港人北上消費成風，每逢周末假期深圳各大商場都擠滿香港人。電子支付在內地早已成為主流，不過最近就有一位女網民在社交平台群組「深圳大灣區好去處開心share」發文，自爆自己北上消費時仍堅持做「現金黨」，堅持用現金付款，更問有冇同路人：「請問依家仲有冇人返大陸好似我咁用現金畀錢？」帖文一出即時惹來熱議。
內地民間早已視電子支付為生活一部分。資料圖片
網民嘲諷：全世界都用電子支付
帖文引來大批網民留言，大部分人都表示內地民間早已視電子支付為生活一部分，仍帶現金北上消費恐怕會被投以奇異目光，視為「另類」。有網民不留情面地留言：「兩年前已經畀人當怪人看待，話冇錢找，何況依家，你只會處處不便，極度冇癮」、「全世界都用電子支付，你還停留在上世紀，用現金支付，又要預備散銀，唔怕煩嗎？」
點擊看圖輯
內地民間早已視電子支付為生活一部分。資料圖片
內地民間早已視電子支付為生活一部分。資料圖片
內地民間早已視電子支付為生活一部分。資料圖片
有網民引述內地法例，指出「店舖不可以拒絕收現金、必須有足夠零錢作為找續」。新華社資料圖片
內地民間早已視電子支付為生活一部分。資料圖片
亦有網民直言用現金只會浪費大家時間：「你可以比現金，但預冇得找，或者人家要花時間搵現金找比你，浪費大家時間囉」、「上面一個電話搞掂 ，埋單搭地鐵搭巴士call車，你估香港咁落後仲要帶銀包」。不少人更表示自己早已全面轉用電子支付：「近年上去無用過現金，全部電子支付」、「1/5時間在大陸生活玩樂，全年冇用過現金」、「全部用電子支付 亦都可以付現金 但係可能冇零錢找續」。
有網民更分析內地商戶不願收現金的原因：「因為太多假銀紙，所以佢地轉電子」、「我係香港都冇用現金啦，仲話返大陸」。
內地民間早已視電子支付為生活一部分。資料圖片
網民撐樓主 帶備現金可做足兩手準備
都有網民認為北上消費可做足兩手準備：「分別帶現金和電子支付以策萬全，入鄕要隨俗」、「帶備少量現金好啲，萬一遺失電話，乜車都搭唔到」、「萬一無咗手機，我有實體銀聯信用卡、現金可用」、「我主要用香港支付寶和微信支付，帶幾百現金主要用在食自助餐100元按金」。而且現仍有不少長者因不熟悉科技故仍用現金「老人家，全現金，0電子支付」、「有好多人仲係畀現金㗎有啲長者仲未識用電子支付」、「我奶奶成疊100蚊紙拎上去」。
有網民引述內地法例，指出「店舖不可以拒絕收現金、必須有足夠零錢作為找續」。新華社資料圖片
內地法例：商戶不得拒收現金
不過，亦有網民引述內地法例，指出「店舖不可以拒絕收現金、必須有足夠零錢作為找續」，更有人分享親身經歷：「昨天去山姆都畀現金」。事實上，中國人民銀行聯合國家發展改革委和金融監管總局發布《人民幣現金收付及服務規定》，明確指出自2月1日起，行政機關、事業單位、公共服務機構及各類經營主體不得隨意拒收人民幣現金，亦不得對現金支付採取歧視措施，商戶更要預備足夠零錢找續，以防范和整治拒收現金的歧視性行為。
