ViuTV原創劇《COURT!》將於5月18日起，逢星期一至五晚上9時30分播映。《COURT!》由MakerVille出品，銀河映像製作，幕後團隊包括監製游乃海、朱淑儀，導演吳家偉，以及編審潘漫紅。劇集分為3個單元，講述基於不同觀點角度、難以致信的巧合或為了維護更公平的法律原則，都影響著所有案件在法庭上的細節，令最終「真相」的呈現，面臨著不同挑戰和考驗。
《COURT!》劇照
《COURT!》劇照
《COURT!》劇照
《COURT!》中飾演劉大狀的陳湛文透露：「佢哋想劉大狀係一個好工整、好依程序，其實我覺得佢係一個幾有discipline嘅一個執業者，今次就係做一個檢控官，所以佢基本上就住所有證據去睇下可唔可以令到嗰個犯人定罪嘅。」接拍劇集後，他臨時找來律師朋友詢問專業意見，「佢哋係執業嘅人士，去畀返一啲Advice我，或者分享佢哋嘅經驗，究竟喺庭上有咩Manner，究竟喺一啲咁硬件嘅資料下，個腦喺度運作緊啲乜嘢。陳湛文分享自己是亡羊補牢：「因為係開鏡之前一日，我先搵到個律師朋友，不停去惡補自己啲功課。」
透過劉大狀這個角色，他想分享：「其實做嘢幾咁專注、幾咁專業、幾咁有Discipline嘅人，一見到靚女都係會有少少分神、分心，因為呢個我係將會有少少嘅演出係入面，所以我覺得係好貼近現實。」他續說：「每次一過完堂之後，嗰隻私人嘅慾望就會走出嚟，令到觀眾會覺得其實律師又唔係真係咁生人勿近，其實佢哋只係個知識範疇好專門、好專業。但其實佢哋都係正常人一個嚟，甚至乎茶餘飯都係會同你飲酒吹水，鍾意打波、做運動，講下啲八卦新聞，但未必會喺我呢個角色會見到好多，可能會喺其他角色會見到好多。」
ViuTV原創劇《COURT!》於5月18日起，逢星期一至五晚上9時30分播映。《COURT!》由MakerVille出品，銀河映像製作，幕後團隊包括監製游乃海、朱淑儀，導演吳家偉，以及編審潘漫紅。劇集分為3個單元，講述基於不同觀點角度、難以致信的巧合或為了維護更公平的法律原則，都影響著所有案件在法庭上的細節，令最終「真相」的呈現，面臨著不同挑戰和考驗。
《COURT!》劇照
《COURT!》劇照
《COURT!》劇照
《COURT!》劇照
《COURT!》劇照
《COURT!》單元三中的案件涉及到一段多角戀關係，「大婆」邵美君和「第四者」陳欣妍（Shirley）對事件各有看法，在審案過程中逐步揭開真相。原來，在拍攝期間，邵美君並沒有與劇中飾演丈夫的黃德斌有過對手戲：「真係好可惜啊，佢都係一個我好欣賞嘅演員，佢都曾經有參與過舞台劇，不過我都冇同佢交集過，但喺我心中佢都係一個好好嘅演員，佢都有一種男人嘅魅力喺裏面，唔係淨係靚。作為一個演員，好有一種氣質，雖然我冇同佢有對手戲，但演戲時佢個樣都會不斷喺我個腦度出現，我亦都會自己Create一啲我同佢之間經歷過嘅一啲畫面。雖然冇親身咁樣交集過，但喺我嘅幻想裏面佢都真係我嘅老公。」
拍攝後，邵美君分享：「雖然唔係個個人有經歷過伴侶過身，但兩個人相處嘅嗰啲磨合、啱唔啱，我諗係人都有呢啲經歷，所以我覺得呢套戲最吸引嘅地方係每一個人嘅嗰種陰暗面，每一個人對感情嗰種執迷不悔，而好多人都應該有咁嘅經歷。大家一拍完會出嚟睇Playback，睇吓點樣做得再好啲，成個團隊對於戲中嘅氣氛都好認真，大家都好認真咁討論，係一個好有趣嘅經驗。」
而劇中的「第四者」Shirley分享：「我係一段多角關係入面最細嘅小四。我覺得佢係最唔要面嘅嗰個，因為佢係咩都唔要，谷谷（谷祖琳）做嘅嗰個角色，佢係需要個男人，要名份、要確認、要個人。但我呢個小四相比起正室同谷谷，我係真係唔需要，只需要同呢個男人開心過就得。所以喺法庭，導演特登安排我坐到最高，咁我每一次開審嘅時候，由我最高嘅角度望去下面嘅大婆，望向犯人欄嘅谷谷阿二，我嘅角度就係我贏哂啦已經。我覺得佢係一個幾寸嘅小四嚟。」
Shirley跟邵美君一樣，沒有與劇中飾演丈夫的黃德斌拍對手戲，「雖然我係佢小四，但係我哋冇同場。」但她很開心今次可以跟邵美君合作，「佢係一個好照顧我哋，好提攜後輩嘅一個前輩，收到角色時都比較急，我都會同佢一齊去商量，一齊交流一下，所以我都好開心可以同君姐一齊合作。」
