周家怡主演電影《媽樣年華》殺入上海電影節 飾演多次媽媽角色戲言：係咪嚟緊好快要做阿嫲

周家怡主演的電影《媽樣年華》近日入選「上海國際電影節展映單元」，日前她聯同導演一齊出席電影節，跟內地觀眾見面。對於今次入圍，家怡坦言十分開心，「見到觀眾反應好好，我同導演都好開心。最好就可以去多啲唔同嘅電影節，俾多啲人睇到我哋香港嘅作品。」

《媽樣年華》海報

周家怡日前聯同《媽樣年華》導演一齊出席上海國際電影節。

提到今次係飾演媽媽角色，家怡大笑，「其實已經唔係第一次，已經飾演咗好幾年，我都諗緊係咪好快要做阿嫲，哈哈。」她指今次最大難度是要跳鋼管舞（pole dance），「以前未跳過，過程幾唔容易，但係好好嘅經歷，有成功感。」不過練習期間家怡受傷骨裂，更要休息個半月，不過為免擔誤劇組，在未完全痊癒的情況下，家怡立即投入鍛鍊，「搵咗Personal Trainer幫我操，用晒各種方法喺最短時間build up肌肉嚟應付，雖然有壓力，但幾好玩。」

周家怡

談到戲中最感動一幕，家怡謂：「首先係自己成就解鎖。之前香港試映，現場有好多媽媽觀眾睇到眼濕濕，見到佢哋有共鳴，覺得要『搵返自己』，我好感動。當然，有唔係媽媽嘅睇到都覺得好啱佢哋睇，因為好多時，我哋都會圍繞其他人去付出，而忘記咗自己。」

周家怡

家怡還分享跟媽咪的難忘事，「前幾年媽咪隻腳行得唔好，我朝朝捉佢去跑步，帶佢睇物理治療師，跑完步帶佢食嘢，等佢覺得歡樂。佢嗰陣要揸拐杖，而家唔使啦，間唔時都會跑步。另外一次同朋友帶各自爸爸媽媽去日本旅行，我哋幫佢哋拍咗隻《Long Vacation》MV，前一晚仲周圍張羅道具化妝品，見到各位爸爸媽媽對製作非常認真投入，好搞笑。」

周家怡與父母

至於未來工作，家怡透露，「七月會有我之前拍嘅劇集《日落下的彩虹》出街，都會繼續拍電影，同埋拍YouTube Channel《恨駕女團》，會繼續拍關於車嘅嘢，嚟緊節目有突破，不過暫時唔講得住。」

周家怡主演的電影《媽樣年華》日前獲家怡母校聖嘉勒女書院（St. Clare’s Girls’ School）包場欣賞。電影播放完後，家怡聯同導演胡翠兒一同入場謝票，獲全場師妹及老師熱烈歡呼。當日家怡就讀時的校長亦親自到場支持，並與她深情擁抱，校方又送上花束，以及以家怡早前回母校探訪時的照片製成的燈箱，場面溫馨感人。

《媽樣年華》

影片截圖

影片截圖

影片截圖

影片截圖

見到昔日校長及多位已退休的老師到場支持，家怡坦言非常感動。謝票期間，她又特別勉勵在場師妹珍惜與家人相處的時間，鼓勵大家即使只是簡單地傳送訊息給父母，也是一份心意，「我以前好曳，成日鍾意躝街，又唔黐家，有一日我返到屋企見到我阿爸阿媽突然間覺得好似『嘩！點解佢哋好似老咗好多咁嘅。咦！係喎，其實我哋人係有限期個喎。』」她續說：「你哋如果咁細個就可以有呢一個諗法，咁你哋就有好多時間可以珍惜同屋企人相處嘅時間，係好正嘅。」即使未必即時說出口，只要心裏記住這份想法，亦同樣珍貴。

影片截圖

當日，家怡讀書時的班主任亦有捧場，事後家怡分享當年與班主任的一件難忘事，笑言對方身兼訓導主任，表面嚴肅實質心軟，「因為嗰陣時我冇乜眉毛，我就畫眉返學，班主任見到我，都有嚟話我，佢話：『其實唔可以咁樣畫眉返學㗎喎。』我就同佢講：『唔畫好恐怖㗎喎！』哈哈。」她指班主任最終好好跟她商量，「佢話畫還畫，唔好咁深色。佢講嘅時候好似好嚴肅咁，但其實我覺得佢心裏面係好錫學生，好得意，我覺得佢要特登去裝一個好似好惡嘅模樣，但其實佢個內心都係好可以商量同埋可以同學生溝通嘅老師。」

影片截圖

這次謝票，家怡笑言最大得着是「好想返番去讀書，好想由頭讀一次」，「而家睇番轉頭覺得讀書嘅年代其實真係好開心，可以無憂無慮咁樣為自己而轉。但係細個唔識得咁諗，覺得好似個個都要讀㗎啦。但而家大個咗諗番轉頭，就覺得可以無憂無慮咁為自己讀書，其實係一件好幸福嘅事。」她寄語所有師妹好好享受校園生活，「希望所有嘅師妹都可以識得咁樣諗，好好enjoy佢哋嘅學校生活。」

影片截圖