990年中二時，因為六四原因， 家人送咗當時應升讀中三嘅佢去澳洲讀書。希望在香港讀完中學的人，都識讀「馬首是瞻」。
