師傅點算｜嘉寶師傅揭死後魂去何處 In Lee師傅通靈尋人變尋屍「自己死咗都唔知」

由「資深廟祝」火火、「實習廟祝」施焯日（Arthur）主持TVB Plus（82台）全新直播互動綜藝節目《師傅點算》逢周一晚9點半及周二晚9點35分直播。

昨晚三位師傅嘉寶、In Lee及裸泳大談死後世界。

嘉寶師傅細說十八層景象。

嘉寶師傅細說十八層景象。

昨晚（5月19日）主題「死後世界」，三駕道長趙嘉寶先從道家角度講述人死後的世界，她說︰「人死後分三魂七魄，三魂分為天魂、地魂同人魂，由道教所講嘅『一氣而生』，天魂、地魂分別上天同入地，人魂就停留喺人間，即係我哋所講中陰身，所以就算祖先去咗投胎，都仲有呢部分留低，所以供奉祖先可以保佑你。」嘉寶師傅表示只人魂要有後人一直供奉，據古書記載可以在人間停留逾3億年庇佑後人。而地魂會落到地府等候投胎轉世之前，會跟鬼差、判官先到孽鏡臺，回看今世功過及過往歷世的記錄，再判定去向。至於大家都熟悉的十八層地獄，原來並非在地底，她解釋︰「係平房嚟，道教經典記載十八層係講緊每一個空間，好似房號咁，代表有18個受罪嘅地方，好似講是非會勾脷筋，如果有其他罪孽就再罰。」受苦年期由十多年到過百年不等，直到投胎緣起才會結束。

In Lee師傅通靈尋人變尋屍。

In Lee師傅通靈尋人變尋屍。

通靈師In Lee對死後世界的認知，主要來自與靈體的接觸，她表示︰「根據眾生形容佢哋個世界都幾荒蕪，亦唔再擁有任何嘢，無事會喺身邊發生，自己一個孤零零。感覺好迷茫，唔知會去邊，特別係一啲遊魂野鬼、飄泊得耐會仲驚，又唔知等乜嘢，變成另一種痛苦。」她提到一單真實個案，當事人竟不知自己已經離世。事緣由In Lee師傅協助尋找一名失聯人士開始，她從通靈感覺，得知對方在一處狹窄、潮濕的地方，當時已有不祥預兆。果然沒多久接到警察通知發現對方屍體。此時靈體開始回復記憶，竟涉及一單謀殺案，她說︰「被殺嘅片段再次出現，靈體開始尖叫、面容扭曲變得瘋狂，樣越嚟越猙獰，怨念湧現。」最後經In Lee師傅勸告，並告知兇手已經落網，才將靈體安撫下來。

昨晚三位師傅嘉寶、In Lee及裸泳大談死後世界。

由「資深廟祝」火火、「實習廟祝」施焯日（Arthur）主持TVB Plus（82台）全新直播互動綜藝節目《師傅點算》昨晚（18日）主題「子女緣」。

「資深廟祝」火火、「實習廟祝」施焯日

昨晚三位師傅（左起）嘉寶、In Lee及裸泳講「子女緣」。

昨晚三位師傅（左起）嘉寶、In Lee及裸泳講「子女緣」。

火火身為一子一女的父親自然最關心，節目一開始便問到父母跟子女從何緣起，In Lee師傅由福份說起︰「首先講『福氣』，原來都會成為揀父母或者成為子女嘅相關問題，如果前世嘅你好有福氣，今世投身嘅家庭就會開心、好融洽，大家唔會有啲咩麻煩，例如憂柴憂米。」同時提到小朋友降臨一個家庭，主要有兩種原因，In Lee師傅續說︰「一種係嚟報恩嘅，報恩嘅小朋友一般會乖啲、聽話啲，小朋友會好似天使下凡咁好、咁正，父母只要花好少時間處理佢，但會畀好多嘢你，甚至關心你嘅情緒。讀書好叻，會供養父母，唔使住老人院。」

In Lee師傅細說「報恩」跟「討債」小朋友特徵。

In Lee師傅細說「報恩」跟「討債」小朋友特徵。

In Lee師傅接住提到討債子女的兩種主要特徵，就是經常跟父母頂嘴，以對抗為樂且不太孝順，不過亦有後天補救方法，她補充︰「係咪討債小朋友唔好呢？其實又未必，父母後天培育，係可以將攞債變成報恩嘅細路。只要父母肯花時間、愛心，貫輸正確觀念教育小朋友，有機會30歲之後，佢哋會明白要孝順父母，再嚟對你好。」

主持火火身為一子一女父親，特別緊張昨日話題。

火火聞言後一副悠然自得的神態，他深信子女今世是來報恩，他笑說︰「我覺得一對仔女係天使，佢哋BB嘅時候，永遠一覺瞓到天光，唔會食夜奶嘅。攞債嗰啲一個鐘就喊一次，又要整醒你。總之佢哋嚟報恩、我又報佢哋恩啦。」

主持火火身為一子一女父親，特別緊張昨日話題。