上個月 team meeting，我提出新方案可能忽略合規風險，年輕老細笑住話：「Risk is part of innovation 啦！」全場點頭，我默默收聲。返到座位，心入面浮起一句：「係咪我真係過時了？」
其實，我唔係反對改變，只係怕自己嘅經驗，變成一種負累。
有家庭治療師講過一句我很鍾意嘅話：「穩定同新鮮，唔係對立，而係需要平衡。」 團隊都係咁——冇經驗，創新容易翻車；冇衝勁，公司就會停滯。
所以我開始試幾件小事：
將「提醒」包裝成「支持」 而家唔再話「呢樣好危險」，改講：「我好欣賞你嘅大膽！如果加多一步 risk check，可以幫你更快過關，要唔要一齊諗？」
主動問佢：「你最需要我幫手邊度？」原來佢驚搞唔掂客戶高層，我就自薦陪佢開會，用我十五年累積嘅人脈同話術， 幫佢將 vision 變成 contract。
坦白承認：「AI 工具我真係唔識」但補一句：「如果你教我， 我可以幫你分析背後嘅 user behavior。」結果佢即刻安排 training，仲話：「有你坐鎮，我安心好多。」
原來，與其證明自己「識幾多」， 不如展示「我願意為共同目標， 行多一步。」
年齡唔係距離，沉默先係。
由下次 meeting 開始，我唔再等佢問意見，我主動遞上一句：『我有一個想法，想聽下你點睇』。
點點正能量
** 博客文章文責自負,不代表本公司立場 **
