師傅點算｜姜皓文訪降頭師學法與鬼仔同行 拍「邪戲」不理家人反對靠「防降三招」保命

由「資深廟祝」火火、「實習廟祝」施焯日（Arthur）主持TVB Plus（82台）全新直播互動綜藝節目《師傅點算》昨晚（6月2日）嘉賓「黑仔」姜皓文，近日他在主演的電影飾演降頭師。

昨晚嘉賓黑仔，他主演的降頭電影熱播中。

黑仔跟兩位主持及三位師傅排排坐合照。

黑仔跟兩位主持及三位師傅排排坐合照。

三位師傅（左起）嘉寶、裸泳、In Lee

恐怖題材的港產片長久獲觀眾受落，特別是有關降頭術的電影，受歡迎作品包括︰《降頭》、《邪》、《蠱》、《魔》、《降頭》、《南洋十大邪術》等。今趟黑仔在新作中既要跟降頭師學法，又要每日花兩小時化降頭師造型，他接受施焯日（Arthur）訪問時說︰「因為化完之後要噴定型，造出『嚡』嘅效果。至於個妝我都有畀意見，眼底下個心型紋身，係我要求加落去，覺得會詭異啲。」

黑仔每日要花兩小時化降頭師妝。

黑仔每日要花兩小時化降頭師妝。

黑仔表示起先家人反對接拍此戲，理由顯而易見，經多番堅持最終成事。開工前劇組帶黑仔跟多名降頭師見面，其中一位特別投緣，親身授法讓黑仔見識降頭術奧秘。他們同時拜訪幾位中過降的苦主，黑仔笑說︰「佢哋話咪好似病咁囉，而降頭師畀我感覺就好似中醫師，幫人哋醫病，好普通一位阿叔或者哥哥，我嗰啲（造型）係戲劇效果度出嚟㗎。」講到最印象深刻是有位降頭師，會帶同養的「小朋友」一起出入，好多時用膳、坐位都要預留「小朋友」一份。黑仔透露今次拍戲最大收穫是學曉「防降三招」，他表示︰「要執番自己啲頭髮、唔會周圍剪指甲、行開咗杯茶就唔好再飲。」

黑仔講起跟降頭師學法七情上面。

黑仔講起跟降頭師學法七情上面。

節目中三駕道長趙嘉寶直言懂法門的師傅，理論上都會落降，而中式的用詞並非「落降」，她解釋說︰「我哋會叫『落法』，係唔會去傷害人，而係去保護。所以要識唔好（落法）個套，因為你要識咗，先知點幫人解。」此外，火火宣布下星期將舉行第二次Fan Meet主題「講財運」，又會有另一位殿堂級人馬邵音音擔任嘉賓。

嘉寶師傅法們師傅都會「落法」。

嘉寶師傅法們師傅都會「落法」。

由「資深廟祝」火火、「實習廟祝」施焯日（Arthur）主持TVB Plus（82台）全新直播互動綜藝節目《師傅點算》逢周一晚9點半及周二晚9點35分直播。

昨晚主題「順風順水靠風水」。

昨晚（6月23日）主題「順風順水靠風水」，衣食住行中住樓佔香港人重要位置，所謂「有瓦遮頭」是不少人終極目標。所以一開始In Lee師傅就教大家買樓或租樓前最好用的一招，她笑說︰「想知心儀嘅屋啱唔啱你，最好最快最簡單方法就係入廟問土地公，都有名你叫（土地）。入到廟先同土地公公講自己嘅資料，不論租或買都好，都可以請示嘅。」In Lee師傅話稟告完畢便可以擲聖杯求指示。如果連續得到3個聖杯，代表土地公公贊成。In Lee師傅同時提供「風水能量大法」作測試，方法是幻想自己成「靈擺」，她說︰「行勻全屋角落位，因為唔好嘅能量都會聚集喺呢度，睇下有無唔舒服，如果無即係間屋叫唔錯。如果有一半地方都覺唔自在，間樓就唔好考慮。」再來是在屋內隨便走走，假如自然行成一個順時針方向，表示該處空間能量極好，反之亦然。

昨晚主題「順風順水靠風水」。

節目中有網民表示家人經常生病且多「嗌霎」，想尋求應對方法。裸泳師傅以四元素風水破解，表示「多病」及「鬧交」在於土及火元素不平衡所致，她續說︰「解決方法可以擺放合適物件或利用顏色嚟平衡，缺土可以多放綠、啡、黑嘅物件，或者多擺植物、瓷器、盆栽。至於缺火可以放紅色裝飾物、三角形物品嚟增加火元素。」

In Lee師傅教租屋買樓前可請示土地公。

此外，嘉寶師傅為各已婚人士提供夫妻和睦小貼士，就是睡房千萬不可放電視機，會令夫婦感情變淡，她解釋︰「原因係電視好似『第三者』，吸引注意力，令夫婦間減少傾偈。而電視螢幕反光如鏡，容易招外遇。化解方法可以用布冚住電視機。」她又傳授增進夫妻感情的秘技，就是在床底下放「陰陽石」，嘉寶師傅笑說︰「可以係一黑一白嘅石頭，可以增加夫婦間嘅激情。」三年抱兩不是夢。

嘉寶師傅表示睡房不宜擺電視。