正義女神｜倪嘉雯一改清純氣質演Open補習Miss 顏值獲內地網民高度評價：很甜很正氣

娛圈事

正義女神｜倪嘉雯一改清純氣質演Open補習Miss 顏值獲內地網民高度評價：很甜很正氣

2026年04月03日 14:30 最後更新：15:13

《康業信貸快遞物業貸款呈獻：正義女神》昨晚（4月2日）一集另一焦點劇情，是《萬千星輝頒獎典禮2025》「最佳女新人」得主倪嘉雯（Carmen）飾演的補習老師Lydia。倪嘉雯在劇中一改一貫清純氣質，飾演開放又貪玩的補習老師，不但幫高成彬（劉倬昕飾）補習時顧住玩電話，一聽到可以未夠鐘就落堂去玩時，更興奮到跌到成地係筆；Lydia俯身執筆期間，由於身穿低胸衣服，令高成彬動了歪念；之後高成彬與Lydia相約行山，期間高成彬向Lydia露出陰森笑容＋古怪眼神，令大批網民擔心Lydia安全。

被指撞樣TVB 2大靚女花旦＋1名港姐

點擊看圖輯

焦點圖片

TVB截圖

更多相片

焦點圖片

TVB截圖

雖然Lydia生死掀動不少網民情緒，但有網民卻錯重點大讚倪嘉雯顏值。為了突顯Lydia對高成彬的吸引力，劇組刻意將「登山Lydia」拍到仙氣爆燈，加上倪嘉雯的無敵甜笑，圈粉力極強，令第四集在內地播出後，網民對倪嘉雯的顏值高度好評，更有人指她是陳自瑤＋徐淑敏＋龔嘉欣混合體：「TVB真會選角，Lydia好好看」、「樣子很有辨識度，不是一般網紅面」、「像Yoyo剛出道時的樣子」、「又美又年輕」、「很甜很正氣」、「目前新生代就對她有好感」、「很有靈氣」、「很適合演黃蓉」。

極受內地香港網民歡迎的倪嘉雯，笑言Lydia算是她拍劇以來最大「尺度」角色，並笑言有即場向陳煒請教防走光秘技：「因為我之前都係接開乖乖女角色，所以呢個對我嚟講都算係大挑戰嘅角色，因為我之前都冇演過咁大尺度。我好記得拍心口走光嗰場時，我好疑惑點樣先唔會真係走光，好彩當時現場煒哥咁啱喺度，我就請教佢，好多謝煒哥教我點做好防護措施，因為我真係冇經驗，唔知點樣保護好自己之餘，又可以配合到鏡頭拍到個效果。」若細心追劇，不難發現倪嘉雯拍攝相關場口時，一度緊張至心口及雙腿通紅，相當可愛，倪嘉雯亦坦言拍攝時候其實蠻緊張。

讚劉倬昕私下勁活潑又幽默

而談到首度合作劉倬昕，倪嘉雯透露二人私底下相處勁愉快：「其實劉倬昕本身好活潑開朗又幽默嘅人，同埋我覺得佢好犀利，佢一Roll機就可以秒變好恐怖嘅高成彬。我知道佢呢個角色好難做，但佢都Handle得好好同事前做咗好多功課。同埋行山場口，佢都有好Take Care我，因為啲山路都有啲位幾難行、拍嗰日又大風，佢都會扶一扶我。」

往下看更多文章

正義女神｜「Law霸女神」戴祖儀演熱血檢控觀形神俱似成亮點霸氣肢體語氣獲讚有台型！

《康業信貸快遞物業貸款呈獻：正義女神》昨晚（4月2日）一集繼續審理「離島三害案」，畢業於英國知名學府法律系的戴祖儀Joey，在劇中飾演檢控官林雅晴，前晚及昨晚一集，Joey檢控「離島三害」期間全程說話鏗鏘、振振有詞，而且無論說話態度、神緒表情抑或肢體語言均相當自信兼有說服力，獲網民大讚恍如真的檢控官一樣，演出相當亮眼！

Joey接受官方訪問時，坦言演繹檢控官角色確實事半功倍：「我會知道喺個庭度會發生咩事同埋應該點樣做，所以係事半功倍。不過因為始終係戲劇，所以我演繹時有時會大聲啲、希望張力會大啲，其實我之前自己跟師傅上庭做Intern時，啲律師同法官都比較靜同細聲。」

笑言自覺記性不俗的Joey，談到今次飾演檢控官要背誦大量硬料及細節、包括案情、涉案人物及事發時間等，加上要一輪嘴於開庭時向法官加以陳述，所以對白確實特別特別長，當中尤其「離島三害案」情況最為誇張：「真係好長好大段對白，我記得我係好早之前已特別Mark低呢段一早開始記。」

Joey又謂拍攝相關場口時，因為突然生病，令她講對白時一度流晒鼻涕，令她相當難忘，「其實拍攝前我係幾有信心，因為覺得自己背得好好，點知去到嗰日拍到夜晚時我開始病，跟住去到再夜啲拍呢場時，我真係勁病仲要發燒，要喺呢個Moment演呢段戲，其實我內心係好緊張。而去到真係要拍時，我記得自己一輪嘴係咁講講講，唔知點解去到一個位要用鼻嘅氣聲時，我就流咗兩淌鼻涕。所以每次去到嗰個位，都要呻一呻鼻涕再嚟過，搞到我都有少少唔好意思。」