林珊珊相隔20年再踏台全場大合唱《戀愛預告》 草蜢送金哨子隨時候命

草蜢出道40周年，紅館舉行七場「THREE IN LOVE草蜢演唱會2026」，嘉賓陣容強勁令人驚喜，昨晚（4月30日）表演嘉賓草蜢經理人林珊珊，演唱40年前經典金曲《再見Puppy Love》和《戀愛預告》掀回憶殺，全場大合唱，非常震撼，片段更在網上洗版。林珊珊全家總動員捧場，鄭伊健親自到後台打點並在控制台神秘監場，比自己開騷更肉緊。

草蜢紅館演唱會來到第四場。

林珊珊全家總動員捧場！

昨晚觀眾席上亦星光熠熠，寰亞集團老闆林建岳博士、鄭丹瑞、呂良偉與太太、張玉珊、容祖兒、蔡卓妍、關智斌、GinLee、彭秀慧、周勵淇、Anson Lo@MIRROR等捧場，他們揮動心心手燈跟草蜢跳舞和玩人浪，非常興奮。

寰亞集團老闆林建岳博士

鄭丹瑞

呂良偉與太太

容祖兒

蔡卓妍、關智斌、彭秀慧、周勵淇等

GinLee

Anson Lo@MIRROR

林珊珊相隔逾20年再踏舞台演唱，她的父母、弟弟林曉峰、女兒李澄（西瓜）和李怡（野人）、好友鄭丹瑞等捧場，高舉燈牌和自製手幅打氣，全家都非常溫暖有愛。鄭伊健親自在後台為林珊珊張羅，更護送她到台底準備，出場前大嗌「GoodShow 珊珊」打氣。然後他走到控制台監場，期間滿意點頭和拍手。林珊珊演出後，伊健立即與陳光榮跑返入後台，她緊張問「點呀？」伊健話「OK」，林珊珊如釋重負：「呢個係我producer 鄭伊健，佢話OK就得架啦！」

林珊珊相隔逾20年再踏舞台演唱。

林珊珊的父母、弟弟林曉峰、女兒李澄和李怡、好友鄭丹瑞等捧場，高舉燈牌和自製手幅打氣。

林珊珊的父母、弟弟林曉峰、女兒李澄和李怡、好友鄭丹瑞等捧場，高舉燈牌和自製手幅打氣。

鄭伊健親自到後台打點。

並在控制台神秘監場。

台上林珊珊與草蜢分享相識40年點滴，蘇志威說：「去到今時今日，20年，我哋唔會再搵到更好嘅經理人，因為只有你最了解我哋三個，多謝你。」林珊珊表示更要多謝老闆林建岳博士支持，蔡一傑稱他們與花草樹木的字好有緣，說：「梅艷芳、陳淑芬、林建岳、林珊珊，草蜢都係草花頭，姓蔡、姓蘇都係。」蔡一智笑說：「我哋係屬於大自然架！」蘇志威補充：「好耐之前有相士贈言『若見草頭人 咫尺青雲路』。」

草蜢與林珊珊

草蜢與林珊珊

草蜢送上「金哨子」給林珊珊，阿智說：「呢個唔係『銀雞』係『金雞』，金雞獨立，你一吹，我哋三個即到，可以指揮我哋！」她笑說：「如果係足金就更好，依家金價好吖嘛！」她透露成為草蜢經理人從阿智一通電話開始，說：「2004年某一晚阿智打俾我話攞到紅館個期，草蜢卒之可以開演唱會，我替佢哋好開心，然後佢問我可唔可以做佢哋經理人？」她坦言父母擔心好朋友變工作伙伴會變質，結果合作至今21年很愉快，她感謝草蜢。

草蜢與林珊珊

草蜢與林珊珊

林珊珊對蘇志威說：「個個叫你『阿細』，其實你應該叫『阿大』，因為你擁有好大嘅胸襟。」觀眾笑聲，她解釋：「佢今日係有胸肌，但我意思係胸襟，當我哋火紅火綠嘅時候，你用胸襟包容我哋，所以多謝你！」接著對傑仔說：「我哋度過二十幾歲、三十幾歲，估唔到今日我哋度過五十幾歲，（指住阿智）我哋六十幾歲，樂悠卡代表。（對蘇志威）你仲有幾日都樂悠卡喎！」然後她認真對傑仔說：「你每晚俾大家正能量，我要送一句俾你：『你真係好叻仔呀，蔡一傑』！」又說：「多謝蘇師奶同蘇先生、蔡師奶同蔡先生，佢哋喺某一個晚上好興奮咁喺埋一齊，結果誕生咗咁可愛、咁powerful 嘅草蜢！」

草蜢與林珊珊

草蜢與林珊珊

而林珊珊在草蜢舞台唱歌片段網上大洗版，就連她的舊歌MV也被翻出考古，網民留言「邊個估到有生之年可以聽到《戀愛預告》嘅live，好驚喜」、「林珊珊也來一個演唱會吧」，似乎想集氣，推她開個唱！

草蜢與林珊珊

草蜢與林珊珊

「THREE IN LOVE 草蜢演唱會2026」昨晚（5月2日）紅館舉行第六場演出，寰亞傳媒集團老闆林建岳的女兒林恬兒、寰亞傳媒集團行政總裁林孝賢、陳奕迅與太太徐濠縈、鄺美雲、馮允謙、黃淑蔓、車婉婉和劉浩龍等捧場，表演嘉賓張學友。

草蜢紅館演唱會來到第六場演出。

表演嘉賓張學友。

學友出場與草蜢合唱《暫停，開始過》，觀眾揮動手燈大合唱。阿智表示學友擔任草蜢25周年演唱會表演嘉賓，40周年再做嘉賓別具意義。他說：「自從我哋師傅（梅艷芳）走咗，我哋視學友為長輩，有咩都會去問佢。」學友笑言：「我本來唔戴眼鏡上台嘅，草蜢好似食咗防腐劑，出場前台下啲人叫我最好戴返副眼鏡，遮吓啲皺紋、眼袋，睇起上嚟夾啲！」全場笑聲。

張學友與草蜢合唱《暫停，開始過》。

阿智指學友一直有個「迷思」，到底與草蜢誰是前輩？他說：「學友成日話我哋出道先，我反對，因為我哋參加完新秀之後，我參加19區歌唱比賽唱學友嘅《造夢者》。」他與學友即興合唱幾句。蘇志威稱草蜢參加1985年新秀歌唱大賽，同年跟梅姐踏上紅館表演，學友自爆1983年參加新秀但無入圍，翌年參加歌唱比賽並於1985年出唱片，所以「迷思 」解開，四捨五入，學友是草蜢的「前輩」。

張學友與草蜢

張學友與草蜢

提起「前輩」，學友大讚林珊珊，「講起林珊珊，佢真係好勁！上網睇到佢唱《再見Puppy Love》，我突然變得後生咗，好耐冇試過回春嘅感覺，佢係我覺得最正嘅嘉賓。」蔡一傑說：「你都好正，每次見到你都好似見到家人！」學友認真地讚傑仔：「你好勁！」全場掌聲。學友說：「草蜢無論大騷細騷、有騷冇騷，都一齊40年！我自己一個人唱40年唔使理人，好易，但你哋三個一齊40年真係好難，唔係講笑，衷心佩服！」

張學友與草蜢

張學友與草蜢

阿智表示有禮物送給學友，他笑說：「我等咗好耐，上網睇到嘉賓有禮物！」是一支寫了「學友兄，你是我們唯一傳奇。智、威、傑上」錦旗，學友笑言不可以掛在睡房，阿智說：「你掛住一個人就得啦！」學友說：「要入紙申請㗎！」全場爆笑。傑仔特別點唱學友的《你是我今生唯一傳奇》合唱，阿智得戚對觀眾說：「你哋買飛睇學友要第一行，我哋可以咁貼，係咪好妒忌呢？」

張學友與草蜢

草蜢為張學友送上禮物。

昨晚草蜢完騷後，阿智、傑仔、經理人林珊珊和演唱會監製家萍等團隊，在紅館後台為5月3日生日，正式「登六」的蘇志威倒數慶祝生日，踏入零時零分大合唱生日歌，非常熱鬧。太太劉小慧與兩個囡囡Yumi和Ina上前擁抱，蘇志威揚言：「聽日尾場，我會落足200%力表演，慶祝我60大壽！」

完騷後，眾人為5月3日正式「登六」的蘇志威倒數慶祝，

踏入零時零分大合唱生日歌。

太太劉小慧與兩個囡囡Yumi和Ina上前擁抱。