/wp-content/uploads/blogger/2026/02/WhatsApp-Image-2026-02-27-at-10.52.341-300x300.jpeg.webp)
叮噹叮噹！各位同學仔，又到咗「AI 小息」時間！
踏入 6 月畢業季，如果你有留意各大名校嘅畢業演講，會發現啲科技大佬個個都叫畢業生「一定要擁抱 AI」。不過，最近當紅喜劇演員錢信伊（Ronny Chieng）去到哈佛大學演講，竟然反其道而行，激動咁大叫：「你哋呢一代嘅任務，就係要摧毀 AI！（The mission of your generation is to destroy AI!）」
點擊看圖輯
當紅喜劇演員錢信伊（Ronny Chieng）哈佛大學演講大叫年輕人嘅任務係要「摧毀 AI」！
錢信伊強調：「創作先係最好玩嘅部分（Creating is the fun part）。」
錢信伊強調：「創作先係最好玩嘅部分（Creating is the fun part）。」
好奇豆平時教大家用 AI，係希望大家將「沉悶、重複性」嘅行政工作交畀 AI（例如排版、搵資料），等自己有更多時間去做「真正有意義嘅創作」。
點解一個咁出名嘅人要反 AI？其實佢唔係反對科技，而係想點醒我哋一個殘酷嘅真相。今日，好奇豆同大家一齊放低手頭上嘅 Prompt，做個深度反思！🧠
當紅喜劇演員錢信伊（Ronny Chieng）哈佛大學演講大叫年輕人嘅任務係要「摧毀 AI」！
🤔 諷刺一：「AI 識覆 Email？我都識啦！」
Ronny 喺演講入面舉咗個好好笑嘅例子。佢話好多人會好得戚咁炫耀：「嘩！你知唔知 AI 而家可以幫我讀信、幫我總結重點，仲幫我 Draft 埋 Email 添！」
Ronny 忍不住瘋狂輸出：「你知唔知仲有邊個做到？我呀！我都識呀！如果你連覆 Email 都要靠 AI，你到底有幾廢？（How useless are you?）」佢認為，AI 最後只會令本身已經平庸嘅人（Mediocre people），變得越來越蠢。」
佢認為，AI 的確可以幫人類喺醫學、科學等複雜領域取得突破。但係，如果我哋連日常嘅閱讀、思考、寫幾句簡單回覆，都要依賴 AI 去代勞，咁我哋最後失去嘅唔係一份工作，而係「練習思考嘅能力」。結果，AI 最後只會令本身已經平庸嘅人，變得越來越蠢。
錢信伊強調：「創作先係最好玩嘅部分（Creating is the fun part）。」
📚 諷刺二：10 秒睇完佛經，但你成佛未？
為咗證明「捷徑唔一定係好事」，Ronny 講咗個真事：佢最近推介朋友睇一本叫《Buddhism Made Simple（極簡佛教）》嘅書。「點知我個朋友無去睇，佢用 AI 用咗 10 秒鐘去 Summarize（總結）本書。信唔信由你，佢睇完個 AI 總結，並冇因此而大徹大悟（He didn’t reach enlightenment）。」
Ronny 一針見血咁指出：「原來用 2 倍速去睇佛經，係完全錯過咗重點。」學習嘅過程本身就係意義所在，如果下下都跳去睇「大結局」，我哋失去嘅，其實係「累積認知」同「練習思考」嘅能力。
⚔ 諷刺三：未來戰場係「真材實料 vs 扮工專家」
當人人都識得用 ChatGPT 一秒生成千字文，或者用 AI 整靚個 PowerPoint 嗰陣，究竟你同其他人仲有咩分別？
Ronny 講咗一段發人深省嘅說話：「你哋未來嘅戰場，唔係人類對抗 AI。而係『有內涵嘅人』對抗『膚淺嘅人』；係『真正大師』對抗『造假專家』；係『有品味』對抗『俗氣』。」
AI 只係燃料（Fuel），如果你本身冇料、冇基礎知識，你根本點唔著個火！
如果你只係靠 AI 去「裝懂」，一到要即場發表意見或者解決突發問題時，就會即刻穿崩。只有親自落過苦功、有扎實專業知識嘅人，先可以喺 AI 時代企穩陣腳。
錢信伊強調：「創作先係最好玩嘅部分（Creating is the fun part）。」
🎨 諷刺四：創作嘅過程，先係最好玩嘅部分！
呢一點，絕對係成場演講最觸動人心嘅地方。身為喜劇編劇，Ronny 強調：「創作先係最好玩嘅部分（Creating is the fun part）。為咗度一條好笑嘅橋，左砌右砌，最後完成一件困難嘅事，嗰種滿足感，我點會想畀 AI 搶走？」
好多時我哋為咗快啲交功課，會用 AI 直接生成結果。但其實，畫一幅畫、寫一首歌、甚至係死度爛度諗一條絕世好橋，真正珍貴嘅從來都唔係最後嗰件「製成品」，而係你親手完成佢嘅過程。
好奇豆平時教大家用 AI，係希望大家將「沉悶、重複性」嘅行政工作交畀 AI（例如排版、搵資料），等自己有更多時間去做「真正有意義嘅創作」。
💡 豆豆總結：做 AI 嘅主人，保留思考嘅靈魂！
好奇豆平時教大家用 AI，係希望大家將「沉悶、重複性」嘅行政工作交畀 AI（例如排版、搵資料），等自己有更多時間去做「真正有意義嘅創作」。
記住，AI 係一架超級跑車，但「揸軚」嗰個始終要係你。千祈唔好連自己個腦都外判埋出去！
今個小息講住咁多先！你又有冇試過太依賴 AI，搞到自己轉數慢咗？我哋下個小息見！👋
AI好奇豆
** 博客文章文責自負,不代表本公司立場 **
