港女寧違法屈住工廈拒村屋 男友憂「冇背景被玩死」 網民：唔好夾硬同居

有港女與男友為同居住處爭拗，男友寧願屈居違法工廈，堅拒她提議租村屋，更拋出「暗黑警告」指村屋會被圍頭佬針對，惹網民熱議。不少人狠批工廈不適合居住，同時建議兩人考慮「第三選擇」。

有港女與男友為同居住處爭拗。Threads截圖

男友拒村屋：冇背景會被圍頭佬玩死

樓主在社交平台訴苦，指男友屬意租工業區單位，認為平同方便；但她認為工廈住人唔合法，「寄信又要寫第二個地址」。她提議租村屋，指性價比高、地方寬敞，頂多交通唔方便。豈料男友對村屋極度抗拒，更拋出陰謀論：「村屋好黑暗，你無背景、唔埋堆，畀啲圍頭佬玩死你！」樓主反駁身邊不少朋友住村屋都相安無事，認為只係去住唔係做生意，「冇利益衝突邊個得閒理你呀。」

有港女與男友為同居住處爭拗。AI生成圖

網民狠批工廈

針對租住工廈，絕大部份網民極力反對。除咗違法外，更直指工廈環境惡劣：「隔音太差，空心板牆易穿，鄰居咳都聽得好清楚，xoxo更加全程直播」、「架𨋢日日壞，要行十層樓梯，住ghetto咁」、「左右兩邊都係情侶用嚟當炮房……聽佢哋啪啪啪」。亦有網民提醒水質差、消防危險及不合法性質令女生無保障，一旦有租務糾紛或被迫遷無法追討。

有港女與男友為同居住處爭拗。AI生成圖

網民意見兩極

至於村屋是否如男友所講「黑暗」，網民意見參半。有過來人分享被排外經歷：「試過門口畀村民淋紅油」、「倒後鏡畀人撞甩，只要你係外來人就想趕走你」。亦有具多年住村屋經驗網民平反，指避開原居民勢力大嘅圍村、揀雜姓村或屋苑式村屋，「住咗廿幾年轉咗十幾間都無遇過村霸」，甚至有業主送雪櫃冷氣，充滿人情味。

新界村屋。資料圖片

網民獻計「第三選擇」

有網民形容呢場爭拗係「咖喱味屎 vs 屎味咖喱」，奉勸若預算許可應找第三選擇：「Target吓一萬蚊左右嘅唐樓或舊式住宅，全香港都仲有揀擇」，更重要係「邊個畀錢邊個決定」。有人直言如果連居住環境都未能共識，「現階段根本唔適合夾硬搬出嚟同居」。

屋宇署：工廈住人屬違法

根據地契同《建築物條例》，工廈只可作工業、倉庫或特定非工業用途，改作住宅出租屬嚴重違法行為。租客無法循正常法律途徑追討租務糾紛，且隨時面臨被迫遷。業主將工廈作非法住宅用途一經定罪，最高可罰款5萬元及監禁一年。屋宇署提醒切勿將工廈單位用作非法住宅用途。

近日有Threads友就以「究竟香港有幾多間食字餐廳」為題發文，引起大批網民踴躍分享香港搞笑兼有創意的食字餐廳名，睇下你又有沒有聽過或食過？

threads 截圖

勁餃笑
「勁餃笑」主打湯餃及煎餃，有傳統的白菜豬肉餃、新派的大葉雞肉餃、鮮蝦有帶子豬肉餃等。發文者先拋磚引玉，貼出「勁餃笑」作為餐廳名的餃子店，引來網民紛紛PO出自己見過又有拍照的有趣食字餐廳。

threads 圖片

引人飯聚

另一間「引人飯聚」，店名擺明玩「引人犯罪」食字，創意滿分之餘，又講中意思：吸引大家來聚會吃飯。網民見到都忍唔住笑話：「你今日又犯咗未？」

泰瀾鑊
分別位於北角、西沙及元朗的泰國餐廳「泰瀾鑊」。其實本地有不少泰國餐廳用「泰XX」作為餐廳名，想食「太」字，而網民惠顧這間店就暗玩廣東話粗口「太X鑊」，食字之餘又可以感受到餐廳的鑊氣。

threads 圖片

烤are you

「烤are you」店名玩的是英文「how are you」的食字，店主巧妙地突出「烤」主題，小店力主力賣的是原隻土匪烤雞和風林火山骨。

threads 圖片

川粵時空
「川粵時空」睇名就知係食川菜同粵菜，真的可以穿越時空嗎? 就要食完先知。

糍到大王

旺角糯米糍專門店，店名中的「糍到」則是玩「遲到」的食字，芒果口味糯米糍最好賣。

threads 圖片

蒸益求蒸
觀塘家常小菜館起名為「蒸益求蒸」不但突出店主對出品有信心，就連英文名EXCERLSIOR STEAMING亦襯到一絕。

threads 圖片

慢調私理

同樣是觀塘區的健康餐外賣店「慢調私理」是，英文名叫Sous Vide（低溫慢煮），與中文店名點題。

眷戀串
屯門串燒店，一來表達出食客「眷戀」他們的食物；另一方面又食咗「咁X串」的諧音。

threads 圖片

粥君好

西環平民粥店「粥君好」食咗早年大熱電視劇《祝君好》的劇名。

threads 圖片

餃里
賣煎餃、湯餃及上海麵，於本地有多間分店的「餃里」。是否覺得係「搞你」呢？網民爆笑回應：「好餃唔餃無嘢搵嘢嚟餃！」

threads 圖片

餃掂

除了泰國餐廳鍾情用「泰」作為食肆餐廳名外，香港不少餃子店如「餃掂」手工餃子雲吞專門店，亦同喜歡以同樣方式起名。